· Australia gamte in agam uh migilo te in asuksiatna
sawmna tawh kisai 2003 kum in khenli phasak in kipsakna nei uhhi. Hih
khen te lah asaangpeen nihna ah tungta ci in September 12, 2014 ni in taangkokhia
uha, ahizong in koimun koisan lian cih omlian naaikei ci in Prime Minister Tony
Abbott Canberra ah genkhia hi. hih migilo te doding alauhuaina khen 4 te in a
niam, alaai, asang leh laukhuai khia mahmah ta ci hi a tu in Asangmun tungta
ahihi.
· Syria gam leh Iraq gam teng a kibusa IS kici migilo te
mimaal 10,000 kiim phading a upmawh peen tu in 31,000 phatading in kium mawh hi
ci in USA thukan CIA te in September 12, 2014 nin taangkokhia ta uhhi. IS
migilo gaalkaapte 10,000 kiimbek hinapi khanih khathum sung in azahthum
pungmawk ahihman nawh gawh mahmah akuu ci uhhi. US ten tuni ciang IS phualte
150 vei vanlam tawh zialkhin uha, Ganhing bang in ngaihsun lel uh ahihman in
asi aliam abai kanvet in neilo in gata si bang in koih lel uhhi.
· IS migilo te do na ong Turkey te in USA gamte agam uh
kawm in gaaldona ahuhtheihna ding ngimna awh US Secretary of State Mr John
Kerry September 12, 2014 ni in Turkey gam Ankara khuapi tungta hi. Arab gam 10
tetawh Mr Kerry in IS dokhop ding thukimna alaak laaitak Turkey suaikaai nuamlo
uh ahihman Mr Kerry anungdelh zong ahihi.
· South Africa vunkaang Olympic taaikidemna ah aminthang
Pheisam Oscar Pistorius abeisa 2013 kum
Ngaihno te ni in alawmngaih nu meelhoih kineihsiam minthang Reeva Steenkamp a
inn sung ah thautawh akap khialna hang in akipelh theilo mithat mawhna nei hi
ci in thukhen maangte in September 12, 2014 ni in mukhia uhhi. Hih mawhna tawh
kituak in amah peen October 13 niciang thu kikhen ding hi ta hi.
· US gaalkaap Navy te I gaalvanleeng F/A-18 Hornets namte
2 Pacific tuipi tung ah September 11 ni
in kilumlet zialzial in aleengkimlaai thakhat in a 2 un tuipi sung ah kiamawk
uha, vanleeng hawl khat kihonkhia zo in zato ah kipuakpah hi. Vanleeng tegel
tuipi sung ah thaamlaai a, vanleeng hawl khatpa zong kizong saanlaaitak hi ci
in Navy te in September 12, 2014 ni in taangkokhia uhhi.
Lungdam ei
Khialh na aom leh ngaihdam bawm
ah maw
Update toto ni cidamding thupi
Thang Khawm Pauzomi
No comments:
Post a Comment