· Russia gam te neihsa Ngabeng Tembawpi khat Kamchatka
tuikulh kiang ah April 2,2015 ni in kibung a atung atuang Ngabeng naseem mi 54
sipah in 63 kihon khiazo a mi 15 mangthang uhhi. Tembaw setsung ah tuiluut
ahihman kibung ci in Russia thunei te in gen uhhi. Hih Tembaw tung ah naseem mi
132 pha a, Russia mi 78, Kawlgammi 42 leh adanteng Vanuatu,Latvia leh Ukraine
gamte pan ci uhhi.BBC
· Kenya gam Garissa khuapi sung a om Garissa University
huangsung ah al-Shabab migilo te honkhat
April 2,2015 ni in thautawh luut in bankaap uh ahihman in mi 15 si in 65
liam uhhi. Palik ten delh pah in langnih kikaaptuahna pan al-Shabab migilo khat
si in Sangnau pang 815 lakpan cidamtak in 50 kihonkhia zopan a adangteng migilo
ten manlaai ci in thunei te in gen uhhi.BBC
· Yemen gam tualgaal hang in nitumna lam ah April 2,2015
ni in mi 35 si a, hih ni mah in al-Qaeda migilo te in Yemen gam tuitaw lam a om
thong inn khat nabuluh in thongkia mi 300 khahkhia uhhi.VOA
· Pacific tuipi dungpan ongkipan Typhoon huihpi
Philippine gam ongluut madeuh April 2,2014 ni in tuikulh dungto anawkna ah mi 4 in sihlawh a , Philippine
gamte thunget haatna hangtawh Philippine gamsung aluut ciang athaneem mahmah ta
in lauhuai nawnoding ci in kumpi thunei te in gen uhhi. Ahizong in Sunday ni
kiim pawl ah guahtam in huihnung ding ahihman mipi te kidawm laai veve ding in
gaalkaap ten thupia uhhi.VOA
· Sinai mualdung to a kikhung Egypt gaalkaap te phualpi
teng amin kitheilo thautawi pawlkhat in April 2,2015 ni in do uha, Egypt
gaalkaap 15 in anuntaakna uh beilawh uhhi. Kua tu kua ta kithei naailo a kuaman
zong ko hi ung cih beek genkhia naailo hi.VOA
“Zomi te peen acimtaak baih
diakte himah tase leeng cimtaak hetlo a laai ongsim sak tangtang akuamapeuh tung
ah kalungdam mahmah hi. Laai at pan zong cimtaak naaihetlo in sawtpi at
sawmlaai ahihman in tha nongpiak zeel nading un kongzawn hi”
Khialhna aom khaak aleh
ngaihdam bawm ah maw
Thang Khawm Pauzomi
No comments:
Post a Comment