US gam ongpaiding te leh Asung a omte theih huai thute
·
Munkhat peupeuh
pan US gam ongzuan a tending asawm peuhmah in theihding athuipi mahmah khat in
nambat mal 9 apha siikkhau sau mahmah tawh kiptak in mikheempeuh kumpiten
khihcip cihthu ahihi. Kisuakta mahmah nopmahmah a ahizong in isepbangbang
kumpiten namutilteel ahihman in isepbangbangtek thaman kingah kik hamtang hi.
Genteh na in thungen den biak inn paiden ten daupaina ngahlel uha, Zu le Sa
guih theih khamtheih tawh abuaite zong ut le utloh tawh kisailo in pianthak
lophamawh ciangdinmun tunglel hi. Tua ahihman in US gam leitang nasikphet in
ki-ap inla nisim nanuntaakzia ki en kikpha pahpah in.
·
Refugee US
tunzawh kumkhat acingkuan or acingkhin Green Card kumpi tetung ah asiau khat
peuhpeuh in ahangkhat peuhpeuh tawh saanzawhlohna ahihkei leh sumpiak kuul cihbang laai nangah
leh Sitni khawngkawm in sumpeuh mawkpiak kei in. Refugee te ading Green Card US
kumpi ten sabakhawm a akhawnkhong a ahawm hi sumpiakhat zong bei kuulkilkel lo
hi. Tuabang dan in saanzawhlohna laai khat pepeuh nangah leh athak in ngenkik
lel in.
·
Refugee tawh US
tunzawh kum 5 cing US gammi hihna angennuam peuhmah omna teenna kituah themthum ding hoihkhol
lo-a thupi lua ahihkei leh US gampua pialding zong hoihkhinlo hi. Azen zen in
ahangkhat pepeuhtawh kituah in US gammi hihna nanget sawm veve leh na ommna
thak ah atawmpeen kha 3 cingsak hamtang in. Kha 3 cinglo pi in nanget leh na
interview ciang nangetna ongdokkik sakding uha, o pan kipankik in navaai kaai
mahmah ding hi.
·
Damlo zato kilak
nuam Zomi kampheen adeih te in Apointment nalaak masakni lian in Zomi Kamphen
phone tawh ahilo ami ngiat in kadeih cih gen hamtang in. Na Insurance or
Medicaid kampheen apiate ahihnaak leh bangtan bangtan agamla zong in
nakampheending Zomi ongzonsak in ongpuakding uhhi. Ahizong in Insurance or
Medicaid pawlkhat in kampheen pialo ahihman in Medicaid nangetciang kampheen
piate teel in. Gentehna in Well care., Coventry Care cih Company te in Kampheen, napainading mawtaw cihte akicingtak
in ongvaaihawmsak uha, Passport cihtepawl in bangmah pialo uhhi. Wellcare peen
na state ah aomnaak leh Uhaamsate ading in ahoih peen ahihi.
·
Uhamkhinsa a
Refugee tawh US tung a Social khasum asaangte in kum 7 sung in US gammi
angahkei leh pension sum kikhaktanding cih US thukhun ahihman in adamsawm ten
nikhat manglaai malkhat tebeek sinloh aphamawh ahihi. Tuabek hilo Zomi akhang
ahaam aneu asi in mikangpau leh laaipeen ann neekbangmah in ngaihsun in top tangtangding
ahihi. Sum le paai neihloh peen thukhat hi a US ah kumtampi om khualam a te
bang in mikaangte asuaktading bang ongsading in eilah mikangpau malkhatzong
napau theilo cihpeen aa-naa huai mahmah
hi.
·
US gam ah nasep
khat pepeuh naluut khitnaak leh nuam in nuamkei in atawmpeen kha 6 sem keeikaai
hamtang inla napusuahding ciang zong mawk mangziaulo in genkhol hamtang in.
Genkholh akingahlo dinmun ahihphial leh zong phone tawh sam inla keikhawlta ing
cih gen hamtang in. Company atamzaw ah sittilteel khollo uha, ahizong
nanungsang background Check tilteel company pawlkhat om ahihman in nama
ongkhakcip thei hi. Ongsit tilteel company ten ongsit vanglaak le uh, napumtung
a guulhik thaam nangawnmu uh ahihman nawngkaai thei hi.
Itheih
sasa ahizong in atunga teng kiphawksak kik nuam hang zom toto ni.
·
Indonesia gam
Molucca tuipi sung ah November 15, 2014 ni in 7.3 ahaat zinling a Moluku
tuikulh bang khauhta in nawk ci in US leisung leh tuisiam siamte in genkhia
uhhi.Hih thu hang in Indonesia gamsung ah Tsunami tungkhathei ding ahihman
kidawmding ci in taangkokhia uhhi. 2004 kum in
hibangdan pian khat mah omngei a mi 230,000 val si uhhi. bbc.com
·
Australia gam
Brisbane khuapi akibawl G20 Khawmpi November 15, 2014 ni kipan ta uha, hih Khawmpi ah Russia President Vladimir
Putin akuakua in zungkawk tek uh ahihman maizum mahmah in angatnading theilo
hi. Canada Prime Minister Stephen Harper bang in abilgei tektek pan Russia te
Ukraine gampan nawhtak taaikhia hen cigiap hi. bbc.com
·
UK gam
Voventry veeng a om Ayan Qureshi
kici naupang tu in kum 6 phata a, kum 5
aphak laai in Microsoft tawh kisai exam
laivuanna ongkhin ta hi.Tu in IT Technician a ut te laivuan vuan ek a ongleuleu
hi. nikhat nai 2 ta computer tawh hunbeisak a, amah leh amah in computer te
bawlziahziah thei ta ahihman in leitung ah naupang kumtawmpeen leh computer
asiam peen in kiciamteh hi. BBC te kiang ah agenna ah pau hamsa kasazaw a a
computer lampeen diipkuathuai kei ci hi. Amah leh amah in computer ngiat bawl
in US gam Silicon Valley khengvaal in kaleengding ci in gen hi. Ayan pen
Pakisatan gammi hi a 2009 kum in UK gam ah alal uh ci hi. bbc.com
·
Sangnau te
makaihna tawh Pilna tawh kisai thukhun deihlohna lahna in Yangon University pan
Sangnaupangten Lungphona November 15, 2014 ni in kipan ziahziah ta uhhi. 8888
dong ongtungto maithei tammaw ci in pawlkhat akigingging tawh alaulau tawh ki
om nenua hi.voanews.com
Lungdam Khialna aom leh ngaihdam bawm ah maw
Thang Khawm Pauzomi
No comments:
Post a Comment