Thursday, July 16, 2015

(Hot News! ) Tulaai Leitung Thuthang Tuamtuam Updates July 16, 2015




·      Zomi  ten dawi havang kaal ah kum 25 vivel ithuak keeikaai leh ingak ngiungeu ahi ikhaici te kilo thei dekdek tading ahihman in Ibiak Pasian min iphat masa hi. Kawlgam 2015 kum kiteelpi ah Tedim,Tonzang,Kawlpi leh Hakha khuapi te pan Zomi thu le la hawmding gelding in Zomi Congress for Democracy-ZCD in July 16, 2015 ni in Tedim khuapi ah Gambup khawmpi nei uha, Taangmi khua 40 pan makaai 142 te in khentatna neitaktak uh a, anuai bang in akhuakhua ah MP ding sehkholhna nei ta uhhi.

Tedim Khuapi
1.Chin Sian Thang
2.Pu Gin Kam Lian
3.Pu Ngin Thang
4.Pu Thang Deih Khup
5.Pi Kam Khan Dim
6.Pi Ciin Do Niang leh Mipi deih pulaakna tawh,
7.Pu Zam Za Mung leh Pu Nung Sian Tuang

Tonzang Khuapi
1.Pu Do Khan Lian
2.Pu Pau Lun Min Thang
3.Pu Cin Suan Mang
4.Pu Mung Lan Thang
5.Pu Langh Kap Thang 
6.Pi Cing Ngaih Mang
7.Pu Kham Khan Thang
8.Pu H Vum Za Nang
9.Pu Thang Za Mang

Hakha Khuapi
1.Pu Khup San Thang

Kalaymyo-Khuapi
1.Pu Anthony Kap Khan Khual
2.Gin Sian Kham
3.PU Ngul Do Tuang ( Mipi deih pulaakna tawh)

Tuabek hilo in Gualzawh theihnading vaaihawm pawlpi zong kiphutkhia pah a, anuai abang in pawl kilam pah hi.

1.Pu Chin Sian Thang
2.Pu Gin Kam Lian
3.Pu H Khual Za Nang
4.Pu Kham Khan Thang
5.Pu Zam Khan Suan
6.Pu Zen Khan Khup
7.Pu Pau Lun Min Thang
8.Pu Cin Suan Mang
9.Pu Khup Khan Mung
10.Pu Do Khan Lian
11.Pu Zam Za Mung

Akimeizom mah in gualzawhna zumpi khat kineipah a, Zumpi ding in Rev Khup Lian Mang in Zomi a itna ngiat tawh a inn midang te in khakhat Ks/250,000 tawh asaap ZCD ading in Ks/100,000 tawh ongpia khia hi.

Zumsaap nading in midangte neihsa kiduh gawhpeuhmah lo in Zomi te peen eima thabek amuangngiat te ihihna tawh kizui in anuai a bang in Zomi makaai te in piakhia pah uhhi.

1.Pu En Za Kap Ks/300,000
2.Pu Sk Khan Pau Ks/100,000
3.Pu H Vum Za Nang Ks/100,000
4. Pu Do Cin Thang Ks/100,000

Tuabek tawh khawlnaai deklo hih ZCD khawmpi sung zatding in USA gampan angaihhawhpal Pu Cin Sian Mang@Mangsen in Ks/500,000 leh Pi Cing Ngaih Mang  in Ks/200,000 piakhia ziau uhhi.

Tun mipi lampan November 8,2015 niciang Mee kuangsung ah ZCD khiat ding imawhpuak hita hi. Ei huansung a singgah midangte losak kei ni. Zomi it ing icihleh ineihsun ZCD mah mee piaciat ni. Ihuan sung ah gan ongtat leh hawlkhia ni! Inngua hahlo gamgua hahkei ni! Tak kheh ! Zomi ! Zomi ! Zomi ihai leh Zomi ah haikhawm ni! Ipil leh pilkhawm ni! Nekhawm, hawmkhawm,seemkhawm khut khat tawi khe khat khai bang ni! Zomi te zingvaai Zomi tem ah in hawm ni! Liailiai ni diamdiam ni! Zogam ongpaal luun ding hita hi. I MP dingte muanhuai thei mahmah hi. Ken midangte a saang muangzaw tham ing. Anung ah thuapni thapia ni pahtawi siam ni. Zuun ni

·      Hamas migilo pawl in Gaza pan Israel gam tawlam July 16, 2015 ni in siktum pawlkhat nalot phei kha uh ahihman in Israel ten Vanlam pan Gaza khuasung aom Hamas hausa sepna muting ah Siktum pawlkhat nakhiat leuleu uhhi. Asi aliam leh inn le lo sia bel bangmah omlo cibilbel hi.VOA

·      US President luui George H W Bush kum 91 July 15,2015 ni in a inn ah tuuk a angawngguh sutan kha in zato ah kipuak hi. Amah peen nuamtuam zawdeuh ta a, angawng ah thuahleetlaat khat neicitciat hi. VOA

·      India leh Pakistan gam te gamgi dung vaai Russia gam ah akikup zawh uh sawtnaailo July 16, 2015 ni in Kashmir kuam ah gamnih meikuang kikheekna nei uha, Paki lam mi 4 si in 5 liam a, India lam mikhat si in 3 liam uhhi.Tuaban ah Pakistan ten Idi ate thukan ahawlneilo vanleeng khat kaapkhiat sake k uhhi.BBC

·      Nigeria gam khunglam mun 3 ah Boko Haram migilo te hiding a upmawh pawl in July 15,2015 ni in mi 33 that uha, July 12,2015 ni in Biak Inn te bansim uh ahihman in mi 44 that  in tamsimsim liam suah uhhi.CNN

Lungdam
Khialhna aomkhaak aleh ngaihdam bawm ah maw

Thang Khawm Pauzomi

No comments:

Post a Comment