· Iraq gamsung Muslim migilo te dona hang in cimawh a
aom Kurds minamte bangcibang in huhding cihtawh kisai in Europe gam makaai
kheempeuh in August 15, 2014 ni in thukin kimuh khopna khat nei uhhi. Hih bang
a thukin kikupna peen Iraq Prime Minister Maliki in kanaseppan kakhawl ci in
August 14 ni a ataangkokhiatna hang zong
ahihi.
· Ukraine gam nisuahna lam micimawhte huhnading in
Russia te in ICRC tawh kikop in Mawawpi 300 tawh huhna puak uha, August 15,
2014 ni in Ukraine gaalkaapten nasiatak
in sit uhhi. Ukraine kumpi te in Russia te ahuh kineihding gaalkaaptha tampi tawh luut a Ukraine
abuluhding ummawh uh ahihi. The Guardian thuthang te genna ah hih Russia
huhnapia Mawtawpi 300 nung tai 30 nakhawng Ukraine gamsung ah Russia gaalkaap
alom atang in luutta ci in genkhia hi.
· Kawlgam kumpi kilemna bawl pawl ahi UPWC leh
Mualtungmi kilemna bawl makaai NCCT te Yangon khuapi kilemna innpi ah August
15, 2014 ni in zingsang nai 9 pan nitumdong kawlgam kilemna ding kikum khawm
uha, atom in Kawl kumpi ten Federal vaai kikup ding in thukimna nei uhhi.
· India gam a (68) vei phawkna Independent Day ah amasa
peen thugena Prime Minister thak liklek Mr Modi in August 15, 2014 ni in mipi
10,000 maai ah thugenna nei a, India gampeen zangthak, numeibuan in iminthang
hi.Tua ahihman Nu le Pa te in natapa te uh gamtathoih ding hilh unla tanumei te
kikepsiamding in pantah un ci in genkhia hi.
· Ebola natna lungno hang in Africa gam nitumna kuamteng
ah misi 1,145 phata hi ci in WHO World Health Organization te in August 15 ni
in taangkokhia uhhi. Natna kilawhsa 152 pha in Thursday leh Friday ninih sung
bekbek in 76 siman ci in taangkokhia uhhi.
· India gam I suahtaakkum kum 68 cinna dawnna kawm in
Kawlgam Rakhaing state Sittwe khuapi sung ah India palaaizumpi honna August 15
ni in nei uha, India dialkhai khaikhia deda in thuvanpi ahi Mr Narinda Singh in
thugenna nei hi. Kaladan gunpi tung khualzinna ding India nasepna 2014 December
kha in kizoding a, Sittwe tembaw khawlna kihong in Paletwa Tembaw khawlna
leuleu April,2015 ciang kihongding ci in genbeh hi.
· Iraq gam saklam a Muslim ngongtat pawl in August 15 ni
in Christian biakna zuimi pasal 80 ngawng attan uha, numei 100 mancip in
gamsung ah taaipih uhhi. Hih Muslim ngongtat te taainalam US Gaalvaanleeng te
August 15 zantha paai beltung khiat kawikawi tamsimsim si uhhi ci in US
thuneite in genkhia uhhi. HIh Muslim ngongtat pawl ahi ISIS migilo te kua in
sum le paai gaalvan huh a koiteng bulphuh cih ni 90 sung akankhia ding UN
palaai August 15 ni in khahkhia hi.
· USA gam Texas State Governor pa leh 2016 kumciang US
President demding a mipi muan leh akiging kingkeng khat ahi Rick Perry District
Attorney thusuutsiam khat athuneihna tawh amawkkhawlsakna leh adangkhat thulian
felony 2 tawh Travis County ah US thukhen maangpite in mawhmat uha, Travis
County Jail ah maankizaih in khutpi meekding in August 15 ni in sam uhhi. Perry
peen athu akiciat masiah Governor semthei laaiding a athu kitel leh thonglam
paitheiding ci uhhi. Ahizong in ama mipil thusuutsiam Attorney pa in hihpeen
gamvaai ama akhaktan nopman uhhi ci in gen hi.
Lungdam
Thang Khawm Pauzomi
No comments:
Post a Comment