Tulaai Leitung Thuthang Tuamtuam Updates July 8, 2015

Tulaai Leitung Thuthang Tuamtuam Updates July 8, 2015

·      USA gam sung a Biakna pawlpi tuamtuam kipawlkhopna ZBCA khawmpi Nashville khuapi ah July 10-12,2015 sung thupi tak in kibawl ding a , Kawlgampan Pasian mizat minthang tuamtuam te leh Lasa siam minthang te zong ongpaiding uhhi. Hih pawipi sung ah pawlpi kideidan lo a pawltuamtuam pan in Sia Minthang pawlkhat zong kihel ding ban ah Siampi zaa piakna hunzong omding hi.Sia Pau Khai

·      Nigeria gamte in Boko Haram migilo te tawh kipawl hiding a upmawhna tawh amatcip uh mi 180 te July 8,2015 ni  in suahtaakna pia uhhi. HIh bang a khahkhiat na uh ahang in Amnesty International te ngetna hang zong ahihi.VOA

·      Saudi  gam leh apawlte Yemen gam a kumpi langpang Tapong te July 7, 2015 ni in nasiatak in leilam vanlam tawh do uha, Tapong leh mi nautaang kigawm 176 thatlum uhhi. March 26,2015 pan kipan tuni ciang hih Saudi leh apawlte do nahang in mi 3,000 kiim si ta uhhi ci in UN te pulaak khia uhhi.VOA

·      US kumpi te in 2017 kum beima in gaalkaap 40,00 khiamding ci in  July 7, 2015 ni in genphapha uhhi. 2001 kum in gaalkaap 580,000 nei uha, 2012 kumciang  570,000 nei uhhi. Tulaai tak Afghanistan gam ah 10,000 kiim oma, Iraq gam ah 3,500 om hi. Angimna bulpi un 2017 kumciang gaalkaap 450,000 bek koihding cih ahihi. Mipawlkhat te in kiamsa mahmah ding uha, ahizong in leitung gaalpi nihna laai a agaalkaap uhtawh tehna in hau mahmah laai uhhi.1940 kum gaalpi nihna aluut madeuh un US ten gaalkaap 270,000 bek nei uhhi.BBC

·      Pakistan gam Tawlam Karachi khuapi leh akiim teng ah July 8,2015 ni zan meimit cip in mipi cimawh in om uhhi. Karachi khuapi peen mipi 20million ateenna khua hi a tulaaitak khua naaklum mahmah sawnsawn ahihman in gimna lianpi tuak uhhi.BBC

·      Malaysia Prime Minister Najib Razak mipi sum $700million kiim angah meimaaina thu Malaysia thukan te in July 6, 2015 ni in mukhia uha, atel theizawk nading un amahtawh kizom mi 6 te Bank teng July 7, 2015 ni asit uhhang mukhia zolo uhhi. Najid inbel keisum tawh buai mahmah uhteh thumanlo in mipi neihsa lading kahiam ci in nial hi. Prime Minister Dr Mahathir Mohammad in aman ahihleh nangahna amanbang in mipi tung ah pulaakkhia in ci in July 8,2015 ni in sawl hi. July 8,2015 ni in Kualalumper khuapi sung aom State investment Fund te zumpi  palik ten nai khat sung nasiatak in buluh uhhi. BBC

·      Kawlgam kiteelpi 2015 niding peen ongtungding November 8,2015 Pasian ni hiding hi ci in Kawlgam kiteelna vaaihawmpi te in July 8,2015 ni in taangkokhia ta uhhi. Tuaban ah Kiteelna aluutding Party te Meekuang luuiding te sittelna August 12-21 ni kikaal veelcianna bawlding uhhi. Kumpi Langpangpi NLD tenbel July 11,2015 khawmpi khat kaneiding uha tuani in kiteelna kaluut ding uh leh luut lohding tangkokhia nung ci in gen uhhi.VOA

·      Kawlbiakna ahi Buhdha biakna abia numei huutnading thukhaam Kawlgam Upper House pan July 7, 2015 ni in kipsakna neita uhhi. Azenzen in hih Daw Biak Nungak khat biakna dang ten atenpih leh Dawibia nun abiakna laihkuul selo, zawhthawh thutawh ilaihsak leh thong ah ongkhiading, tuaban ah ikhen leh itate aman ngahding, alungkimzah apasal in piakhading cihkhawng hi. Tua ahihman in Zomi te tuni a kipan Zomi  mah ngaizaw ing cita ni.VOA

·      Pope Francis US gam ongpai ciang Congress ah zong thu kigensak ding a, Live in kikhahzihziah ding ci in House Speaker John Boehner in July 8,2015 ni in genkhia hi. Pope peens September kha sung ongzin ding a ni 9 taam in Cuba zong vahawhzak ding hi. US ongpai sung President Obama tawh kimuding a, Washington, New York leh Philadelphia te ah mipi tawh hunzatkhopna thupi tak in neiding hi.CNN

·      Leitung a Sumzuak sumkheekna alian peen New York Stock Exchange (NYSE ) te nasepna Setvan pawlkhat kisia ahihman in July 7, 2015 ni in nasemtheilo in dinkhawl uhhi. Tuaban ah Wall Street Journal te Laaimaai Website zong setvan kisiatna hang in kizanghtei in dinkhawl phot uhhi. Ahang dam in kongtaangkokik ding uh ci in gen uhhi.CNN

·      Algeria gam Ghardaia khuapi ah Arabs minam leh Berbers minam te kikaal July 6,2015 nipan nasiatak in tualgaal piang ahihman in July 8,2015 niciang mi 22 I anuntaakna uh beilawh ta uhhi. kibanthahthah sawm mawk uh ahihman in President Aldelaziz Bouteflika in thukin thukikupna sap kipan ta hi.ABC

Lungdam

Thang Khawm Pauzomi