· Vanuatu gam March 14 ni Cyclone huihpi hang in misi
24 dong phato ta a , mi 3,300 in inn le lo nei nawnlo in buknading zong om uh
ci in UN ten March 16, 2015 ni in taangkokhia uhhi. BBC
· Malaysia gam kumpi lamte langkhat lam ah dingkip in
kumtampi thong sung a khumna athuak Anwar Ibrahim I tanu Upeen leh ama Party
ahi PKR ah Vice President ahi Ms Nurul Izzah Nungkaal Parliament ah aPa tung thukikhenna
amanlohzia apholaakna hang in gam vang beisak cih mawhmatna tawh kumpi ten man
uhhi ci in March 16, 2015 ni in a party pih ten gen uhhi. Apa peen nungkha sung
in thong ah kikoih khin hi a apata un kimatna tawh gam le minam ading naseem te
ahi uhhi.BBC
· Israel gam kiteelna pi March 17 ni kipan ziahziah
tading ahihman in mipi te koilam ah mee khia ding ci in akihuau ngeeingaai
laitak uh ahihi. Prime Minister Benjamin Netanyahu I party ahi Likud Party leh apawl Herzog’s Zionist Union ten kumpi
aphut kik zawh nading un Tutna 61 kisam uh ahihman in mipi athapia te March 15
nipan kipan khuspi sung te ah than bang in pai maimai in thapia ciat uhhi.VOA
· Kokang leh Kawlgam te kisona sung ah Kawlgam gaalkaap
ten Kokang lak a bomb khiat ding ngapik tamneek luakha hiam, gamlim enthei lo
hiam China gam ah khia kha in mi 5 si in , 9 aliamna na hang in Sente zong
hehpian kawm in agaal venleeng te uh gamgi dung ah tawmvei aleensak pak leh
Kawl kumpi te lau lua kisa ektehdektak kawm in adahmahmah na uh March 16, 2015
ni in pulaakkhia uhhi.VOA
Hun ngah khan gee
Tu azah cipak ni
Khialhna aom leh ngaihdam bawm ah maw
Thang Khawm Pauzomi
No comments:
Post a Comment