TuLaai Leitung Thuthang Tuamtuam Updates September 25, 2014
·
US leh apawlte in Syria gam sung a om IS migilo
te sum naakpi khat ahi Deir al-Zour
khuapi kiang a om Sathau khukpi
September 24-25 nizan in sim uha, IS gaalkaap 14 athah ban vuah nautaangmi 5 zong
that khialkha uhhi. Tuzan peen US leh apawlten Syria gamsung a om IS ado uh
azanthumna ahihman in US, Saudi leh AUE gaalvanleeng tengbek kuan uha adang
Arab gam 3 te offday pia uhhi. Tuzan a Sathau khuk asimna pan un IS ten nikhat
$2million ta ngah in tuatawh akipeipei ci uhhi. US President Obama zong nuamlua
mahmah ahihman in aomna munpan khutbetna tawh namuak ziahziah hi. Septemb 24 ni
French gammi khat Algeria gam ah IS tawh kinahvawh migilo ten angawntan uh
ahihman French te Iraq gamsung a om IS te komau buplaak nung ci uha, September 25, 2014 ni in
alipkhap huaidiak in bomb khiat ciatciat uhhi. Dutch gamte in zong gavanleeng
F-16 namte 6 Syria gam ah IS doding in paisakding September 24 ni in kithukim
uha, September 25, 2014 ni in kuankhia sak ta uhh. Leitung gam 40 vaal in
kozong ut ci in kituh ziahziah uh ahihman in US ten kuama sak leeng hoihding ci
in kisel phangphang liang uhhi.
·
Paraguay gam khunglam a om River Paraguay tung
ah lungnuam khualzin Brazil mi 16 pua in Temvaw naseem 11 anei tembaw khat
September 25, 2014 ni in kibung dihdih a mi 14 cidam in kihonkhia zo a mi 10
kiim mangthang laai ci in Paraguay kumpi thunei te in genkhia uhhi.
·
IS migilo te khahkhiat ngawngtan na Video sung
ah Jihadi akici pa peen kualianhi a koi ah oma koigammi koigam pan ongkipan cih
abeh aphung ami amin kiciantak in kithei
khinta a FBI leh leitung gamtuamtuam thukan kipawlkhaw in tawlmeek ding
ahanciam laaitak hi ci in UK Foreign Minister Phillip Hammond in September 25,
2014 ni in genkhia hi.
Cipal
leuleu ni ei
Thang
Khawm Pauzomi
No comments:
Post a Comment