Tulaai Leitung Thuthang Tuamtuam Updates May 27, 2014

Tulaai Leitung Thuthang Tuamtuam Updates May 27, 2014

·      Kawlgam 2008 thukhun pisung ah kihel thukhun nambat puahphat theih nading in 8888 te leh NLD te in kawlgambup ah mipi deihna akaihkhop kawm in May 27 ni in Mualtungmi gamvaaihawmpawl kipawlna ahi UNA te in zong thukimpihna suaikaai uhhi.

·      South Korea gam ten bangtuak lawmlawm zel uhhiam Seoul khuapi pan km300 kigamlaatna aom Janseong county sung Hyosarang Hospital May 27 ni in kang a cina leh siamah kigawm 20 kanglum in mi 6 naakpi tak in liam uhhi. Hih zato peen Piteek puteek atamzaw kikepna mun khat ahihi.

·      Afghanistan gampan US te gaaldona 2014 kumbei ciang mahialna kinei ta ding a ahizong in khamulte bengding in US paltan 9,8000 kikoih suaklaai photding hi ci in President Obama in May 27 ni in genkhia hi.

·      Libya gam sung ah migilo te laangmahmah in hiamgamp tat na khangsemsem ahihman in US state Department te in Libya gam sung a om US gammi kheempeuh kidawm mahmah ding in May 27 ni in thupia uhhi. Tuaban ah US gammi tea huh alakhia ding in US Marines gaalkaap 1,000 apua gaal Tembawpi khat zong paisak uhhi.

·      Maikha sung Brazil gam ah ongtung ding World Cup deihlohna hang in mipi te in May 27 nasia in Brasilia khuapi dong ah lum tawh thal tawh kuan in lungphona nei uh ahihman in Palikten khitui luangsak bomb te tawh nawhgawp in langnih kibuai ngeingaai uhhi. Mipi te in kumpi ten ann ongkhamhetlo in sumtampi bei in World Cup innteek asep uh kilawm kilkel kei ci uh in ahan uh suak ahihi.

·      Britain gam luutsim in gambeel nget asawm Piantit gam  Calais khuapi khuakhung  Camp a om refugee 800 te kiheemding in Piantit palik te thupia himah leh kiheemlo uh ahihman in May 27 ni in Palik ten nilkhia ding in umcih dimdem ta uhhi. Hih gambeel te peen Asia, middle East leh Africa gampan ahi uhhi.

Lungdam ei

Thang Khawm Pau Zomi