Tulaai Leitung Thuthang Tuamtuam Updates September 24, 2015

Tulaai Leitung Thuthang Tuamtuam Updates September 24, 2015

·      Zomi ten ingak lah mahmah ahi Zopau tawh ZCD te thugenna September 24, 2015 US gamlam 8:00AM in MRTV  http://www.myanmartvchannel.com/mrtv.html ongsuak taktak tading a online pan zong ki en theiding hi.ZCD

·      Saudi Arabia gam Macca khuapualam Mina acihna mun  ah Muslim te ann tan pawizawhna siim a gamtuamtuam pan apai mipi te in Dawihawlkhiat na lahna in suanglawn uha, mi million 2 bang ahihman in kiphulgawp in mi 453 si in 713 liam uhhi. Amau Muslim te upna ah hihmun a sihna peen ut phamahmah dan uhhi. BBC

·      Sen gam President Xi Jinping US gamsung ongzinlaaitak hia, September 23,2015 ni in Washington state Seattle khuapi ah US mihaupi tetawh akimuhkhit ciang Boeing Vanleeng bawlna mun ah vahawh in Boeing Company ten Sengam ah Company hongding cih leh Boeing Vanleeng 300 $38bn man leiding in kithukim uhhi. BBC

·      Pope Francis US gam White House Innpi Kaangpi tung ah Puankaangpi silhkawmsa in ongleengdeedee a, US leitang September 22,2015 ni in ongtung hi. US Kumpipa leh Ulian tuamtuam tengtawh akimuhkhit ciang September 24,2015 ni zinglam in US Congress mi 500 vaal maai ah thugenna neiding a, nikaai lamciang Inn le Lo neilo te tawh Ann neekkhopna neiding hi.CNN

·      Yemen gam Sanaa Muslim Biak Inn pi ah September 24, 2015 ni in Bomb nihvei puakkham a thungen mi 25 sipah in adang mi 36 liam uhhi. Kua khutma cih kumpi thunei lam ten akansaan laaita uh ahihi.BBC

Lungdam

Thang Khawm Pauzomi

Thulaai Leitung Thuthang Tuamtuam Updates September 20,2015

Thulaai Leitung Thuthang Tuamtuam Updates September 20,2015 

Leitung Gaalpi Nina laaipan kipan Japan gamte in gaaldo nawnlo ding cihte akipan Gaalkaap tha tamzat lohding a ageelna na pawlkhat khiam  tading in September 19,2015 ni in Japan Upper Parliament in thukimna ngahta uhhi. Akiphasak aom leh Japan ten viik theita cihna ahihi. Hih thu hang in China te zong lunghimawh in buai citcit ta uhhi.VOA

Syria gam sung Tualgaal buaina kum 2 vaalbang sawtkhin in azo zaw kuamah omtuanlo ban ah Leitung in Kumpi thuneite mawhsak in aso litlit laaitak September 19,2015 ni in Russia te in  Gaalvanleeng akop athuah in puak ngawngaw ta uhhi.VOA

Pope Francis zong Cuba-US gam heelding in September 19 ni  Havana khuapi Vanleeng tual tudede ta a, President Raul Castro in Vanleeng tualpi ah namuak catcat mai hi. Biakna Makaai, kumpi thunei te leh University te ah thugen na neiding ci uhhi.BBC

Syria gam leh Africa gampan EU gamsung ah gambeel ngeending a pai Gaaltaai te tuanna Tembawpi khat September 20,2015 ni in kibung a mi 13 si in 30 vaaldeuh mangthang uhhi. Misi te lak ah Nau pang khawng zong kihela a mulkim huai thei mahmah hi.BBC

Pakistan gam Peshawar khuapi khunglam a aom Pakistan Vanlam gaalkaap te phualpi September 19 ni in Taliban migilo ten buluh ek uha, bankaap ziahziah uh ahihman in mi 29 si in tamhkop khat liam  uhhi. CNN

Tusung ten Friday September 18 ni pan kipan tuni ciang Iran gam i khuapi Tehran leh Iran gam tawlam teng ah nasia tak in guahpi zu ahihman in tui khang in Inn le lo tampi sia a mi 10 kiim sikhin ta hi. BBC

Tulaai Leitung Thuthang Tuamtuam Updates September 17, 2015

Tulaai Leitung Thuthang Tuamtuam Updates September 17, 2015

·       Chile gam tah September 16,2015 zanlam nai 8 pana kipan in 8.3 magnitude ahaat zinlinna piang  a tuipi tawh kineh ahihman in Tsunami zongpiang hi. Zinlin nahang in mi 10 si a, atulzalom asim mipi te muanhuaina mun zuan in kumpi thunei ten tuahkhia uhhi.Ongtungding Friday September 18 ni National day nasiatak bawlding ci a kiging keeideep uh hiven  Kahna leh Hagawina tawh maleep uhhi. VOA

·      Iraq gam khuapi ahi Baghdad khuapi sung ah IS misok ten September 17, 2015 ni in cimphawng in Bomb sutam uh ahihman in mi 23 sipah in 50 si le naaitawh zato lam zuan uhhi.VOA

·      South Sudan gam Juba khuapi pan Maridi khuapi pai in Sathau adim tak a apua Mawtaw pi khat Maridi khuapi nehlam ah September 17, 2015 ni in puakkham ek ahihman in mi 170 si pah in mi 50 vaal kaanggawpsa in zato lam kipuak pah hi.BBC

·      Australia gam te in Amasa peen Syria gamsung ah luut in IS misok te September 14,2015 ni pan kipan Vanlam tawh Royal Australian Air Force ( RAAF) ten zialkipan taktak ta ci in Kumpi thunei te in September 17, 2015 ni in taankokhia uhhi. Syria gam sung namneu bawlsiatna athuak cimawh mi 12,000 Australia gam ah samding ci in khensat uhhi. Atungpan tuisabuak, Anuai pan Air-condition hong cihtawh kibang samawk ing.BBC

·      Europeans Parliament te zong nasiatak kikupnawi na aneih khit uhciang EU gamsung ah gambeelding mi 120,000 saang in hawmdimdiam ding cih atamzaw thukimna  September 17, 2015 ni in ngahta uhhi. Hih thu hang in adiak in Syria leh Africa gam te lungnuam zawdeuhding uhhi.CNN

Lungdam

Thang Khawm Pauzomi

Tulaai Leitung Thuthang Tuamtuam Updates September 15, 2015

Tulaai Leitung Thuthang Tuamtuam Updates September 15, 2015

·       Kawlgam Foreign Minsiter zalian nihnapa ahi U Thant Kyaw makaai in alawmte 3 tawh North Korea gam ah gamnih kizopna cih paulam in September 15, 2015 ni in vatung uha, ni 4 sung taaamding uh ci hi.VOA

·      Kumnih sim in kidemna ahi Australia Prime Minister dinmun kidemna ah PM Tony Abbott Mr Malcolm Turnbull zomawk ahihman in Abbott PM tutna pan tuankhia in September 15, 2015 ni in Mr Turnbull in PM ding in kiciamna lata hi.  Mr Malcolm Turnbull peen PM Lui Tony sang in gamkhangto sakzawding makaih siamzaw ding in kilam en himah leh, Alip khaphuai mahmah adawk le adawk, ahawm le ahawm kibang neih kibang kiteentheihna alunggulh valval pa himawk ahihman in Australia gam ading in khimkhua azingzing hita hi. VOA

·      USA gam Utah state leh Arizona state gamgi dung September 15, 2015 ni in guahpi in nasiatak in nawkgawp ahihman  tuikhang zihziah a, in mi 8 in sihlawh in  mi 4 mangthang uhhi.CNN

·      Zogam Lamka Khuapi leh Manipur sung buaina tawh kisai tuni ciang thukizaakna ah Manipur state kumpi in Singtangmi te hingman nading a geel uh thukhunpi-3 vaai kibuaipih nawnlo in Singtaangmi teng kituam uktheihna ding ngenna Mipi,Kipawlna nakim ban ah hiamtawi ahi ZRA makaihna UPF,KNA cih te dong ah gamsung gampua a om Singtaangmi kheempeuh in India kumpi tung ah ngetkhopna kinei a, Zomi leh Singtaangmi te ading Taangthu thakkhat ongpiangkhia ding in kilam en hi. PAC

·      2011 kumpan kipan mipi 240,000 bang thatlumkhin in mipi million khat inn le lo neilo a abawl Syria gam President Mr Assad thuneihna akipsemsem nading in gaalvan le akitaangsam bangbang huhto suakding ci in Russia gam President Putin in September ni in genkhia hi. US NATO ten ensim hiauihiau ta uh ahihman gaal naaimaithei ding in thukantel ten lam en uhhi.ABC

·      1990 kumpan akiza nawnlo kilkel Zomi te pau ahi Zopau tawh MRTV leh Radio te ah September 22,2015 ni thugen ding in ZCD Party pan General Secretary Pu Gin Kam Lian Yangon khuapi tungsukta a asawtlo in Nypidaw paiphet tading ci hi. Eiman minam pautek tawh thugenthei cih ahihman in Party leh Minam kheempeuh in amau pauciat tawh gen uha, Chin hun atunciang Chin pau ding omtheilo ahihman in Kawlpau tawh gen uhhi. Hih mun ah Chin minam omlo cih ataangkoko uh ongsuak hi.ZCD

Lungdam ei

Thang Khawm Pauzomi

Tulaai Leitung Thuthang Tuamtuam Updates September 11, 2015

Tulaai Leitung Thuthang Tuamtuam Updates September 11, 2015

·      Saudi Arabia gam aom Muslim upna aneimi te in Vantung gam zah a angaihsutna mun ahi Muslim Holy City kici Mecca Khuapi sung a om Muslim Biak Innpi khat September 11, 2015 ni US gam a Inn saangpeen Muslim migilo ten aphulkhap nilian in kicim niainiai a mi 87 sisukpah in mi 201 sileh naaitawh liam leh baaisa in om uhhi. Hih mun ah Muslim thu ummi mundang pan thungen ding a pai mi 2million bang omden a Muslim ten amit mahmah un mule uh Vangam tungnung acihliangna uh munzong ahihi.BBC

·      Singapore khuazangbup kiteelpi na ah Singapore gamsaatpa ahi ong nusiakhinsa Mr Lee Kuan Yew I phuatsa PAP- People’s Action Party ten gualzawhna ngah ci in September 11, 2015 ni in Prime Minister Lee Hsein Long  Mr Lee Kuan Yew  I tapa Upeen in genkhia hi. AFP

·      Cuba gam te in Pope Francis Cuaba gam azin ma ci in thongkia mi  numei naupang Pasal kigawm 3,522 tuzawh nai 72 sung khahkhia ding ci in September 11, 2015 ni in taangkokhia uhhi. Hih bang a thongkia te suahtaakna piakna ah Mithat te, Naupang buante leh gambitna apalsatte khahloding cideuh se hi. Hih bang a suahtaakna piakna peen 1959 kum zawh amasa leh atampeen suahtaakna piak ci in gen uhhi. Pope bel maaikaal sung ah vazin ding ci uhhi.VOA

·      Japan gam tuikhan na hang in September 11, 2015 niciang mi 3 in nuntaakna beilawh in mi 25 hingman ci in kumpi lam thuneite in taangkokhia uhhi. Tuaban ah mi 100,000 in inn le lo nusia in bukana kigeelsak ci uhhi. Mencim,tuikhang kithuahthuah laai ahihman in lauhuai laaimawh lo ci in gen uhhi. BBC

 Lungdam lua Laai ongsim sak kheempeuh tung ah

Kialhna aom khaak aleh ngaihdam bawm ah maw

Thang Khawm Pauzomi