Tulaai Leitung Thuthang Tuamtuam Updates June 19, 2015

Tulaai Leitung Thuthang Tuamtuam Updates June 19, 2015

·      US gam South Carolina state Charleston khuapi sung a om African-American Methodist Biak inn Kaap in mi 9 athatpa Dylann Roof kum 21 North Carolina state sung South pan tai 200  vaaldeuhna ah June 18 ni in Palik ten man uha, June 19, 2015 ni in Thukhenzum ah thusitna nei uhhi. Dylann in mi 9 te kathat mah hi ci in gen a ahizong in thukhenna kibawl naailo hi. South Carolina Governor pan bel thu nakhen hunhun thahlup ding in thukhen un ci in gen hi. Hih thu I et ciang Ei Zomi te zong kidop huai tampi om cih ongphawk sak hi. USA gam peen athukhun uh ahoih mahmah manbek hi in ei Gampua pan a peem ten Inn khawng, Biak Inn khawng nei in nasephoih khawng ineihciang onghaza a ongthat nuam tam mahmah uhhi. Zomi te USA gam ah Pasian in thupha ongpia in ei le ei in Biak Inn khawng  kinei in Inn le lo kinei ta ahihman in Security lamzong thupi ngaihsut a pilvaang mahmahding kisamta hi. Tutung a thupiang bang Biak Inn in CCTV naneilo hileh kimanzolo khading hi.BBC

·      India gam Munbai khuapi nitumna lam ah amau le amau a ahuan uh Zu dawnna hang in June 18 ni in mi 41 si a mi 20 vaal zato kipuak a hih Zato lam a omte zong bangzah siding cih kithei naailo ci in thunei ten gen uhhi. Hih ZU Huan tawm te peen ahaatna-akhauhna kiteh theilo ahihman in tawmman ici tateu ta zong in dawnkholloh hoihzaw dan ci uhi. BBC

·      India gam mah Mumbai khuapi sung ah ginneih hetlohpi June 19, 2015 ni in Thuakzawhloh zahkhop in guahzu ahihman in lampiteng Inn teng tui in tuum zihziah a Meileeng,Bus cihte taai thei nawnvetlo ahihman in dinkhawl mang in mipi atulzalom asim beidong in laamkaal ah khawlzihziah uhhi.BBC

·      India gam Utter Pradesh state Pratapgarh khuapi sung a om Hotel khat a ihmu phingpheng tawh, akihualhual tawh, tuding abawltawh akidiah phingpheng laaitak June 19, 2015 ni zingsang nai 5 kiim pawl in meikaang a, mi 10 mei in kaanglum in pawlkhat zato lam ah kinawnkhia hi.BBC

·      South Korea gam sung a alaangmahmah MERS lungno hang in June 19, 2015 niciang mi 24 sita a, Oman gammi  khat zong Thailand gam Bangkok khuapi pan  June 19, 2015 nimah MERS hang in gim a akikhoilaaitak ci hi.Adang mi 59 zong ummawh uh ahihman in veelsan uhhi. kilawh manlaang mahmah hileh kilawm ahihman kawlgam khawng ongtunloh nang in thungen ni.BBC

·      Pakistan gaalkaap ten Afghanistan tawh gamgi dung a kibusa Singnuaimi te phualpi June 19, 2015 ni in Vanpang beelmaai alomlom in khiat ek uh ahihman in singnuai mi 20 si in 19 liam hi cii n Pakistan gaalkaap ten taangkokhia uhhi.VOA

·      Denmark gam June 18,2015 kiteelna ah kumpi seem te langlam khat ahi Prime Minister luui Lars Lokke Rssmussen Parliament tutna 179 lak ah tutna 90 ngah ahihman in gualzawhna ngah hi. Prime Minister Pi Helle Thorning-Schmidt’s in 85 bek ngah ahihman ama Party ahi Social Democrat Party lutangpan kakhawl maiding ci in June 19, 2015 ni in taangkokhia hi.VOA

Lungdam leuleu ei

Thang Khawm Pauzomi