· Ghana gam ah abeisa ninih akipan Tuikhang in Innteng
tui in tum mang ahihman in mipiten amuanhuai namun te ah akibum liailiai laitak
Accra khuapi sung a om Namgimtui zuakna munpi khat June 4, 2015 ni in meikang
a, milombukna khat ahihman in mi 90 vaal si in pawlkhat liam uhhi.BBC
· US Secretary of Defense Ashton Carter India gam New Delhi khuapi June
3, 2015 ni in vatung a, India Defense
Secretary Manohar Parrikar tawh India leh US te gaalvan bawlnalam ah
mapangkhawm ding in suaikaihna nei uhhi. Hih Suaikaihna sung ah adiak in
Vanleengpua Tembaw, Gaalvanleeng set cihte lam semkhawmding cihzong kihel
hi.VOA
· Gaza khuapi pan Israel gamsung Hamas ten Siktum
pawlkhat June 4, 2015 ni in nalot phei zeel ahihman in Israel gaalkaap IDF ten
hih hi ei kazonzon uh cipah in Vantung pan Gaza khuapi tawmveisung Beeltung
khiat zatzat uhhi. Azenzen in Israel gamsung ah Hamas ten siktum onglot laai
leh letsong thupi mahmah kipiading uhhi Nungkim in kha 2 sung cimphawng a
kongvikpak uh 2,000 vaal si hilo nahi uhhiam ci in Israel ten vaugiapta
uhhi.Haaretz
· India gam Manipur state Imphal khuapi ah June 1,2015
ni Nupi kithat a Kala gaalkaap te thah hiding in kilam en ahihman in mipi in
June 3,2015 ni in lungphona nasiatak nei uha, Amin kitheilo Singnuai mi
thautawi pawlkhat in Kala gaalkaap te Imphal khua kiang lamkaal ah buksim in
nakap ek uha, gaalkaap 10 si in 12 liam uhhi.BBC
· South Korea gam ah Mers lungno hang in June 4, 2015
niciang mi 3 sita a lungno anei mi 35 phata ahihman in South Korea gamsung a om
Pilna sinna Saang Inn 700 vaal kikhaakcip phot hi.BBC
Lungdam
Thang Khawm Pauzomi
No comments:
Post a Comment