Tulaai Leitung Thuthang Tuamtuam Updates July 14, 2015

Tulaai Leitung Thuthang Tuamtuam Updates July 14, 2015

·      USA gam sung aom Zomi kheempeuh Topan thupha ongpia in 2015 kum aitaangding USA gamsung a Zomi te vaailianpi  nam4 Topan gualzawhna ongpia ahihman in lungdam huai kasa mahmah hi. 1. USA gamsung a om Pasian naseemkheempeuh kipawlna khawmpi le thusinna nuamtak in kizo thei hi. 2. Global Zomi Idol lawhcing tak in kibawlzo hi.3 Zomi Innkuan USA kum 10 cinphawkna & Khawmpi kigawm, EC thak kiteelna cihte nuamtak in kizo hi. 4.Zomi Tuiphum khawk kipwlna ZBCA pawipi zong nuamtak in kizo hi.

·      I ngaklah mahmah ahi 2015 kum Kawlgam kiteelna ah Mee kuangluiding leh Mee kuanglui ding te , amun amual cihbang in sehkholhna vaaituamtuam te hawmding in Zogam khuapi Tedim ah Zomi te party ahi ZCD Makaai te July 15, 2015 ni in tungziahizah ta uhhi. July 15, 2015 ni kawlgam July 16, nitaaklam ciang Kua teng in Mee kuangluiding a koimun teng ah demding cih ongtaangkokhia ding uhhi. ( Tungtung 2015 kiteelna ah Kawlte vaaiten Zomi te ongdemding hilo Zomi leh Zomi kidemding hitazen ihihman in ngaihsutna khuak aneitei laai ten ngaihsut huai mahmah hi. July 9,2015 ni  a ongsuakthak Zomi Nationa Development Party in zong Makaai  16 tawh Tedim,Tonzang, Kawllpi leh Tamu ah demding ci in July 15, 2015 ni in Pu Kham En Thang in gen hi. Party khat in Meekuang mun thum ah aluizawh kei leh kisimsaklo ding cih ahihman in party pawlkhat te si le naang in diang keei uhhi. RFA

·      Russia gam Siberian Khuapi kiang a om Russia gaalkaap te leenpi July 13,2015 ni in kicim a gaalkaap 23 si in gaalkaap 17 kihon khiazo uhhi.2013 kum in zong khat vei kicim ngeikhin a pawlkhat si ngei uhhi.CNN

·      Kawlgam sung ah khangthak atamzaw leh mipi mahmah in amuan mahmah 8888 makaaite lak ah khaw ahi Ko Ko Kyi in 2015 kawlgam kiteelna ah Meekuang kaluiding ci in July 15, 2015 ni in official in taangkokhiatna neita a, ahizong in Kua Party pan demding cih asawtlo in mipi theihding pulaakkhiading ci in gen hi. Adang 8888 makaai minthang ahi Ko Min Ko Naing, Ko Jimmy leh Ko Mya Aye tenbel koi mah ah demsawmlo uhhi. RFA

·      Nigeria gam saklam Mainok khua ah July 13,2015 nizan lam in Boko Haram misok ten zanluut uh a mi 30 banthah uhhi. Akizom mah in July 14,2015 ni Aisami Goni khua h mi 15 that leuleu uhhi.VOA

·      US leh Nitumna gamlian te in kum 2 sung abuaipih pha mahmah uh ahi Iran te Nuclear bawlna vaaitawh kisai July 14,2015 ni in Vienna khuapi ah thukimna hoihkhat ngah ta uhhi. Hih thukimna atom in Iran gamsung a Nuclear bawlna teng sitthei ding uha, Nitumna gamlam ten Iran agawtna uh lakhia ding cih ahihi. Hih thu tawh kisai gamlian tuamtuam pan Palaaiten lungdamna tawh muak uha, Israel tenbel neemsalua khauhzo salo in phun nangnang uhhi. thukimna laai attachment ah ongbelh ingh.BBC

Tulaai Hot News taktak omlo ahihman Nisim suahsakding omlo suak

Lungdam

Thang Khawm Pauzomi