· India gam Vasakhapatnam khuapi gei tuipi tung ah
gaaldo daan kisin a omlaaitak India Gaal Tembaw pi khat November ni in
ginneihlohpi kibungvat a atung atuang tuigaalkaap nasemkhat si in 23 kihonkhia
zo a mi 4 mangcip laai ahihman gaalkaap mihonpawl in zonglaaitak ci in India
kumpi te gen uhhi. Laksawnna –www.bbc.com
· Russia gamlam pan Ukraine gamsung ah Russia gamte
neihsa Tank gaaldona 32 Truck Mawtawpi 30 in November 7, 2014 ni in ongkantan
a, Truck mawtawpi sung ah gaaldoding gaalkaap adimtak in pua uhhi ci in Ukraine
thungei te in genkhia uhhi.Ahizong in Russia gamlam pan nialna ahihkei leh
thuumna cihbang neiselo uha, atheilo kineih kheem lel uhhi. Ukraine gamsung
buaina hang in tuniciangdong mi 4,000 vaalbang
sikhin zota hi. Thulaaksawnna-www.bbc.com
· USA gam Idaho State Boise Airport kiang ah Idaho Army
National Guard te zat Gaalvanleeng Helicopter khat November 7, 2014 ni in kia
a, atung a atuang mi 2 sipah in pawlkhat liam uhhi. Vanleeng hawlpi peen 1980
kumpekpan vanleenghawlkhin khat hi a banghang in tuahsaithei hiam ci in
kumpilamte buai mahmah uhhi. Tuahsiatna ahang gaalkaap te in akansan laaitak uh
ahihi. Thulaaksawnna-www.cnn.com
· Tulaaitak a Kawlgam I Home Minister ahi Gaalkaap Maang
Ko Ko, Gaalmaai nawk Makaaipi U Bu Khin Zaw Oo leh Bu Maung Maung Aye te 2005-2006 kum Kayin te tawh akidona uha pan mipi tung
ah maaisakzawh lohding khutkhiatna nei uh ahihman in leitungbup thukhenzum
tutnading dong akisam lahtheihding thu le la te kimtak in kanei uhhi ci in
Harvard University ah International Law & Human Rights lam suulkancian
nasep asem ahi Matthew Bugher in Yangon khuapi Shangrila Hotel pan Kawlgam
thuthang kan te tung ah November 7, 2014
ni in genkhia hi. Thulaaksawnna-burmese.voanews.com
· Nigeria gam Bauchi state Azare khuapi sung ah November 7, 2014 ni in Khawlpan sum dawhna ATM Machine ah sumlading
mi akigualh diudeu laaitak migilo khat
saikel tawh taai in akitunlillel khat mihonlak ah lawn a tua a lot peen bomb
ahihban ah puakkham ek ahihman mi atawmpeen 10 si ci in anaaipan amuten gen
uhhi. Thulaaksawnna-BBC.com
· Tuma kaalthum laai in Jerusalem khuapi sung ah
Palestine minam khat in mawtaw tawh mihonlakphul a Israel mi 2 si ngei hi. Tua
banglian mah in November 5 ni in Palestine minam khat mah in Jerusalem khuapi sung
a mipailaai mawtaw tawh phul leuleu in mikhat aphual ah sipah in khat liamma
tawh zato atung hiven November 7, 2014 ni in sileuleu hi. Hih bang thuteng hang
in hih mawtaw tawh mi aphul Palestine minampa Inn sazan gawi a gawizan dikdek ding in Prime
Minister Benjamin Netanyahu in November 7, 2014 ni in thupia hi.Thulaaksawnna-bbc.com
Lungdam zom toto ni
Khialna aom khak aleh ngaihdam
bawm ah maw
Thang Khawm Pauzomi
No comments:
Post a Comment