Tuesday, August 5, 2014

Tulaai Leitung Thuthang Tuamtuam Updates August 6,2014



·      Qatar gampan Manchester Airport atuding khualzin mi 269 apua Airbus pi khat August 5, 2014atung atuang pasal khat in bomb kapua ci in mipi lausak ahihman in Loyal Air force tetung ah huhna ngen uha, Loyal Air force gaalvaanleeng khat in escort sem in zuidede hi.

·      China gam Yunnan state ah August 4 ni a zinlinna hang in misi 589 kimuta in 2,400 liam hi. August 6 nileuleu ciang hihmun teng mah ah tuikhang leuleu a, mihonkhia ding a pai gaalkaap 60 tui in taaileuleu hi.

·      March 8 ni a mi 239 tawh amang Malaysia vanleeng MH370 amuhdong azong ding in angapngap kidemsakna August 6  ni in Dutch gam te neihsa Fugro Discovery company te kiteelkhia hi ci in Australia kumpi te in taangkokhia uhhi. September kha sung in kipan ding uha, kumkhat sung in mu hamtangding ci uhhi.

·      Africa gam gam 40 pan kumpi te leh US kumpi uliante thukikupna aninihna August 6 ni in sum le paai vaai kikum uha, Africa gam ah US Company te in $14billion tawh sumbawl ding ci in President Obama in taangkokhia hi.

·      Ukraine gaalkaap te in Russia deih tapongte ukna Donetsk leh Luhansk khuapi sutkikding in nasiatak in August 6 ni in gaalmaaido kipan uha, mipi 3.9million te nuntaakna lauhuai mahmah ci in UN te in taangkokhia uhhi. Hih mun teng ah kha 4 sung gaalkidona hang in mi 1,500 sikhin ta hi. Hih bang buaina kawmkaal ah Russia te in gaalkaap 45,000 Ukraine gamgi ah puak ci in NATO leh US gaalkaap lamte in genkhia uhhi. Gaalnai ei

·      Pakistan Waziristan region kuam teng a kibusa  hiamtawi tem un 4 nasiatak in suksiatsak uha, migilo 30 kithatlumzo ci in Pakistan gaalkaap te in taangkokhia uhhi.

·      Afghanistan gam Kabul khuapi a kiphualsa NATO gaalkaap te phualpi sung ah August 6,2014 ni in Afghanistan gaalkaap puansilh khat luut in USA gaalkaap Bu Harold Greene kaplum in akiim aom NATO gaalkaap 15 zong kapliam hi.

·      Saudi Arabia gam Red Sea city ah Africa gam azin sumbawlmi khat Ebola lungno vomkhading in ki ummawh ahihman in August 6 ni in Siavuante in nasia tak in sittel in buai mahmah uhhi. Hih Ebola mawkpeen Puulpi zavaat icih taktak ahihman in leitung bup ongzeel leh isi mang maitam cihnop huai mahmah hi. Ahizong in nahteh namkhat azatuiding muta uh cisam hi.

·      Israel leh Hamas te bel nithum sung kilemna abawl laaitak uh hia, August 6, 2014 nikhat alangtuak kikaplo in daaisam uhhi. Israel ten agaalkaap teng uh Gaza pan lehkaih uha, Israel leh Palestine gamgiteng ah amaumi leh Israel gam daalding bek in omding ci uhhi.



Lungdam ei

Thang Khawm Pauzomi

No comments:

Post a Comment