Tulaai Leitung Thuthang Tuamtuam Updates Dec 28, 2014

·      Indonesia gam Surabaya khuapi pan Singapore gam a bawhding Air Asia company te venleeng Air Bus A320-200 Flight  QZ8501 mi 160 vaal tawh December 28 ni in lam kihopih theilo a lam kaal ah mangcip ci in  Air Asia thunei te in taangkokhia uhhi. bbc.com

·      Somalia gam a  Al-shabab migilo US gamte thahnop peenpeen pa ahi  Zakariya Ahmed Ismail  bang thusuak ngah dihdih hiam December 28 ni in amah le amah mat kulkilkel lo in Somalia kumpi thuneite tung ah ki-ap surrender hi ci in Somalia kumpi thunei te in genkhia uhhi. voanews.com

·      US leh apawlpih teng in December 28 ni in Iraq leh Syria gam sung a IS migilo te phualpi 6 vei tuak vanlamtawh bomb khiatna nasiatak in nei uha, IS migilo asi aliam kigencian lianlo in IS te neihsa inn le lo gaalvan tuamtuam tampi suksiatsak ci in gen uhhi. voanews.com

·      US leh Pakistan gaalkaap te in  Pakistan leh Afghanistan gamgi  a Al-Qaeda  migilo te kigualhna phualpi khat December 28 ni in asimtham in buluh ek uha, migilo 62 thatlum in 20 kiim kapliam uh ci in Pakistan gaalkaap te in genkhia uhhi.

·      1981 kum Pope John Paul athahsim sawm a athatzolo Turkey gammi Mehmet Ali Agca December 27 ni in  Vatican khuapi vatung vingvenga, Pope John Paul han tung ah lingpaak kaang hoih mahmah vakoih hi. Amah peen Pope John Paul in amawhna amaaisaksa khat ahihi.

Lungdam lua

Thang Khawm Pauzomi

Tulaai Leitung Thuthang Tuamtuam Updates Dec 27, 2014

·      December 25 Christmas ni in USA gam Philadelphia khuapi ah nupi khat thakhat thu in nausuakding in navat ahihman in leisung meileengtawh zato ah nausuak ding in apai leh zato tungmanlo in meileeng tung ah suak mawk  ahihman in aminding in Christmas Baby cipongphot uhhi. bbcnews.com

·      Pakiatan Paltan te leh US Drone vanleng hawl kisamlo te in Afghanistan gamtawh gamgi Datta Khel kuamteng December 26 nizan thapaai vanlamtawh busim uha,Taliban migilo 23 golum zo ci in taangkokhia uhhi. Migilo ben June khapan akipat uh tuniciang 1,200 kigozo ta ci in genbeh uhhi. abcnews.go.com

·      Ukraine gam nisuah nalam a beeltuamsaat nuam migilo pawl leh Ukraine kumpi te amimat tuak uh December 26 ni in kikheek uha, Ukraine 222 leh Beetuamsaat nuam miglolampan 145 kibil kheek uhhi. HIh thu hang in Ukraine gam buaina tawm semsem ding in kilam en hi. abcnews.go.com

·      Sony limlak company te in North Korea Leikha maangpi Kim Jong Un kigawhna The Interviews cih Video limtaang December 25 ni in Cinema leh Online te pan akhah khiatna hang un North Korea ten kavangliatna uh ong lalthaangsak ci in lungkim hetlo uha, President Obama peen Zawngtal ci in December 27, 2014 ni in ko ek uhhi.Azenzen in hih Video a en naailo ten na etnop leh pcloud.com pan amawkna in ki en thei hi.

·       Malaysia gam Kalantan state  sung ah December 27, 2014 ni in lam et kholhlohpi in tuicin tung a mi 5 si in mi 100,000 inn le lo nusia in kiheemding in kumpi ten hawl uhhi. Malaysia Prime Minister Najib Razak zong vacation la in President Obama tawh Hawaii ah golf akimawlna pan khuvingveng in vacation zong beinaailo in ongkileh a, micimawh te veengding in geelna nei hi.

·      Syria gaalkaap te in gaalvenleeng leh Helicopter tetawh Aleppo naaihuai a om IS te ukna al-Bab leh Qabaseen khua te Beeltung limci theithei December 25 zantha paai khiat uh ahihman mi 40 si in adil asai in liam uhhi. Syria gam tualgaal hang in 2011 pan tuni dong mi 200,000  sikhin in, 3.2million gaaltaaikeek a, 7.6 million in omna kician neilo in cimawh uhhi.

·      Italy tui Paltan te in December 26 ni in Mediterranean tuipi tung ah buk  nading zong gaaltaai mi 1,250 honkhia uha, mikhat sihsuah uhhi. alamdang mahmah in ahonkhiate gunkuangtung ah Nigerian gammi nupi naupaai khat nausuak tadihdih a tualoteng peen damkim ci in Italy tui paltan ten gen khia uhhi.

Lungdam

Zom toto ni

Thang Khawm Pauzomi  

Tulaai Leitung Thuthang Tuamtuam Updates Dec 24, 2014

Amasa in Leitung muntuamtuam a om Zomi kheempeuh leh Tulaai leitung Thuthang tuamtuam asimkha mikheempeuh tung ah I Topa Jesu ongsuah na hang in kilemna,daihna,nopsakna,khamuanna,cidamna,hauhna leh maaitai thupha te ongtung henla Ongsuakding naungeek iomna tek ah cidam lungnuam tak in adawnkim theiding in adawnkim theiding in Ibiak Topan  mimal kim thupha ongbuaksuk henla, ongtungding 2015 kum in mikim ading in hauhkum,cidamkum,pilkum,kilem kum,nopsakna kum suahtaakna kum onghisak ta hen ci in Tulaai Leitung Thuthang tuamtuam innkuan pan thu kongngetsak uhhi. Tua ban ah Leitung thuthang  isuahsak zawh kum 3 ongding hita ahihman in ongmakaih ibiak Topa Pasian in minthan na tangtawntung ta hen. Nisim ongsuak zolo himah leh lungduai tak a ongngak a, ongsim sak tangtang akuamapeuh tung ah lungdamna liapi kong ko phapha idam leh zomtoto ding ihihman in tha nongpiak zeel nading un kongthum hi.

·      US te makaihna tawh IS migilo te ado Gaal vanleeng khat December 24 ni in Syria gam  nitumna lam Raqqa khuapi kiang ah IS migilo ten kapkhia sak uhhi. Gaal venleeng peen Arab gampawl pan khat ahi Jodan gamte a hiding in ki ummawh ci in UK aphualsaat Syria gam encik The Syrian Observatory for Human Rights ten genkhia uhhi. Thuthang tuamtuam in teltak gencianlo napin IS ten Jodan gaalvanleeng hawlpa thautawh aumcih zihziahna khawng uh online ah khah uh cin genbeh uhhi. Kha thum sung US temakaih natawh IS te vanlam pan adona uh ah mi 1,171 thatlum uha, 52 numei naupang hi in tualoteng IS migilo te vive hi ci in gen uhhi. bbcnews.com

·      India gam nitumna lam Assam state sung Sonitpur leh Kokrajhar distirict sung ah December 23 ni in gamsungmi thautawi ten khuasung sim uha, mi 52 that in 80 in liamna nasiatak in ngah uhhi. Hih thautawi te peen Assam gamsung a namneu thautawi   ahi  National Democratic Front of Bodoland –NDFB te hiding in ummawh uhhi. HIh NDFB tepeen Assam state pan paikhia in amau le amau dingdiing cih angimte uh ahihi. Bbcnews.com

·      Australia gam Prime Minister Tony Abbott in AU gam migilo te onglauhuaiding acihzawh asawtlo December 23 ni in Sydney khuapi palik te in mi ngongtat sawm minih Sulayman Khalid kum 20 leh adang kum 21 apha amin kigennuam naailo khat ngongtatsawmna laaituamtuam pawlkhat tawh man uhhi.  HIh migilo geel peen thukhenten sumtawh kitan a apualam a omsakding phallo uha, thukhenna thuak le uh atawmpeen kum 15 tuakbang thong sung ah hunnuam zangding ci uhhi. bbcnews.com

·      US gam Missouri state St. Louis khuapi palik te in mivom tangvaalno Antonio Martin kici kum 18 khat December 23 ni in Berkeley khua ah kaplum leuleu uhhi. Berkele peen August kha a palik khat in mivom tangvalno kum 18 khat akaplupna pan tai 2 bek kigamla hi. Palik te genna ah palik pa nagimtui zuakna ah khawl in minih avaneh leh khatpa in athaudok in palik pa ngim ahihman palik pan akap ci in gen uhhi. Hih Tangvalno pan kithah na mun ah mivom mipi ongkikaai khawm pah neeineei in lungkimlohna nasiatak in lakpah ziahziah uhhi. Mivom ten zong palik 3 gokhinta uh ahihman sinkham huaipian simsim thu ahihi. Bbcnews.com

·      US President lui anungtalaai lak ah ahaampeen khat ahi President George HW Bush kum 90  banglokhat civet khaleh cihnatawh anatna kidaalkhol ding in Huston Methodist Hospital  ah December 23 ni in kipuak a zaantaam hi. Tuma kum nih laai in hih zato mah ah awmbing khuh natna tawh khanih sung lum ngei hi. George HW Bush peen 1989-1993 ciang US President seem a US President anungtalaai telak ah ahaampeen leh leitung gaalpi nihna gaalkaap anungtalaai telak ah ahaampeen zong ahihi. Bbcnews.com

·      Zomi te kihelna khat ahi UNA mualtungmi party kigawmkhawm pawlpi te in Yangon khuapi ah December 22,23 sung khawmpi bawlding in geelna aneih hinapi aninihna azawh uhciang thute luangseemseem thupi tektek in manzolo uha, December 24 zong kikup behlaaiding uhhi. UNA peen Online politics ahilo asem taktak political movement ah kawlgam ading a uhaam mahmah leh khuampi khat hia, Zomi te idea atamluutmahmahna phualpi khat zong ahihman in Topa ongmakaihsak tawntung ta hen. RFA

·      Leitung a Video bawl company minthang mahmah khat ahi Sony te in North Korea Leikha Maangpi Kim Jong Un kithahna video abawl uh The Interview kineihna video peen Computer siam migilo te in nungsungteng bawlsia gawp himah leh December 25 nizan in lakkhia veve theiding ci in December 23 ni in taangkokhia uhhi. Video peen Texas State Huston khuapi aom The Alamo Drafthouse  Cinema Hall leh  Georgia state Atlanta khuapi sung a om The Plaza Cinema Hall ah kilak masading ci uhhi. Muh nop mahmah ding hi akinaai ten na enpeel mawh un. Voanews.com

·      Gaza leh Israel gamgi ah gamgi cing Israel gaalkaap IDF telak Palestine ten December 24 ni in nasimkaap uha, Israel ten tanks tawh gaalvanleeng tawh nazialpah in thau tang kikheekna tawlkhat sung ah Palestine mi  1 si in honkhat liam uhhi. Nungkaal ni 5 ni Hamas phualpi mun 2 Israel vanlam tawh azialna hang in Hamas ten vaugiapta uha, tun hicilaai cileeng buaikik khading cin thukan ten ummawh uhhi. Haaretz.com

Lungdam

X’mas  leh Kum thak hunnuam maw

Thang Khawm Pauzomi

Tulaai Leitung Thuthang Tuamtuam Updates Dec 22, 2014

Tulaai Leitung Thuthang Tuamtuam Updates Dec 22, 2014

·      Kawlgam a party 8 tawh ki bel pawl UNA in tuni Dec 22-24, Royal Rose , Zangkong khua ah a khat vei na khawmpi ki bawl hi.Hih khawmpi ah Tedim,Tonzang,Kalay Myo leh Zangkong pan a ZCD CEC a hi thei teng tang mi 12 ki pai thei hi.Gamthu vai ah lawng khat (political gentlemen agreement) tawh kal suan theih na ding ki kum khawm ding cih hi a tua te lak ah, Federal Union , Minam 8 , state 8 tawh gam lam ding( A Myo Ta lutdaw), Pyitu lutdaw pen mipha zah bul phuh a tel ding,Lutdaw te gel power(thu neihna ) ki kim ding cih teng ki kup pi na ki nei lai ding hi.Zam mung,ZCD

·      Australia gam Melbourne ong tung, Kaptel khua pan Pa Khup Za Pau ( Rtd. Sports Organiser) leh Nu Tual Hau Niangte tapa nihna, Tg Thang Sian Lian in Dec. 14, 2014 ni-in, Avondale College of Higher Education panin Bachelor of Business and Accounting pilna saang Degree lukhu neelkaai ngah aa, tua ni mahin, Kaptel khua, Sgt, Thang Khan Go (ong nusia) leh Nu Cing Ngaih Vungte  tanu aneupen, Lia Man Lian in Bachelor of Nursing, Avondale College of Higher Education pan mahin Degree lukhu-neelkaai ong ngah khiat manun nakpi takin Zomite ading lungdam huai mahmahin i ki paak hi.Hi bang aa, ahanciam man un a unau un  [ a nute Tedim, Leilum veeng, Pu Khual Do Thang leh Pi Vung Khan Man ( ong nusia)  tanute ]  pilna saang ong ngah uh imuh ciangin adang gambeel aa tung Zomite in zong hahkat ciatin, anung uh i zuih ding i etteh ding ki hanthawn ciat ni ci-in lungdam pihna tawh kong thei sak hi. Tua ban ah ei Zomi te thukhempeuhah i kipum khat zokei zongin pilna, siamna,  zonna lam ah lungsim kituak  in pumkhat i bat nadingin hanciamkhawm in i tu i tate mipil suaksak ciat ni. Tg. Lian Sian Mang ( Mang Pu )

·      A 21 veina Karen New year leh DKBA kum (20)cin pawipi ah ZRO tang in ZRO Eastern, Thailand te puaisim ki hel thei  in A 21 vei na Karen kum thak pawi leh DKBA kum (20)cin pawipi pen DKBA te phualpi Songsimyar HQr ah 21.12.2014 Sunday ni-in lim ci tak in ki bawl hi.Tua pawipi ah Zomi Re-Unification Organization ZRO tang in ZRO Eastern Thailand zumpu te na ki hel thei uh hi.Tua pawi sung in Zomi makai Thailand te leh DKBA,NLD(LA),PPP/PLA,SSA cih te thu ki kopna zong ki nei thei hi.tua hun sung mah in DKBA pan U lian te tawh ki mu ki hona te them pulak dih ning.DKBA Chief Army pu ci-na in hong pai zolo hi.
(1) .General Saw Musee, DKBA Second Chief Army tawh kimu in holim thei uh hi.Gen Musee pen Christian hi in Zomi te hong it mah2 khak hi .Zomi makai lam te zong ZRA Eastern ZRAE ki pan na thu a gen khiat leh hoih sa mahmah tha ngah mahmah hi,mai lam ah ki zop ding in ki kam ciam uh hi. (2).Major Saw Sai,DKBA No.910 tatyinmuu pa tawh ki mu thei in ki holim thei uh hi.Saw Sai pen SSA zong in Alliance vai in D te kiang ah aom hi.Amah pen Zomi te tawh kum tampi na sem ngei hi in ZRO U lian,ZCD U Lian te a theiloh tamlo hi.amah tawh ZRA Eastern ki patna thu te ki gen hi,aman azat cilna dan na hi lai mawk in tha ngah mah2 aa,no aki pan tak2 ta maw?cih in lungdam na thu gen khia hi. (3)Bomuugyi Steel,DKBA Sit-thaut-chok pu tawh zong ki mu in holiam na nei thei hi. (4)Major Saw Tun Tun,DKBA Information and Public Pu tawh ki mu ing holim thei hi.Amah pen nidang lai ABSDF te Army lam ah makai hi a,DKBA Chief Army Mukmul pa in mi muan khat ahih na tawh a lap sang a hi hi.Sources By-ZRO Eastern Thai Burma Border

·      Hollywood kilaai kineihsiam minthang Jackie Chan I tapa Jaycee Chan kum 32 khamtheih guihtheih mawhna nei ci in China palik ten December 22, 2014 ni in kipsakna neita uhhi. Amah peen August kha sung in khamtheih zakeu gram 100 tawh a innpan kiman hi a asi asit uhleh amanzong nazang hi. Azang bek hilo in midangte zong neekngaih cin palikten mawhmat uhhi. Azenzen in tua atuah mawhmatnatawh thu kikhen leh kum 3 sung gawtna sung ah teengding hi. Apa Jackie Chan in bel kamai zum in zum ngaungau mai ci in mipi tung ah mawhsuutna August kha sung in neikhin hi. bbcnews.com

·      India Prime Minister Narendra Modi  I party ahi BJP party te I alang party te MP- member of parliaments te in PM Modi leh a party te in India gam a mitawm biakna adiak in Muslim leh Christian te zawhthawh thu tawh Hindu biakna asuakna uh akhawlnading in deihna lahna December 22, 2014 ni in nei uhhi. India gam ah Biakna khat in adangkhat zolthei a, ahizong in zawhthawh thutawh kaaitheilo hi.  Tukha kipatlam in Agra khuapi ah Muslim mi 50 Hindu kisuaksaka, Tukha sung mah in  Guzarat state ah Christian 100 Hindu biakna kisuaksak in, Kerala state ah Christian inn 30 Hindu biakna kisuaksak hi. bbcnews.com

·      South Korea te meitha laakna Nuclear Power Plan honna computer December 22, 2014 ni in computer gaaldosiamte in do uha, avanthupi tuamtuam teng guuksak uhhi. Tua ban ah aguuk sak uh vanthupi teng tawh sumtampi tawh tankikding in ngen ci in South Korea kumpi lam te leh The Korea Hydro and Nuclear Power Co.Ltd ( KHNP ) ten genkhia uhhi. Hih gaaldo ten amau leh amau akigenna ah An-ti Nuclear Group base in Hawaii te Makaaipipa kici ci uhhi. Hih thu peen Sony Video aki dosak nahang in US ten North Korea ngawh in migilo panpih tawl ah akoihsawm khit a ongpiang ahihman in North te ki um mawh simsim hi.voanews.com

·      Sen gam leh Vietnam gamnih te South China Sea tung ah aki um zialzial na tawh kisai avatsatthei ding in Sengam Communist Party ah alian 4 na lah ahi Parliament ah lutangpi khat zong ahi Yu Zhengsheng tukha sung in Vietnam gam vazin ding a Vietnam Communist party tetawh holimding ci in China’s state media ten December 22, 2014 ni in pulaakkhia uhhi.voanews.com

·      Pakistan gam Peshawar khua ah Taliban ten mi 141 atamzaw naupang athah nun g ah Pakistan gaalkaap ten Taliban te lompi khat gokik uh ahihman Taliban ten leiba kaloh kiknuam uh cileuleu uha, mipi te kidawm mahmah ding leh adiak  in thong inn kiim te limcin mahmah ding in Pakistan gamsunglam Minister Chaudhry Nisar Ali Khan in  December 22, 2014 ni in theihsakna nei hi.cnnnews.com

·      Gaza pan Israel gam sung migilo ten Thaupi tawh kaap in Israel ten Vanlam tawh Gaza avazial vatna hang in Hamas leh Israel kikaal kilemna kisia kik a, December 22, 2014 ni in gamgi dung ah langnih keeksatuak in omta uhhi. Israel Defense Minister Moshe Ya’alon in tu a vanlam tawh akizialvatna peen Hamas te kidawm un ci  a theihsakna hipan in Tangkhat onglot laai ngawngaw uh leh athuhkikna ding peen um guigam maai guigam sak cihmah hilel ci in December 22, 2014 ni in gengiap hi. voanews.com

Lungdam zel ei zom toto ni

Thang Khawm Pauzomi

Chrismas leh Kumthak sung ongsuakding Article te:

1.Zomi leh kizep kipuah zia

2.Zomi leh Apple

3.Lam Naai tawn nuam Behiang kumkua a tunglo ( Cingno leh Siingpu )