Tulaai Leitung Thuthang Tuamtuam Updates April 29, 2015

·      April kha kipat lam in USA gam Baltimore Palik te in Mivom Pasal kum 25 apa Freddie Gray kici pa man in Mawtaw nung ah lawnto ziau in gawnggaak zong gaaksak lo ahihman in Palik lock up pan simawk hi. HIh thu hang in leh Mivom te limlim Palik ten ongtuam bawl cih lungkimlohna tawh April 27 ni pan Mivom lom tang in lungphona nei uha, kithanopsuah suakkha uh ahihman in Palik mawtaw bek hilo Mikang te inn, mawtaw kigawm 150 vaal bang haalsak uha ainn neiten zong naphalsamlo ahihman buaina lianpi piang hi. April 27 ni zanlam pan palik ten zanlam kuamah vaakkhia saklo in 245 manpah uh ahihman in tu in daai zawdeuh ta hi. Hih Naupang vompa sihna tawh akisai Palik 6 sumpia in nasep kikhawlsak phot a, FBI leh Mipi hu pawl in athu kancian laaitak uhhi. President Obama inbel hehna peen aomthei mah hi ahizong in hibang a inn haal mawtaw haal ngongtat cihpeen mawhnalianpi ahihman in thuaksakding ci in April 28 ni in gensam hi. BBC

·      Saudi Arabia gam a om US te Palaai zumpi nuaizaan lianding a kithawi IS tetawh kipawl hiding a upmawh migilo 93 April 28,2015 ni in kahingmat ek uhhi ci in Saudi Arabia thunei te in taangkokhia uhhi.VOA

·      April 25,2015 ni Nepal gam zinlin na hang in tuni April 29, 2015 niciang mi 5,000 si in 4,806 kitawmthei a 200 mangthang laai hi. Mi 10,000 in liamna ngah uha, mipi 8million in cihmawh lawhmawh thuak uhhi. Hih mici mawhte kinamtaak zawhnading in $1.4million kinawhsap mahmah ci in UN te gen uhhi. Misi 10,000 cingmaithei ding ci in apatauhna thu leh amun mun ah Men kicim laaiding cih thu gen uh ahihman in Kathmandu khuapi pan mundang ah mi alomlom in kumpi amawkna in nawnkhia uhhi. Misi te  dahpihna lahna in mipi nithum sung daaiding geelna nei uhhi. Hih Nepal zinlin na tawh kisai in pawlkhat te in nungkum 2011 Lawi 5,000 athah hang acizong om abeisa kumkhat laai pawl in Pasian naseem khat ahaallup hang aci zong om ahizong in mipil tenbel  1934 kum inzong khatvei zinliing a mi 8,500 si in ling zelzel theiding cilel uhhi. Bangbang ahizong in Tulaai tak Nepal gam mipi peen patau lua mahmah uha, Apasian unlah honzo cihthadah zanmang mawk ahihman Zomi Pasian naseem nuam velvel te ading munhoih sa mahmah ing.BBC

·      Indonesia gam te  gamdangmi  mawhna tuamtuamtawh agamvua thongkia mi 8 April 29, 2015 ngawngtan ek uhhi. Hih mi 8 sung ah Australia gami 2, Brazil 1, Philippine gammi 1 kihel hi. Hihbang a kithah miaumiau mawk ci in phunciat uha, Australia gamte Apalaai zum nasem te uh ongnawh ciah mahmah un ci in April 29, 2015 ni in samkik uhhi.BBC

·      Afghanistan gam ah April 28 ni in Men kicim ziahziah ahihman in mi 52 si in in 100 paidede lel hi. President Ashraf Ghani India gam nithum sung azin laaitak tawh kituak ahihman in atalkolh velval domsan poisa mahmah hi. VOA

·      Nigeria gaalkaap te leh Boko Haram migilo te April 28,2015 ni nasia tak kido uha, Nigeria gaalkaap ten azawhdikdek ban ah Boko Haram te mat nungak leh Numei 300 honkhia zo uhhi. Ahizong in hih ahotkhiat uh numei 300 te lak ah April,2014 kum a Chibok khua pan Boko Haram te mat numei 200 vaal te kihello ci uhhi.ABC

Lungdam

Thang Khawm Pauzomi

Tulaai Leitung Thuthang Tuamtuam Updates April 25, 2015

Tulaai Leitung Thuthang Tuamtuam Updates April 25, 2015

·      Nepal gam Tuma kum 80 sung bangmah acilo kimlaai lam et kholh hetlohpi in April 25, 2015 ni  7.8 Mgt haat in Zinlin na  Kathmandu khuapi leh Pokhara khuapi kikaal teng nawkgawp a, mi 1,805 misi kitawm thei in, 4,718 in liamna nasiatak in thuak uhhi. 1934 kum in khatvei mah hibang lian in Zin ling a mi 8,500 si uhhi. Hih Nepal gam a hamsatna huhnading in US ten $1million piakhia pah uha, adang gamtuamtuam pan huhna piading in kuankhia zihziah ta uhhi.BBC

·      Sen gam Communist Party te sapna tawh Kawlgam Upper House Speaker Tura Shwe Mann leh alawmte mi 4 Sengam PU Zu kholh kawmding in April 25, 2015 ni in dingkhia ta uhhi. Gamnih kilemna paulap in khualzinpi hi uha, ahizong in Kawlgam kiteelna anaaitawh Pu te thuphadawh Pu Zu kholhding hizawding in ki ummawh hi.VOA

·      Leitungbup RC phualpi ahi Vatican khuapi simding a upmawh migilo mi 9 Italy palik te in April 24,2015 ni in man uhhi. Adang mi 9 zong omlaai cihthu ngah uh ahihman in asun azan in zong kawikawi uha, April 25, 2015 ni ciang manzo naailo uhhi.VOA

·      April 23 ni Kokang gaalkaap leh Kawlgam gaalkaap kilemna ah Kawl gaalkaap 90 si in 200 liam uha, Kokang lampan 2 si in 12 bek liam kiukiau se uhhi. Hih misi 90 vaalte Kawl gaalkaap ten vui ngamlo in meideel liang in lehtaai mang uh ahihman in Laukhia khuakhunglam gamlak ah phumsak mai in ciaptehna kabawlsak pong uh ci in Kokang gaalkaap te April 25, 2015 ni in genkhia uhhi.RFA

·      Kawlgam 8888 Sangnaupang makaaite leh Aung San Suu Kyi kihel NLD makaaipi pawlkhat Yangon khuapi ah April 25, 2015 ni in thukikupna hoih khat neithei uhhi. Hih kimuhkhopna sung ah nungsung a makaaipi 6 thukikupna, Mualtungmi thautawi te leh kawlkumpi kikaal kilemna vaai, 2015 kum kawlgambup kiteelna vaai te kakikum thei uh ci in NLD makaai U Nyan Win in genkhia hi.RFA

Lungdam

Khialna aom leh ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates April 23, 2015

Tulaai Leitung Thuthang Tuamtuam Updates April 23, 2015

·      Australia gam ah gambeel ngeen a apai Kawlgam pan Rohingya minam te Biakna kibang hilel kahihman un komai lamaiding in kathukim uh ci in Cambodia kumpi thunei te in April 23, 2015 ni in taangkokhia ta uhhi. VOA

·       North Korea gamte in Nuclear thau tang atawmpeen 20 neita uhhi ci in China te in asansaatna uh April 23, 2015 ni in taangkokhia uhhi. US tenbel  10-16 kikaal neitei taw cihsan lel uhhi. China te upmawhna ah hihzahzah neileh bel South Korea gamte ading in lauhuai mahmah cih uhhi.CNN

·      US Gaalkaap Maangpi lah ahi CIA Director luui lah ahi David Petraeus in Manzaih Sianu tung ah kumpi thusim laai pawlkhat alahsim man in kumsung 2 sung koihmah paitheilo ding leh $100,000 liausum piading in Charlotte khuapi, North Carolina thukhen zumpi te in April 23, 2015 ni in thukhen uhhi. David Petraeus peen CIA Boss asepsung in amanziah Sianu Paula Broadwell nadeh kha a, amah le amah makaai cingkisalo in  amah le amah akhawl ahihi. Zomi te tawh kikhai vangvang laai ei Zomi pawlkhat te hileh amawhna nangawn atheilo kineih kamka heuhau, amawhna akawkkha omleh lah khial ing cinuamtuanlo taainading lampi zongzeel.Hahaha

·      Nungdeuh a Kawlkumpi tawh kimukhawm Khuampi 6 sung ah Mualtungmi te taang a avapaai Dr Aye Maung peen Mualtungmi kheempeuh huam makaai hikei ci in Shan Party ahi SNLD ten April 23, 2015 ni in taangkokhia uhhi. UNA, ZCD ten amuan mah a apaisak ahitam theihnop huai mahmah.VOA

·      Pakistan gam leh Afghanistan gamgi a  kibusa al-Qaeda migilo te mat US gammi Warren Weinstein kum 72 leh Italy gammi  Giovanni Lo Porto kum 39 US CIA vanleeng  ahawl kisamlo Drone te in gaalte akaapna lak ah nakihelkha ahihman kikap lumkha hi ciin April 23, 2015 ni in President Obama in taangkokhiatna leh thuum ngeetnguutna neikhia hi.BBC

·      Syria ga Damascus khaupi  khunlam ah April 22-23,2015 sung IS misok te leh Syria kumpi tawh kido Syrian Islamist rebel  te amau leh amau saguhbawk kituh in kisual ngeekngeek uha atawmpeen mi 40 sita ci in Syria gam encik Human Rights kipawlna ten April 23, 2015 ni in genkhia uhhi.BBC

·      Yemen gam Vanlam tawh kaap khawlding ci in ataangko zawh uh asawtlo in Saudi te kinaal pat mahmah kik uha, Part khuapi lam mitsuan in khiat zetzet lel uhh. Hothi,s migilo te huhding a akuan Iran Tembawpi zong kileh in taaimangta ci in Pentagon ten April 23, 2015 ni in taangkokhia uhhi. Ahizong in kileizon laai veve ci uhhi. VOA

Lungdam

Thang Khawm Pauzomi

Tulaai Leitung Thuthang Tuamtuam Updates April 21, 2015

Tulaai Leitung Thuthang Tuamtuam Updates April 21, 2015

·      Japan gamte in Leitungbup a amanlaang peenpeen Meileeng abawl uh April ni in taisin sak uha, buaina omnenua hetlo in hoihtak in kizangtheita hi. Hih Meileeng thak peen naikhat 603km, 374mile taaiman cizen hi. Japan gamte bawlmah ahi Thautang Meileeng acih uhpeen naikhat 320km bel taaizo a, Leitung ah haatpeending ci a alam et uh Sent e bawl maglev Meileeng kici peen naikhat in 430km taizo bek hi.BBC

·      Egypt gam te President luui ahi Mohammed Morsi  kum 20 sung thongsung ah khumding in Egypt gam thukhen zum saangpeen te in April 21, 2015 ni in thukhengiap uhhi. Amah peen 2013 kumpan Gaalkaap te atutna pan asuihkhiat ek uh ahihi.BBC

·      Yemen gamsung Bomb khiatna kadeihna teng uh nuaizankhin akahihman un khawlbawl photding ci in Saudi Arabia ten April 21, 2015 ni in taangkokhia uhhi. Iran ten zong nan eh pianpian ta uh ahihman in US ten Gaalvanleeng pua Tembawpi 2 April 21, 2015 ni in puak leuleu uha, tu in Commando gaalkaap 2,000 vaal avui atang tawh kigingsa in oma, tuaban ah, Gaalvanleeng, Anaai agamla kaapna Thau kicingtak in tuitung ah kikoih khin ci in Pentagon Tanupi Colonel Steve Warren in April 21, 2015 ni in genkhia hi. Tuaban ah Iran te peen mitheemtawh aki en kiukiu bek hia, Yemen tawh kisai in ah ongtatkhiat lian uhleh emsa ci in genbeh hi.VOA

·      Kachin gam Tanai Township sung ah April 20,2015 ni zingsang nai 10 pan nitaak nai 4 dong Kachin gaalkaap KIA leh Kawlgaalkaap te kikaap uha, atawl uhciang khawlphot in April 21, 2015 ni  zingtungpan kipan kik leuleu uhhi. Hih kikaapna hang in KIA lamte gaalpanna phualpi khat Kawltan sutzo uha, langnih asi aliam tam ci in gen uhhi.VOA

Lungdam

Thang Khawm Pauzomi