Tulaai Leitung Thuthang Tuamtuam Updates July 11, 2015

Tulaai Leitung Thuthang Tuamtuam Updates July 11, 2015

·      Sen gam Zhejiang Province sungteng ah July 10,2015 nipan nasiatak in huih leh guah kithuah in zu ahihman in Mipi 1million bang in inn le lo nusia in kiheem khia uhhi. Kaam nei mahmah uh ahihman in asi aliam kuamah omlo uhhi. Kaal kipat lam in Japan gam leh Taiwan gam zong nawkgawp a, mitam simsim liam uhhi.Hih thu hang in khualzin na vanleeng, meileeng te kikhawl kik sak zihziah a July 11, 2015 ni in bel haat lua nawnlo sam ci uhhi. BBC

·      Afghanistan gam Achin District sung teng US Tuithe gaalvanleeng ten July 11, 2015 ni in nasiatak in gaalbenna nei uha, IS mikaaipi khat ahi Saeed Khan leh nautaang mi 30 kiim viklum ziau uhhi ci in Afghanistan thukansim ten in genkhia uhhi.VOA

·      Egypt gam Cairo khuapi sung a om Italy ten paalaai zumpi mai ah July 11, 2015 ni in IS misok te hiding a ummawh migilo ten Bomb puakkham sak uha, mikhat si uha, Inn le lo pawlkhat sia  hi. VOA

·      Bangladesh gam Mymensingh khuapi sung ah  July 10,2010 ni in Zateep leh muamtheih company khat in amawkna in puan kihawmding ci in taangko ahihman in mipi 15,00 bang kikaai khawmpah uha, nasiatak in kiphuul uh ahihman in mipi 23 si in 50 liam uhhi.CNN

Lungdam

Thang Khawm Pauzomi