Tulaai Leitung Thuthang Tuamtuam Updates January 22, 2016

Tulaai Leitung Thuthang Tuamtuam Updates January 22, 2016

·      Canada gam Saskatchewan sung a om sangnaupang  900 apha La Loche Community sang in January 22, 2016 ni in MIgilo ten bankap uha, Sangnaupang mi 5 si in hi ci in Prime Minister Justin Trudeau in genkhia hi. Kuakap hiam cih thunei ten Kansan laaitak uh ci uhhi.BBC

·      Turkey gam pan Greek gam luut sim a sawm gaaltaai mite tuanna Tembaw nih January 22, 2016 ni in Aegean Tuipi tung ah Suangtum phukha in kibung a, numei naupang akihel mi 42 si uhhi. Hih tuipi tung ah nungkum 2015 sung bekbek in mi 700 si a tukum sung in 10 sita hi. CNN

·      US gamsung Nisuah nalam pangto teng ah January 22, 2016 ni nasiatak in Vuuk (snow) pingpei kipei ahihman in mipi Million tampi in thuaka, Vanleeng lianding 7,500 kikhawlsak kik in, Mipi 133,000 bang in meitha neilo uhhi. Kua mah innpua kipai khia theimeel lo in cimawh in ki om hi. Tennessee state Kentucky kikaal ah Accident hang in mim 5 sita ahihman in Tennessee, Kentucky leh North Carolina kikaal kuamah khualzinlo ding in kumpi thunei ten khaam uhhi. Washington DC lam bang ah Nipi Ni dong kizom tosuak theiding ci uhhi. Mikaang zawdeuh ten natheikhol uh ahihman in Innsung kisap Vante naleikhol uha, Innsung ah lumpikpeek in kuamah kuadawklo uhi. Zomi leh gaambeel pawl bel acimawh kitamsimsim ding in kalam en hi. VOA

·      Kawlgam kumpi te in ahun uh beidekdek tading a hihman in Mangpha khaakna dan in Thongkia mi 100 vaal khahkhia leuleu uhhi. Hih mi 100 vaal lak ah 30 kiim peen Gamvaai (Politics) tawh thongkia hia, tualo Biakna kisim mawhsakna tawh amat uh New Zealand   gammi  Phllip Blackwood zong kihel hi.VOA

·      Thailand gam Sumkuang tuikulh a Mikang nih that hi cih Mawhmatna tawh Thah athuakding a thukhenzumte khensat Kawlgam mi 2 te Khakhat sung Thai thukhen zumten etkik hun apiak peen January 24 nibeita dinga, tomlua ci in Kawlgam kumpi lampan angetna uh Thai thukhen zum ten January 22, 2016 ni in  ani khakhat khanto kik uhhi.BBC

·      Somalia gam Mogadishu khuanawl Lido gunpang a om Annsai pi khat ah January 21,2016 nizan Ann ne a mipi atut zihziah laai tak IS migilo te leh Al-Shabab migilo te kibawl in Bomb apuahkhapsak ban uh ah mi bankap uh ahihman in mi 20 si uhhi.  Somalia gaalkaap ten zan thapaai abenkhit uhciang  zokik uhhi.BBC

·      Syria gam leh Iraq gam sung a IS misok te bengding in US Commando gaalkaap 200 te Iraq gam tungkhinta uha, January 22, 2016 Saben kipan ziahziah ta uhhi. Pawlkhat ten 200 cikha ding uh hi ahizong in Hih US Commando gaalkaap te peen gaalsiam,haat tam man mahmah uha, Kawlgam bup bang hih US Commando gaalkaap 200 in ongzo lelding dan in  muanhuai uhhi.CNN

Lungdam

Thang Khawm Pauzomi

Tulaai Leitung Thuthang Tuamtuam Updates January 21, 2016

Tulaai Leitung Thuthang Tuamtuam Updates January 21, 2016

·      2015 Kum Kawlgam kiteelna ah gualzawhna ah MP thak teng  kimuhtuahna Khawmpi ah vakah ding in Zomi minam minseel ZCD Party President Pu Chin Sian Thang  azi tawh Nypidaw lamzuan in Kawlpi vanleeng tualpan January 21,2016 ni in dingkhia ta uhhi.ZCD

·      Iraq gam leh Syria gam sung teng ah akisapna dungzui in US Commando gaalkaap 200 in IS leilam vik kipan ciatciat ta a, IS te omna munmun asun azan cilo buluh ciatciat in meklum pahpah ding ci in US Defense Secretary Ash Carter January 21,2016 ni in genkhia hi.VOA

·      2015 Kum Kawlgam kiteelna ah gualzawhna angah NLD ten amau makaihna tawh kumpi kilam na ah House Speaker ding 2 leh ahuhding 2 mi4 tawh Speaker nih Mualmi te sungpan kiteelkhia khin ci a U Nyin Win January 20, 2016 ni AP thukizaakna tekiang agenpeen Mualmi sung, Thautawi sung kibuaipian pahcitcit ahihman in  hithu peen kidawmtak a gelding ahihman in kikipsak nailo hi ci in Party Makaaikhat ahi U Win Theng in January 21,2016 ni in genkik hi.

·      Russia gam I Thukan makaai lui ahihban ah Russia kumpi zingvaaihawmna dik asakloh man in Russia kumpi ten mawhna namkim tawh mat asawmna pan London ah gambeel a aom Alexanda Ltvinenko peen November 2006 kum in London khualaaizang a om Millenium Hotel sung ah Russia thukan mi nih in a ann sung ah gusawhsak in thatlum uhhi. Hih bang a Russia thukan nihten na aseptheihna ding in Tulaaitak a Russia President asem Vladimir Putin geelna hi ci in Britain kumpi tungnungpan hithu akantel Robert Owen in January 21,2016 ni in genkhia hi.CNN

Lungdam

Thang Khawm Pauzomi

Tulaai Leitung Thuthang Tuamtuam Updates January 20, 2016

Tulaai Leitung Thuthang Tuamtuam Updates January 20, 2016

·      Pakistan gam Nitumna saklam a om Charsadda khuapi sung a om Bacha Khan University saangpi Taliban migilo ten thautawi bomb tawh January 20,2016 zingsang nai 9 pawl in sim uha, Mi 25-30 kikaal si in 50 vaal zato ah kipuak hi. Hih Sangpi ah sangnaupang mi 3,000 kiim pha ci uhhi.VOA

·      IS kici Islamic State phuangkhia migilo te lak a amuan mahmah uh Video sung khawn gah mi gawl atanciatciat ahi. Jihadi John kicipa peen nungta nawnlo sikhin ta hi ci in IS ten January 19, 2016 ni in taangkokhia uha, kuathah koimun banghun a si cih gennuam lo uhhi. US tenbel November,2015 sung in Drone gaalvanleeng ten thatkhin ci in deih bawl uhhi.BBC

·      Afghanistan gam Kabul khuapi laaizang pawl a om Russia te Kumpi Palaaipi zum ah January 20, 2016 ni in Mataw khat leh ahawlpa puakkham khawm a, mi 7 sipah in pawlkhat liam uhhi. Kuakhut ma hiam cih thu kitel lian naailo a akikan saan laaitak ahihi.VOA

·      Kawlgam bup kiteelna2015 ah gambup gualzawhna angah NLD ten Kumpi alamciang Rakhaing gam ah ANP( Rakhaing) Party ten Chief Minister angah kei leh NLD tawh kipawl kilkelloding ci in ANP President Dr Aye Maung in January 20, 2016 ni in genkhia hi. Ahizong in kikum diamdiam ding in akigingsa in ka om uh ci n genbeh hi. Rakhaing gam ah ANP-21,NLD-8,Shan Minam MP-1 leh USDP-3 in gualzawhna ngah a ANP atampeen ahihi. VOA

·      Aki mu nuam pakpak lo US Secretary of State Mr John Kerry leh Russia Foreign Minister Sergei Lavrov te Switzerland gam Geneva khuapi ah January 20, 2016 ni in kimu ngawngaw uha, Syria gam koicibang in heiding cihthu nasia tak in kikum khawm uhhi.CNN

·      Nungkum sung Guahtui tamluatna hang in cihmawhna atuak Kawlgam saklam Kawlpi kuam teng a Lei kisia te lamkik nading in Germany gam te in EU sum Teng 100 tawh huhding in khensat ci in Kawlgam-Germany palaai Christian Ludwig in January 20, 2016 ni in genkhia hi.VOA

Tulaai Leitung Thuthang Tuamtuam Updates January 15, 2016

Tulaai Leitung Thuthang Tuamtuam Updates January 15, 2016

·      Indonesia gam Jakarta khuapi sung gampua palaaizumpi leh UNCR zum, Vanzuakna Lianpipi te omna khuapi laaizang ah IS migilo ten January 14,2016 ni in Bomb puaksak in mi bankaap uha, migilo 5 leh midang 2 si in 20 liam uhhi.VOA

·      US te Vanleeng hawl kisamlo Drone Gaalvanleeng  in January 14,2016 ni in Afghanistan gam sung a IS makaaipipa leh a nautaang mi 7 thatlum hi ci in Afghanistan thunei te in genkhia uhhi.Hih tawh kisai in January 15, 2016 ni in Indo palik ten mi 3 matbeh uhhi. VOA

·      Leitung ah Vanzuakna alian peen leh atam khawng peen ahi ngei Walmart Company te in leitung bup a om Walmart Vanzuakna 269 khakcip ding ci in January 15, 2016 ni in taangkokhia uhhi. Hih hang in US gam bekbek ah mipi 10,000 in nasep neihlohlawh ding a leitungbuppi ah mipi 16,000 in nasep khawllawh ding uhhi. Meetlualo, Kinaai theilua  uh ahihman in akhak ataangpi in ci in gen uhhi.BBC

·      US gam Haiwaiian tuikulh kiang ah US Marine gaalkaap te mi 6 ta tuang Helicopter nih Galdo dan akisin kawmkawm un January 14, 2016 ni zanlam in  kia uha, atung a tuangte si maw hing cih kitelnaailo zongsan laaitak uhhi. BBC

·      Zogam Khua tuamtuam te ah Kawlgam huihnun tawh kizui in January 15, 2016 ni in Hausa kiteelna kinei ciat a, munkhat khat te ah Asemlui ten awnnuamlo ahihman in buaina om ahihman in ani kikhan to hi. Mipi lipkhap mahmah Gaalkaap te tawh kipawl USDP te deih Hausa pan Mualbeem Khua, Gamlaai Khua cihte in suahtaakna ngahta in ZCD in guahzawhna ngah cihthu kiza hi.

·      Kawlgam kilemna Khawmpi ani4 na January 15, 2016 ni ah Minam kee tuamtuam pan Makaai te, Party tuamtuam pan makaai te, in Federal leh Kawlgam kilamzia ding, Minam kee khenzia ding  nasiatak in kikum khawm uha, muhna kibangkim meello uhhi. Pawlkhat ten Kawlgam peen State 8 suahziau in Kawlte Burmese te peen Namkee khat a simding thu sungta uhhi. Kachin, Shan, Kaya cihte leh pawlkhat in ka Minam min uh mankei cita uha a Man genkhia uhihi. Zomi minampi pan palaai pawlbel nui hiuhiau in natu hithiat phot zawzen uhhi. Chin te bang a Minam minding uh, kigingkhapak lo uh ahihman in Aminam minding uh Kasiko maw? Kalkawmkahawlh maw? Koicizaw ding ci in kihuau keei uh hituak hi. Zozum/VOA

·      Japan gam Kita Shiga tawlngakna lam manawh a apai mi 41 apua Bus pi khat January 15, 2016 ni in Karuizawa khua kiang ah  kibung a, mi 14 amun ah sipah in mi 27 liam uhhi. Bus ki  butna ahang in thunei te in akan saan laaitak uh ahihi. CNN

Lungdam

Thang Khawm Pauzomi