Tulaai Leitung Thuthang Tuamtuam Updates April 8, 2015

·      USA gam Kentucky state Senator ahi Mr Rand Paul  inzong in ongtung ding 2016 President kiteelna ah keizong in President kademding ci in April 7,2015 ni in taangkokhia ta a, tuni mah in khualzin kipan citcit ta hi. Kentucky pawlzong Abraham Lincoln nungzuih akipanpan hita President asemding hita ung ei.BBC

·      Russia Computer khutsim te in USA gam White House  te April 8, 2015 ni in phulet uha, US te thusim tuamtuam te leh adiak in President Obama I sepding, apainading te asimtham a US kumpi te geelkholhna te guuksak uhhi ci in White House te in taangkokhia uhhi.ABC

·      Pu Thein Sein sapnatawh Daw Aung San Suu Kyi, Minam Party makaaite, Parliament 2 pa makaaituak, April 8, 2015 ni in Nypidaw ah kimukhawm uha, 2015 kiteelna vaai, kawlgambup kilemna vaai kikum khawm uhhi. Minam makaailak pan Shan te makaaipi ahi U Khun Tun Oo painuamlo a, Kawlgam Gaalkaap Maangpi Min Aung Hlaing zong kisam himah painuam lo hi. VOA

·      Yemen gamsung abuaisak ahi Shi”ite Muslim tapong te Saudi Arabia  gamte makaihna tawh Arab gam honkhat in atungpan nisim in Nahtang Um akhiatlaaitak in Gam migilo a kiciamteh ahi Iran gamte in Tuilam gaalkaap te athuangthuang in Yemen gamlam zuan in kakuansak khin uh ci in April 8, 2015 ni in taangkokhia uhhi. Yemen gamsung abuaisak Shi”ite Muslim tapong te peen Iran gamte sawltak leh apattahsa uh ahihi. Muhnop to mahmah laaiding in lam en hang thu ngenngen leeng amau le amau ongkisu lel ding uhhi.CNN

·      Ongtungding May 1-3,2015 sung Kawlgambup Mualtungmi thautawi tengkheempeuh in Wa gamsung ah khawmpi khat neiding uha, Zomi sung ah thautawi ineihsun ahi ahi ZRA pan ZRA-E tezong nasia tak in vakah ding uhhi. Tulaai kawlgam dinmun leh Maailam ah kilemna aomthei nading cih bulphuh in amau muhna tek vakihawm sawn ziahziah ding uhhi. Kachin News

·      IS migilo te in koilak thusuak ongnei mawkmawk uhhiam April 8, 2015 ni in Yazidis Biakna thu ummi te in Iraq gam khunglam a amat uh mi 200 khahkhia mawkmawk uhhi ci in Kurd minam makaaiten genkhia uhhi. Naupang 40 hi a dangteng piteek puteek ci uhhi.Kinaak bawlsiat thei mahmah ahihman un bailiangliang bek uh ci hi.Hih Yazidis thu um mi peen leitung ah 500,000 khawngpha uha, Iraq gam ah tampeen ci uhhi.BBC

Lungdam lua

Khialhna aomkhak aleh ngaihdam bawm ah maw

Thang Khawm Pauzomi