Tulaai Leitung Thuthang Tuamtuam Updates November 26,2014

·      Nigeria gam Chibok khua kiang November 25 ni zanlam in Boko Haram migilo te hiding a upmawh thautawi khat in mi phialkap a khuasung mi mawhnanei kilkello mi 20 si uhhi. Hih Chibok khuapi peen Boko Haram migilo ten sangnaupang numei 200 April khasung a amatcipna khua zong ahihi. Borno state Maiduguri khuasung mah ah November 26, 2014 ni mah in Boko Haram re khutsiamna tawh bomb nih puakkham a mi 30 vaal si uhhi. abcnews.go.com\

·      Sengam nitumna lam  Liaoning province sung a om Suangmeihol khual khat November 26, 2014 ni in mei in kaangcitciat a , nasem mi 24 ki emlumkha in adang nasemmi 52 te liam uhhi. Hih Sen gam  ah nungkum 2013 sung vekvek in hihbang Meihol khuk meikatna 589 veipiang a mihing 1,000 bangsi ci  uhhi. voanew.com

·       Syria gam IS migilo te ukcipna khuapi khat ahi  Raqqa khuapi  Syria gaalkaap ten vanlam tawh November 25 nasiatak azialna hang in tuni dong misi kimuhbeh toto a tuni November 26, 2014 ciang misi 95 cingta a, mi 120 liam uhhi.voanews.com

·      USA gam Missouri state Ferguson khua mivom naupang khat palik kaangkhat in akaplupna  vaai thukhenzumte thukhen nalungkimlo mivom kitom te hanciam semsem uha, November 26, 2014 ni in US gambup khuapi teng kizeelsak ta uhhi. Ferguson khua sung bekbek pan kumpi thuneiten mi 44 mankhin uha, gaalkaap tah 20,000 zangding in thuneiten vaaihawmta uhhi.cnn.com

·       Kawlgam sung adaihtheih nading in mikim kiheltheina gamvaai naseem pawltuamtuam pan makaaite tawh kimu thithe in ahoihpeen atundong kahanciam pha mahmahding ci in Kawlgam President U Thein Sein in November 26, 2014 ni in genkhia giapta hi. Kawl gaalkaap mangpi Min Aung Hlaing in bel kawlgam anuamgam asuahtheihnading in party tawh kikalsuan ahihmah bang in party kimtawh  kitaltuah in kawlgam hoihnading kikum cihpeen thupi a kasangzo hi cihi. Ahizong kawlgam sung aninsak agamlum sak anawngkaai sak a thau khawngtawh ongvau kha pepeuh peen hahsiang pahpah ding ko gaalkaap te nasep hi cigiap ahihman thautawi ding khawng ikipat laanglaang leh siding cihna ahihi.

·      Hongkong gam a China ukna deihlo lungphona aneih zawh uh kha 2 kiim cingta a kilamdan om cihtha dah in kumpi thunei te in mipi hahsiang November 25 ni kipan leuleu in Lungphona makaih ahi Sangnaupang makaai Joshua Wong leh Lesther Shum te akihel makaai tamsimsim November 26, 2014 mancip uhhi.bbc.com

Lungdam zel ei maw

Happy Thanksgiving cini ei

Thang Khawm Pauzomi

Tulaai Leitung Thuthang Tuamtuam Updates November 25,2014

·      Ongtungding November 29 USA gamte Lungdamkoh pawipi ni in Tulsa khuapi ah ZCD Party te makaihna tawh gam le minam maban political talk show FGA biak inn pi ah nasiatak in kinei ding a apai mikheempeh ZCD in neek le dawn ongvaakding  hi.

·       USA gamsung ah Zomi atampeen nihna ateenna khuapi ahi Nashville-Music City ah November 29 nipan kipan in Khuado pawi leh Crusade nasiatak neiding uha, Crusade sung ah Rev Pau Lian Mung kawlgampan ongpai in Pasian thu kha-ann vaakna neiding hi.

·      USA gam Ferguson khua Missouri state   ah  nung mahmah a mivom tangvalno khat palik mikang khat in akaplupna tawh kisai palik pa khiallo hi ci in November 24 ni in thukhen zumte thukhenna lungkim lo in mivom honpi in zanhak in lungkimlohna lak bektham lo in inn,mawtaw haal kitom in huaisia semsem ahihman palik te tawh buai uha, mi 14 November 25, 2014 ni in liam uhhi. Hih mi ngongtatte akeemding in gamsung gaalkaap atamtheithei bullam pan apuaknading in Missouri Gov pa in ngen hi. Ferguson khua bek ah hilo in New York,LA cihte ah zong mivom te so khengkhang uh ahihman US peuh upmawhloh in abuai khatam ci in ki um mawh hi. cnn.com

·      Sun Princes kici New Zealand leh Australia Sydney khuapi kikawmna Tembawpi tungpan November 24 ni in papi kum 84 khat hingman in suntha paai zantha paai Australia kumpi thuneiten azonzon hang muzolo uh ahihmna in November 25, 2014 ni in beidongsa in khawlsan phot uhhi. bbc.com

·      Syria gam IS migilo te ukcipna khuapi khat Raqqa khuapi  Syria gaalkaap te in November 25, 2014 ni  in vanlam tawh nasiatak in beltung khiatna nei uh ahihman in mawhna neilo mipi 36 in hanmual ongliamsan ci in Syria gamsung a mihing nuntaakna encikpawl in genkhia uhhi.bbc.com

·      Egypt gam Cairo khuapi sung a om mitenna inn dawl 8 khat November 25, 2014 nizan in kicim ek a mi 17 asisa in kitawm in si le naang a anungta 7 zatolam kidenna pah in mi 15 pan atungsaih kivuk nelh khading ci in thunei ten gen uhhi.cnn.com

·      US Secretary of Defense Mr Chuck Hagel kum 68  in anaseppan khawlding a angetna President Obama in November 25, 2014 ni in sanna neita a zahtaakna zong piapah hi.  Mr Hagel peen Vietnam gaal laai in gaalkaap hangsan khat hi a, Republican Senator luui zong ahihi. President Obama khutnuai pan makaai khawlpeen US kumpi semngeilak ah atampawlding in kilam en hi.Mr Hagel in azalaihding atundong semlaaiding hi.

·      Nigeria gam Maiduguri khuapi sung mitam mahmah namunkhat ah nungakno khat in apumtung a apuak bomb tawh puakkham khawm a, miliamte mipi in huh in abop liailiai laaitak nungakno khat mah in apumtung a apuak bomb tawh puakkham khawm leuleu ahihman in atawmpeen mi 45 vaal si hi.bbc.com

·      KIO phual Bu pilna sin mi 23 kawlgalkaap ten athah nipan kipan KIO leh Kawlgam gaalkaap te kingap mahmah uh a kikiimvialvial ta uhhi. November 23 ni in Laiza khuapi kiang Kawlgaalkaap te thaupi tang khat tu in, Bongsakhut khualaaizang ah November 24 ni in kawlgaalkaap te thaupi tang 1 tuleuleu ahihman in tuakim a om Kachin khua 2 kihemkhia ding in KIO ten November 25, 2014 ni in thupia uhhi.voanews.com

·       November 25, 2014 ni Kawlgam Lower House Meeting ah thukikupna ah akisungthu ahi Kawlgam I gamvaai buaina leh 2008 pingpei thukhun puahziading Leikha Maangpi 6 kitaltuah a kikup kuul cihthu NLD ten kathukim uh ci in pulaakkhia uhhi.  HIh kitaltuahding Leikha Maangpi 6 te peen, Thein Sein, Suu Kyi, Mualmi makaaipi 1, Lower House Speaker, Upper House Speaker leh Kawl Penglam gaalkaap Manpipa hiding ci uhhi. voa.burmese.com

Lungdam Lua

Khialna aom leh ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates November 22,2014

·      November 19 ni kawl gaalkaap ten Kachin Military Academy sang akapna pan asimimal te KIO ten pulaakkhiatna November 21 ni in nei uhhi.  Gaalkaapbu  mi 23 si in  mi 20 aliam te lak ah Kachin minam kihel lo bilbel in  Rakhaing minam AA gaalkap pan mi 8, TNLA-Pa-aih gaalkaap pan mi 11, ABSDF sangnaupang gaalkaap pan mi 2 leh CNF pan mi 2 asilak ah kihel ci in genkhia uhhi. aliam mi 20 lakpan 16 naakliam mahmah in adang 4 tengbel nuamtuam ta uhhi. ASi leh aliam teng peen gaalkaap pilna asinlaai tak tawh ahilh Sia tetawh asikhawm uh ahihi. Kawlkumpi ten agenkikna ah bel KIO te kidawm un ci in kavau kinken uh thu manglo ahihman in lauphawn nakawm a kamawk kap uhhi cihsan uhhi.RFA

·      Obama Pute gam ahi Kenya  Nairobi khuapi lamzuan a khualzin mi 60 apua Bus pi khat Islamist thautawi migilo ten November 22 ni napang in naban kaap uh ahihman in mi  29 aphual ah sipah in pawlkhat liam ci in Kenya kumpi thunei te in gen uhhi. Hih ngongtatna peen koma nasepna hi ci in al-Shabab migilo pawl in taangkokhia uhhi.cnn.com

·      North Korea gamte in UN ten International Criminal Court ah khiat asawm uh athuhna in Nuclear lawnsinding cihthu aginlaaitak in South Korea leh US te kipawl in vanlam gaaldo thalaakkhopna khat November 21 ni in kipan uhhi. Hih thalaak khopna ah US leh Korea kigawm gaalvanleeng 80 zangding uha, nipi kaalkhat sung vanlaai ah kimawlkhawm zialzial ding uhhi. Hih thalaakkhopna pawipi peen “ Max Thunder” ci in minvawh se uhhi.voanews.com

·      US Vice President Mr Joe Biden nithum taamding in Turkey gam November 21 ni in vatung a tuani mah in Prime Minister Ahmet Davutoglu tawh kimu in November 22 ni in President Recep Tayyip  Erdogan tawh kimukhawm uhhi. Syria gamsung a IS migilo te dona ah Turkey in ahuhnading Biden in ngetpi in ngen a, ahizong in Turkey thuneiten ahihleh IS zong hinaven Syria President Bashar al-Assad thuneihna dokhiat masakding hizaw cikik uhhi. Biden lung am bialbual sa in November 23 ni US lam ongzuankikding hi.voanews.com

·      Iraq gaalkaap te leh Sunni thautawi te in Ramadi khuapi IS migilo te khutsungpan lakzawhna ding in nasiatak in November 22 ni in gaalsimna neikhawm uhhi. Langnih Mortar thaupi tang kikhek ziahziah uha, asi aliam kithei naailo hi. Ramadi khuapi ah nungkaalsung in IS miglote in mi 200 numei naupang kihel kigualsak diudeh in go uha, November 21 ni in zong Papi honkhat kigualsak in bangawh ci in khuasung mite in gen uhhi. abcnews.go.com

·      London khuapi sung a om  Churchill Hyatt Regency Hotel adawl nuainung pan pan in November 21-22 zan puakkham a, mi 14 liam uhhi. Zintung mi 600 vaal meiphelh te in nawhsatak in akiimnaai a om Hotel te ah nawnkhiapah uhhi. Hotel puahkhapna ahang peen Gas keh hiding hi ci in Palikten November 22 ni n genkhia uhhi.abcnew.go.com

·      Japan gam laaizang pawl a om ahi Nagano khuapi November 22 ni zanlam in akhauh mahmah zinlinna in nawk a bangteng sia a bangzah si,liam cihte kithei naailo hi. abcnews.go.com

Lungdam zel ei

Zom to zelni ei

Thang Khawm Pauzomi

Tulaai Leitung Thuthang Tuamtuam Updates November 20,2014

·      Kachin gam Laiza khuapi kiang KIO thautawi ten gaalkaap thu asinsakna saang Kachin Military Academy November 19 ni in Khaa-zaa Mualtung pan Kawl gaalkaap te in thaulian 105mm tang 2 tawh theihkholhna om hetlo in nakaap kiau uh ahihman in Bu sinlaai taangvalno 23 sipah in 15 liam uhhi. Asite lak ah CAN gaalkaap  2 ahi John Biak Tin Lian leh Ram Hngak  kihel uha, Aliam lak ah zong CNA gaalkaap Bu 3 kihel uhhi. John Biak Tin Lian peen Pasian lasak zong asiam mahmah khat hia, Ram Hngak ahihleh Pu Zing Cung I personnel secretary a akoih amuan mahmah mikhat ahihi. Hih bang in gam le minam ading nasem mi nih asihna hang in Khalkha minam bup in November 19-20 CNF dialkhai aom napeuh vuah alang ah khaiciat in zahtaakna pia uhhi. Tualo mualtung mi nam tuamtuam pan zong khat le nih kihel a, Kawlgambup Sangnaupang gaalkaap pan zong minih kihel uhhi. Aliam teng Laiza zato pi ah akibawl sanlaaitak uh ahhi.Hih thu hang in UNFC,KIO leh NCCT te in lungkimlohna kumpi thuneite tung puak himah leh U Hla Maung Swe in kawlgam sung ah milomsih tu abek hikei ee KIO in zong bomb puakkhamsak in Phakant lam ah kawlgam gaalkaap lomsih hihte ahitheithu hi cihsan le hi ahizong in President Thein Sein in bel thuaman bang in kankhia un November 20, 2014 ni in cipong sam hi.  bbc.com., Chinland post

·      UN Security Council in North Korea Leikha  maangpi Kim Jong Un leitungbup thukhenzum ah puakding in mee akhiat ziahziah laaitak uh hi a Sen ten Veto tawh nialding in North Korea lam ah panghang simsim uhhi. UN in leitung bup thukhen zum ah ongpuak ma zangman kei khale ung Nuclear thau tang khat kasinpak saisai ding uhh ci in North Korea te in November 20, 2014 ni in taangkokhia uhhi.bbc.com

·      USA gam Florida state sung aom Florida State University huangsung laaibu saal ah November 20, 2014 ni zan in thautawi khat in mi akapna hang  in sangnaupang mi 3 liam uha, khat gimsia mahmah hi. mikap pa ahihleh Palik te sialtalkap in nakaplumpah le uhhi. cnn.com

·      USA gam IOWA state ateeng Papi kum 41 khat in November 19 ni in White House  innpi neha, amawtaw tung ah olnotak a zattheiding in Rifle puaphit phet sa in US thukansiam pawl in natheikha man uh ahihman in zadelh pah uha, manphotphot uhhi. Tusawng peen White House tawh kisai bit melmel ahihman in thunei lamte buaipian citcit uhhi. abcnews.com

·      Thailand gam a British minih that te hiding ci aupmawh mat ahi kawlgam mi tangvalno nihte  thong inn pualam ah omtheihnading in Thailand sum 500,000 apiakleh apualam pan thongngak kawmthei ci in amau thu aleen thukhen zumte in November 20, 2014 ni in thukhen uhhi.voanews.com

Lungdam

Thang Khawm Pauzomi