Tulaai Leitung Thuthang Tuamtuam Updates March 31, 2015

·      Kawlgam Kumpi kilemna geelpaw ahi UPWC leh Mualtungmi thautawi makaai NCCT te in NCA kici kawlgambup kilemna tawh kisai thukimna bawlnading a kisam Laaimal ahaampi khat March 31, 2015 ni in zawhbawl uha, Makaai 5 tuak in Kumpi Thein Sein maai ah suaikaihna bawl uhhi. Hih bang NCA suaikaihna ibawl peen Kawlgam ahoihna ding kikupna political dialogue kokhak pi ahongdede ta ihi a, April khasung peuh mah in Kawlgambup tu a kikapkap te simloh kilemna ibawlzoding ci in U Thein Sein in gnekhia hi.  VOA

·      Oongtungding April 1,2015 ni akipan in nidang a om ngeinaai lo khat ahi Kawlam kumpi Thein Sein inn sung ah nisim in gammi leh gamdangmi akigawm mi 45 ta  suakta tak in luut in Pu Thein Sein thudotna bawl thei ziahziah tading ci in March 31, 2015 ni in taangkokhia ta uhhi.RFA

·      India leh Pakistan gamgi ah Bomb bawldan puahkhap sakdan cite nengneng akipan khelna namkim asin khin asiamsiam mahmah Rohinya Kala minam honkhat India gam Mizoram state leh Manipur state tawh kizopna Tamu lampan kawlgam sung ongluutding ahihman in gamgi kheempeuh ah khauhtak in nasit un ci in Kawlgam kumpi ten amunmun a palikzum te March  ni  in theisakna nei uhhi.RFA

·      Leitung gamthahaat gam 6 ahi P5+1 kici te leh Iran gamte Iran gam I Nuclear vaaitawh kisai thukikupna Lausanne khuapi Switzerland gam ah  kikupan abeisa kaalkhat laai a kipan neikhawm uha, March 31, 2015 ni atawpniding ci a asehsa uh hina pi bangmah thukimna kician ngahzo naailo uh ahihman in April 1,2105 niciang ah khanto uhhi.BBC

·      Nigeria gam President kiteelna ah alamdang mahmah in Kumpi tawh akidem toto ahi Muhammadu Buhari in Meetang million 15 tawh March 31, 2015 ni  in gualzawhna ngahta hi. President lu Goodluck Jonathan in Metang 12.8 million tawh lel hi.  Hih bang in azo ale aom uh hang Zomi te bang in puakpah phelphal seselo uh a khat le khat kimuanna thupha kipiakna nei uhhi.BBC

·      India leh Pakistan gamgi India gamsung lam Kashmil khuasung ah guatam luatna han gin men kicim a, misi luang 15 kimu in inn 200 bang mundang ah kituah khia uhhi. Nungkum Seotember khasung ah hibang mah thuak uha, mi 250  si ngei uhhi.BBC

Lungdam

Khialna aomkhaak aleh ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates March 26, 2015

Tulaai Leitung Thuthang Tuamtuam Updates March 26, 2015

·      Gemanwing’s company te neihsa March 24,2015 ni a Piantit gam a akia vanleeng peen Vanleenghawlpa zuntha apai laaitak vanleeng hawl huhpa in hawl a Vanleng hawlpa akileh kikciang Vanleeng hawlhuhpa Andreas Lubitz kum 28 in kongkhak nahon nuamnawnlo in Vanleeng leilam ah akiasuk hita ahihman in Lubitz in asuam hiding ci  in Vanleeng hawlte buksung a  aw khumna tungtawn in theikhia uhhi. Vanleeng omzia teng anakeem khinkhian Black Box peen peek mang ahihman in bangmah ki entheilo kizangthei lo citciat hi.CNN

·      Yemen gamsung Shiite Muslim,Houthis singnuaimi te leh Sunni Muslim te cihbang in phelhawm sawm in khat le khat nasiatak in tualgaal apianna hang in Saudi Arabia gam makaai akipawlpih gamte tawh March 26, 2015 nipan nasia tak Nahtang Um khiat kipan ziahziah uhhi. Hih gaaldona sung ah Saudi ten Gaalvanleeng 100, UAE- Arab kipawlna ten 30,Kuwait leh Bahrain ten 15 tuak, Qatar ten 10 avui atang te Pakistan, Jordan,Moroccom,Sudan leh Eypt gamten puak detdet uhhi.CNN

·      South Korea leh USA te in kum tampi asinkhop denkeei uh gaalsimkhopna hang a angah uh gaalsiamna North Korea gam tawh gamgi pan KM 6 na ah March 26, 2015 ni in lakzialzial uhhi. Helicopter, Gaalkaap 300 leh Mataw , galvan tuamtuam cihte tawh khu khengkhang uhhi. VOA

Lungdam

Thang Khawm Pauzomi

Tulaai Leitung Thuthang Tuamtuam Updates March 24, 2015

·      Germany gamte Vanleeng Germanwings Airline Airbus A320 Flight 4U9525 Piantit gam Barcelonnette khuapi leh Digne khuapi kikaal guamthuukpi sung ah March 24, 2015 ni in kia hi. Atung ah khualzin mi 144 leh Vanleeng naseem mi 6 akigawm 150 tuang a khat zong nungta lo in sikhin uhhi. Tuitung a kia hilo ahihma in vanleeng nangawn athem aneng in puakkham gawp himah leh Vanleeng taangthu anakeem khinkhian Blach Box peen tawm thei uhhi.Piantit Piantit kumpi pa Hollande in akiatna thu kakan saan uha, German kumpi nu Markel zong kahopihding ci in gen hi.BBC

·      Canada gamte in Syria gam sung a IS te phualpi teng abanban in Vanlam tawh Nahtnag-um khiatdeudeu tading ci in Cannada Prime Minister Stephen Harper in March 24, 2015 ni in genkhia hi. Iraq gamsung ah bel gaalkaap siam 70 tawh Kurdish te amakaih laaitak uh zong ahihi. IS ten Syria gam sung ah naupang kumcing lo 400 vaal 2015 kum sung bekbek in IS gaalkaap ding  man uhhi ci in UN te pulaakkhia uhhi. NATO gampawl  sungpan IS do gamte lak ah Canada peen tun anihna gam ahihi.VOA

·      Shan gam saklam a om Kokang huangsung ah kawlgal kaap leh leh Kokang kikaapna March 24, 2015 ni nikhat bekbek daai sam hi. Ahizong in kawlten gaalkaap kaaikhawm in behlaplap laaitak ahihman in asawtlo khat in muhnop mahmah ding ongluut masasa asaipahpah ding kigingkhin ung ci in MNDAA makaai U Tun Myint Lin in genkhia hi.BBC

·      2015 kum kawlgam kiteelpi na ah encik ding leh avilding in US gam a phualsaat Carter Center te leh EU te ongpai in suakta tak in nasemding in Kawlgam  kiteelna vaaihawmpi pawl in March 24, 2015 ni in phalna pia ta ci in kiteelna thu vaaihawm pawl in genkhia uhhi.VOA

·      Leitung ah Kineihsiam mahmah minthang lah ahi UNHCR Ambassador zong ahi Angelina Jolie  Cancer natna pan suaktaakna angah theihna ding in Anaubu teng atkhia in paaiding ci in March 24, 2015 ni in mipi zaakding in amah le amah in taangkokhia hi.BBC

Lungdam

Khialhna te Ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates March 23, 2015

·      Kawl maang te leh isanggam Kachin makaai te athulamdang mahmah in akimuh khopkhit uh sawtnaailo Kachin makaite zong ciahkhia  naailo in Bamaw District Mansi kuam a KIA te gaalphualpi mun 2 Kawl gaalkaap ten March 21,22,23 nidong nasia tak in leilam,vanlam pan do uha, Kawl gaalkaap te atung le anuai amau le amau kikaapkhial gawp uh ahihman in tampi tak si uhhi. Leilam pan buluh masa uha, Beh ten na thalpaih pahpah uh ahihman in Vanlam ten ahuhleh gaalte leh amau lawmte khentheilo ahihman in amau le amau khawng nahtang um kikhiatkhial dan uh ci hi. Kachin News

·       Kha khat le alang bang kizialkhin ahi Kokang thautawi te leh Kawl gaalkaap te zong khawl naai dello in kiviik san uha, March 22,2015 ni Sing Khup Thang  leh Lung Thang kuamteng ah nasiatak in kiviik uh ahihman in Kawlgaalkaap te 11 si in Kokang te gaalphualpi ahi Mual 3 kalazo uh ci in gen uhhi. Kokang ten bel Kawlgaalkaap 1 kahingmat uh ci in gen uhhi. VOA

·      Republican Senator Ted Cruz  in 2016 US President kidemna ah kadem ding ci in March 23, 2015 ni in gen a March 23, 2015 ni mah in Liberty University, Virginia ah akician in asawmdan genkhia ding ci hi. Amah peen Canada gam a suak hia, Nungkumpan Canada gammi hihna nuasia in US gammi alazaw ahihi. BBC

·      Pakistan gam te lauhuaina tampi te hang in kum 7 sung abawltheih loh uh Republic Day March 23, 2015 ni in nasiatak in bawlzihziah uhhi. 1940 kum India gampan Muslim biakna zui teng gamtuam asaat theihna uh phawlna ci uhhi.BBC

·      India leh Sent e gamgi dung buaina nengneng tawh kisai kihocianna aneiding in China Palaai Yang Jiechi Delhi khuapi tungta a March 23, 2015 ni in India lampan Palaai aseemding Ajit Doval tawh kihoding uhhi. Hih peen Prime Minister Modi ongkah zawh amasa peen gamgidung vaai kikup na ci uhhi.BBC

Lungdam

Khialhna aom leh ngaihdam bawm 

Tulaai Leitung Thuthang Tuamtuam Updates March 20, 2015

·      India gam Uttar Pradresh state Dehradun khua leh Varanasi kikaal ah Khualzinmi pua Meileeng pi khat March 20, 2015 ni in alu bingkhawl ahihman alu le anungkhan lamte kikaal peekcip in mi 30 vaal si a hon mangkhat aliam ban ah tampi asung ah awkcip ci in state palik ten taangkokhia uhhi.BBC

·      BBC Manghun   te in Nypidaw khuapi ah Kawl kumpi Thein Sein thudotna March 20, 2015 ni in bawl uha, Khat lah Mangpau ziahziah khatlah Ngapik pau ziahziah mai koici kitel uh aide, Sakol leh Vok kiho tawh kibang ,Kawlgam peen Gaalkaap mah in akepkep kuullaai cih genkhia khalaai  ahihman in akeelluphum uh dawk petpet ta hi.BBC

·      Yemen gam Sana’a khuapi sung a om Muslim Biak Inn ah kikhawm thu ngeen a vanlam tawlipsan seuseu mipi lakpan Pasal khat bomb tawh amah le amah puakkham ek a, thungeen 120 si 100 liam uhhi.VOA

·      US The First Lady Michelle Obama Japan gampan March 20, 2015 ni in Cambodia gam tungta hi. Amah peen Numei te zong pilna sinsak ni cih thulu tawh Asia gam munnih ahi Japan leh Cambodia gamte ah ahawh ahihi.VOA

Lungdam

Khialhna aom khaak aleh ngaihdam bawm ah maw

Thang Khawm Pauzomi