US gam a omte
theiding
Kawlgam leh adiak in Zomi te I izatdan ahidiam Cinat
ciang bek in zato akipaithei kisa in idam laaisiah zato paitheiding in
kingaihsunkha lo hi. Siavuan icihpeen acidam khat natna angahloh nading a kepna
leh natna angahsa khat adamkik nading a kepna ah naseem ahi uhhi. Tua ahihman
in US natunzawh Medicaid ahihkei leh Insurance nangah phet in Siavuan
nadeihpeen khat teelpah in nacidamna
kisitsakpah ding hiteh. Nadam tateuta zong in kha 6 khatvei maw ,
kumkhat khatvei hiam kisitsak ding hiteh. Tuaban hileh damlohna khat
naneihciang na Innkuan Siavuan ongkidong ding a tuatung tawn in nanatna
kizongpan ding hi.zato zong paingei selo Siavuan zong neingei selo nahihmawk
leh damlohna khat naneih ciang Siavuan te nanatna zong in thapaaiding uha,
amuhlian leh sitading hiteh.
· Leitungbup Catholic te makaaipi ahi Pope Francis
ongtungding September 2015 ciang US gam sung akhatveina ongzinding a
Philadelphia state a kibawlding World Meeting ah kahding ci in Vatican pan
November 17, 2014 ni in taangkokhia uhhi. cnn.com
· Kawlgam Pituh Hlutdaw thukikupna ah November 17, 2014
ni in Gaalkaap lampan makaai ahi 25% ten Kawlgam thukhun pi peen pawlkhat
bawlphat ding kilawmsa lawmlawm mah ung ee ahizong in thukhun nambat 436 tawh
kituak in bawlding ci in thusung uhhi.
· Kawlgamsung
pilna tawh kisai thukhun deihlo a lungphona anei sangnaupang te tawlnga
phot uha, khanih or ni 60 sung adeih thute uh kumpi lampan ongdawngkik un ci in
November 17, 2014 ni in vaaikhaak uhhi. Azenzen in adeih uh dawnkikna angahkei
uhleh buaikikding ci uhhi.
voa.burmese.com
· North Korea te in Russia gamte tawh gamvaai sum le
paai vaai ah khauhual bang a kiptak a kiheek a nasepkhoptheih ding ngimna tawh
Alubok lam mah ahi Mr Choe Ryong Hae
zinsak uha, November 17, 2014 ni in Pyongyang pan paikhia ta hi.voanews.com
· Czech Republic
gamte in Communist ki ukna bawizawh kum 25 cin phawkna pawipi November 17, 2014
no in bawl ngengngang uha, mipi atul aza asim in lamdungteng ah puansan silh
kawm in kipaaktak in lampai in awg
ziahziah uhhi. Pawlkhat leuleu hehmahmah zawsop in lungphona nei uha, President
Milos Zeman bang Akktui tawh denggawp liang uhhi. voanews.com
· Abeisa June kha sung a kipan Syria gamsung a om IS
migilo ten amithah nunung peen uh ahi US gammi Abdul-Rahman ( Peter ) Kassing
tawh sim in 1,432 cingta a, hih amithah te uhpeen mawkthah maimai ciangbek hilo
in bawlsia, ngawngtan,buan cihbang abawlkhit uhciang athahpan uh ahi ci in
British bulphuh Syria Observatory for Human Rights naseem Rami Abdul Rhaman in November 17,
2014 ni in genkhia hi. voa.com
· USA gam Nebraska state
Nebraska Medical Center pan Ebola
natna lungno anakeemkha ahi Sivuan Dr Martin Salia Ebola natawh si hi ci in
zota te in November 17, 2014 ni taangkokhia uhhi. White House pan zong kasiatna
laai khat puakpah uhhi. Leitung bup ah Ebola
natna tawh asi mi 5,177 cingta a natna lungno avomlaai mi 14,413 pha ci in WHO te pulaakkhia
uhhi.voanews.com
· US gammi te nih in Thailand gam Bankok khuapi pan DHL
zang in USA gam Las Vegas atung ding a akhak uh vanlom sung ah naupang lutang,
papi te lungtang cihbang in mihingsa kisemsitsetsa honkhat Thailand thukante X’ray
tungtawn in November 15 ni zan in mukhia uhhi. vankhak gel inbel sai a kalei uh
hin lawmte cianuihna a kakha uh cihsan in Cambodia gamlam ah taaisan uhhi.
Lungda,
Thang Khawm Pauzomi
No comments:
Post a Comment