· 2014 World Cup Tukpeeng kimawlna Brazil gam Sao Paulo
khuapi ah June 12,2014 ni in nuamtak in kipan a ahizong in Innpua lam ah
mizawng daaipaam pawl in khasiatna pulaak in kap ngeungeu uhhi. Brazil te
akisailo pi in thukhenpipa in Penalty pia hi ci in Croatia te phun naainaai uh
a lungkim hiaulo uhhi.
· March kha ni 8 ni a Malaysia gampan Beijing khuapi
zuan a leeng Vanleeng mang tung a tuangkha mite innkuan pihte tung mikhat ciang $50,000 ta Vanleeng Insurance
pan piak kipan ta uhhi. June 12,2014 ni in China gammikhat in sum lakhinta a,
adang 50 in sum ngak laai uhhi. Mi khat ciang $175,000 ciang company in
piaksawm uh ahihi. Malaysia kumpi inbel akizong zong laai hi a sum kheempeuh
avek in kipia thei naailo ding hi. Kolam pan mangtaktak amite sitaktak kacih
masiah uh na ngaklaai un ci in June 13, 2014 ni in vaaikhak hi.
· Iraq gam sung ah ISIS kici thautawi tapong te in
Khuapi khat khit khat buluah to ziahziah uh ahihman in Iraq kumpi te in leitung
bup ah huhna June 13, 2014 ni in ngenta
uhhi. US President Obama in ahihbel gaalkaap peen ongpuakkik nemnum nawn hetkei
nung in lampi naak ngaihsun mahmah ung cihthu zasak hi.
· Afghanistan Taliban te in kum 5 sung bang amatcip uh
mitampite leh amah le amah zong hingdinga kilam en ngamlo phial ahi Gaalkaap
Sgt Bowe Bergdahi kum 28, LA vanleeng tual ah June 13, 2014 ni in ongtungkikta
a, Tu in Texas Gaalkaap phualpi ah kitawldam sak phot tadih hi.
· Ukraine gam nisuahna lam ah Russia deih mipite leh
Ukraine gaalkaap te June 13, 2014 ni in nasiatak in kikaap uha, Russia deih
tapong te uksa ahi Mariupol khuapi Ukraine gaalkaap ten ngahkikzo in Russia
deih gaalkaap mi 5 that uhhi.
· Kawlgam Democracy makaaipi leh NLD makaai Daw Aung San
Suu Kyi June 13, 2014 ni in Nepal gam cidam in tungkhin ta hi. Tutung in
BIMSTECT khawmpi akah kawm in Nepal gam a asaangpeen minphatna President Ram
Baran in akhuttawh piading ahihi.
· Yangon khuapi Tamoi veng a om Penang Siampi Lutol pa
biak in Kawl kumpi ten buluh in akhakcip khitciang June 13, 2014 ni in Pungzi
Lutol 5 te Tamoi thukhen zum te in
apuantual uh suahsak in Insein Top Hotel ah puak uhhi.
· Thailand gam kilamziading vaaihawm pawl September
khasung in bawlkhia ding ci in Thailand gam thuneihna abuluah ahi Thailand
gaalkaap Maangpi Prayuth Chan-ocha in June
13, 2014 ni in taangkokhia hi.
No comments:
Post a Comment