Tuesday, August 19, 2014

Tulaai leitung Thuthang Tuamtuam Updates August 19,2014



·      Israel leh Palestine kilemna abeima deuh in Hamas lamte in Gaza khuasung pan Israel gamsung Rocket tang 50 tawh nakaap uh ahihman in Israel te Gaza vanlaamtawh August 19, 2014 ni in nasiatak in nuai leuleu uha Palestine mi 9 golum uhhi. Israel ten Gaza khuasung  a om Khamul kuahawm teng abeikhin ding a angaihsut himahleh Hamas pawl a kuasung a aomlaaitak thuthang pawlkhat in alim onsuaksak ahihman in maban limci laai mahmah ci in Israel PM Netanyahu in genkhia hi. August 20 zinglam in Hamas commander khat I innkuanpih te mi 6 Israel vanlam ten nuailum leuleu uha, mi 50 zong liam uhhi. Gaza pan thautang ongleng masasa Israel thautang teng hoihtak na welcome in nadawntuah pahpah ahihman in Israel lam aliam abaai kuamah omlo hi. Ahizong in Jerusalem ,  Tel Aviv leh khuapi lianzawdeuh ah patau daak gingsak kawikawi in mipi kikemding in thupia uhhi.

·      Italy gam Ascoli khuapi pan tai 18 na ah Italy gaalvanleeng nih August 19, 2014 ni in gaaldo dan kisin kisa in vanlaai ah akilum let ziahziah laaitak kiphul khagiap uh ahihman in leilak ah kiasuk in kangtum hi. Vanleeng hawl gelbel huihlukhu tawh leengkhia man uha, vanleeng kiatna kuamteng nasiatak in gamkaang ziahziah hi.

·      August 9 ni  in USA gam Missouri state  Ferguson khua ah mivom tangvalno khat sai sung mivan asuhna pan Palik ten delh in akaplup na hang in August 19, 2014 nidong ni 10 sung mipi in nasiatak in lungphona bawl uha, Gamsung gaalkaapte, palikte in mipi daaisak himah leh khamzo tuanlo uhhi. August 19, 2014 ni in mivom khatpa temta tawh palikte dawtding in delh ahihman in palikte nakap lum leuleu uhhi. Hih anihveina kikap lupna ah palikte ko le ko kidaaltheihna rights kanei uh cihsan uha, amasa peen ahihleh palik pan onglaai ahihman kakap ci in mittawh amuten leh Siavuante veel na ah pi 2 napan kikap in gukvei kikap ci uhhi.Hih thu hang in USA gam nidang piang ngei tualgaal bang piangzo phialding in pawlkhat in lam en himah leh kumpi thuneite in thumantak leh thuthang tak in hihvaai ah thu kikhending ci in gen uhhi. Ferguson khua ah mipi 21,205 pha a 65% mivom hi in, 6% mivom palik ahihban ah 9% in nasep neilo, 21%  peen mizawng mahmahte ahi uhhi. US gam ah hibang thu apianna hang in China leh Iran in khutbeng in nuihsan hiuhiau uhhi.

·      Microsoft company te i Boss Chief executive ahi Steve Ballmer in Microsoft company ah kum 34 asepkhit ciang kabuai lua mahmah ci in August 19, 2014 ni in Microsoft company pan nasep akhawlna thu taangkokhia hi. Ahangpi peen ahihleh The Los Angelis Clippers Basketball Team te nungdeuh in lei a tuatawh buai hi ci in athukan ten genkhia uhhi.

·       Argentina gam Cordoba khua kiang ah August 19, 2014 ni in Pope Francis I tupa Emanuel Bergoglio te innkuan atuanna mawtaw uhleh Lorry pikhat kitaihkha a, Emanuel I azi leh atate nih sipah in amah ahihleh naak liam mahmah in siding hingding kitelnaailo hi. Hih thu hang in Pope Francis khasia mahmah ahihna news tuamtuam in gen hi.Pope Francis ading thunget pih ciat ni

·      Japan gam Hiroshima khuapi ah Khakhat sung nasiatak sun le zan in guahciin ahihman in August 20 ni in men kicim ziahziah inn te vuk niahniah mai ahihman in mi 18 si in 13 mangcip a  micimawh tampi tak  om uhhi. Kumpi thunei te in ahihtheih zah un acimawh te huh in buai mahmah saan uhhi.

·      China gam Huainan  khuakiang a om Suangmeihol tawhna dum  guahtam luatna hang in August 19, 2014 ni in puakham a dum naseem mi 27 dum in vuknelh in kihon khia zonaailo hi. Guahtam lua ahihman in nasep off un ci in kumpi thuneite in sawl himah leh Suangmeihol company neite in sum duhhoplua in khawl nuamlo ahihman hibang thu apiang hi ci in thuthang te in genkhia uhhi. Kumpi lamte upmawhna ah bel Gas puahna pan kipan hiding ci in ummawh uha Kansan uhhi.

·      Pakistan gam I khuapi Islamabad khuapi sung ah mipi atulsawmlom asim in nasiatak in lungphona August 19, 2014 ni in bawl uha, meikhau te teptat in amaivua ombangbang banzial uh ahihman in palik ten zong acihnading theilo in awn denden mai uhhi. Lungso mipi te in kumpi innte lam manawh in suksiatding lam hanciam uhhi. Adeih thu un ahihleh Pakistan Prime Minister Nawaz Sharif manlangtak in natutna pan tuak in cih ahihi.



Cini ei Lungdam Mangpha

Thang Khawm Pauzomi

No comments:

Post a Comment