Tulaai Leitung Thuthang Tuamtuam Updates December 24,2015

Tulaai Leitung Thuthang Tuamtuam Updates December 24,2015

·      UK gammi  David Miller kum 24 leh Hannah  Witheridge  kum 23 te Thailand gam Koh Tao tuikulh tung ah September 15,2014  ni in akithahna tawh kisai in Kawlgam mi Zaw Lin leh Wai Phyo te mithat hiding in aki upmawhna pan amawhna uh kimuta ahihman in December 24, 2015 ni in Thailand gam Koh Samui thukhen zumpi te hih kawlgam mi geel zong thahding in thukhenta uhhi. Hih peen misi Nu DNA leh Kawl pasal I DNA asit ban ah misi nihlak ah a Numei zawpeen kibuan ahihman in ( Asaval tuamna) condom te, zasum tawng leh amithahna uh tupeek tetung tawn a kikipsak ci in thukhen zum ten gen uhhi. Kawlgam mi 2 lampan apang thusuutsiam (Lawyer) pan bel ni 7 sung in appeal kikding DNA te kibanglo ci in gen hi.  BBC

·      USA gam ko teenna khangdeuh Tennessee state sung leh Mississippi gundung ten gah Tornado huih leh guahpi in December 23, 2015 ni in nasiatak in nawk ahihman in mi 6 si in mi 24 liam uhhi. Tua ban ah kumpi thunei te in Tennessee sung  kidawm ding in mipi thupiakna Level 3, state emergency bawl uhhi. BuzzfeesStorm.com

·      Saudi Arabia gam Jazan khuapi sung a om Zato pi khat December 23, 2015 n in meikaang a mi 25 si in 107 liam ci in General Directorate of Civil Defense ten Twitter pan  taangkokhia uhhi.KSA_998

·      Tunaai Russia te in Syria gam sung a gamsung mite Bomb akhiatna hang  un Homs,Adllib leh Aleppo kuam sungteng Nautangmi civilians mi 200 si ahihman in leitungbup thukhun pi Russia ten palsat uhhi ci in December 23, 2015 ni in Amnesty International te in taangkokhia uhhi. Hih thu tawh kisai in Russia ten nawhsatak in thalnial pah uha, pilvaang tak a singnuaimi te bek kikaap hi ci uhhi. Tua ban ah Mr Putin in akuul leh Gaalvan hoih nono zatsawmlaai ung cihsan hi. CNN

·      December 21,2015 ni in Afghanistan gam  US te gaalphualpi khat ah Taliban misok te khat bomb tawh puakkham khawm a, US gaalkaap  mi 6 si uhhi. Tua asi mi 6 te lak ah athulam dang mahmah khat ah suakta tak a neihkibang pipi kiteenna abawlmasa gaalkaap khat kihel hi. BBC

·      Russia President Vladimir Putin leh  Israel Prime Minister Benjamin Netanyahu December 22,2015 ni in Phone tawh nasiatak in thukikupna nei uha, Syria gam vik danding leh Middle East sung a mi ngongtat te lampi tuamtuam zang in Russia leh Israel ten vikhuan ding in kithukimna nei uhhi.VOA

·      South Korea gam te thusiamna tawh amasa peen Thai leh Kawlgam gamgi gaaltaai buk pan Karen Innkuan 4 mimal 22 South Korea gam cidam in tungta uha, F-2 kici omtheihna tawh omsak phot uhhi. Hih peen tuma kha 5 laai UNHCR leh Korea te kithukimna hi a 2017 ciang Kawlgam mite asinna dan in ongla zeuhzeuh ding dan ci uhhi.VOA

·      Rakhaing gam sung a Rakhaing minam kipawlna tuamtuam pan makaaipi 100 vaal kimuhkhopna December 24,2015 ni in neikhawm uha, Rakhaing gam sung ah Chief Minister aseemding peen Rakhaing gamsung a mun tam azo peente sepsakding in ngetna bawl uhhi. Rakhaing gam sung ah 2015 kiteelna ah Rakhaing party ahi ANP ten mun 23 , NLD ten mun 9 leh USDP ten mun 3 ah gualzo uhhi.VOA

Lungdam

Khialna aom leh ngaihdam bawm ah maw

Happy Christmas & Happy New Year  

Tulaai Leitung Thuthang Tuamtuam Updates December 5,2015

Tulaai Leitung Thuthang Tuamtuam Updates December 5,2015

·      Thailand gam azin Russia gammi te asuamding in Syria gam pan IS migilo mi 10 October khansung in zinkhia uha, Khuapi zawdeuh Russia gammi te tamna munte ah lauhuaiding hi cihthu Russia thukante in Thailand Palikte tung ah December 4,2015 zasak hi. Bangkok khawng ah Zomi a omkhaak leh kidop huai mahmah ding hi. Kumkhat Thailand gam azin Russia gammi peen 1.5million bang pha thei cimawk hi.CNN

·      Russia, US leh Piantit gamte asuam khit uhciang azom ah UK ten thuakding ci in IS ten December 4,2015 ni in taangkokhia leuleu uhhi. Hih peen British Parliament in IS te nasia tak a Bomb khiatding athukim na uh athuhkikna zong ahihi. UK Galvanleeng RAF Tornadoes 4 tawh amasa peen Syria gamsung a IS te namgimtui phualpi teng December 3,2015 ni in ban phialsak a IS te zawmzo ding in lam en uhhi. Anihveina December 5,2015 ni in Tornado Gaalvanleeng 2 tawh cimphawng in Omar Namgimtui phualpi banzial phei leuleu ci in Defense Secretary Michael Fallon in genkhia hi. BBC

·      IS abuaipih masa peenpeen leh amakaai ahi US ten Kha 15 sung IS migilo te adona vuah Bomb tang 20,000 zangkhin uha, zonaai dello uh ahihman in tuta abatleh US Bomb tang beithei ding a tampi order kuulding ci in US Vanlam gaalkaap ten December 4,2015 ni in genkhia uhhi.CNN

·      US gam California state San Bernardino khuapi December 2,2015 ni  a mikap te peen Muslim biakna zui Syed Rizwan Farook kum 28 leh azi Tashfeen Malik kum 27 te hi uha, Terrorist- Ngongtatna hi ci in FBI ten December 4,2015 ni in taangkokhia uhhi.  HIh Nupa te peen upmawh huaideklo Ata uhzong kha 6 phapan a a Pi tawh Inn ah koihliang a mi avakap cizen uhhi.IS migilo ten Hih Salpha nihpeen ko ongpanpih Salpha te hi ci in December 5,2015 ni in taangkokhia uhhi. US gam a om Zomi ten I Innveeng ah zong IS omgige cih mangngilh kei tapeuh ni.CNN

·      India gam Chennai khuapi sung tuicin tun nahang in mi 18 si a khuapi sung tui in tumdipdep mawk ahihman in kumpi thunei ten gaaltaai phual 25 saatsak in mipi 7,000 December 5,2015 in honkhia khinzo uhhi. Tuma kum 100 pan tutung a guah peen atampeen in gen uhhi. Tamil Nadu state sung ah tuicin hang in misi 269 phata hi. India Prime Minister Naredra Modi inbel $150m tawh huhding in kamciam piapongphot hi.BBC

·      Germany te zong omthei nawn mahmahlo IS vuih le vaai suaksak ding kua teng thukim ci in Parliament ah December 4,2015 ni in Meekhiatna nei uha, 445deih-146deihlo tawh vikding in thukimna ngah uhhi. Gaalkaap zanei mi 1,200, avui atang kicing Tornado Gaalvanleeng te leh Meituipuak vanleengpi te paisakpahding in solitlit ta uhhi.  Germany in bel Piantit,Britain,US,Russia tetawh kipawlselo in atuam in amau utnakhat sualding ci in gen uhhi.VOA

·      Nigeria gam Abuja khuapi sung a om USA te Palaai zum-Embassy misok pawl in simding cihthu December 5,2015 ni in thukan ten mukhol uh ahihman in US gammi akiim naai a omte kidawmding in kumpi thunei ten taangkopah uhhi.VOA

Lungdam mahmah

Khialhna aom khaak aleh ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates November 4, 2015

Tulaai Leitung Thuthang Tuamtuam Updates November 4, 2015

·      Nung Saturday  ni a Russia te vanleeng kia mi 224 asihna peen Black Box pan akiatna hang akisit laaitak hia, Bomb hang a kia hiding in lam et omzaw ci in Britain ten November 4,2015 ni in gen uhhi.US ten akician zaw in kapih ding ci uhhi. Amasa lam in bel IS ten kosuk hi cingei uhhi.VOA

·      1949 kumpan amasa peen Se leh Taiwan makaai pi kimuhna ongtungding November 7,2015 niciang Singapore khua/gam ah neiding uhhi. Hih peen Taiwan President kahthak Ma Jing-yeou hanciamna hi a Sen President Xi Jinping tawh kimu ding uhhi.VOA

·      Sen gam leh akiim a gamneu teng kituhtuhna South China Sea lamzuan in US Gaal Tembawpi November 5 ni in Vazin dede ding uha, US Secretary of Defense Ash Carter leh Malaysia Defense Chief Hishamuddin  Hussein ten zong vazui in amau geelbel Tembaw pi tung  a laam Vanleeng tung ah tuangding ci uhhi.CNN

·      Pakistan gam Lahore khuapi sung a om Nasepna Company pi khat November 4,2015 ni in kicim a, Nasem vek pi 200 bang lakpan mi 15 sipah in 150 bang Lei in vukcip in kihon khia zonailo ci in Pakistan thunei ten gen uhhi.BBC

Lungdam

Thang Khawm Pauzomi

Tulaai Leitung Thuthang Tuamtuam Updates November 3, 2015

·      Kawl gaalkaap USDP ten Sum tawh Tawpi tawh zoltheih zolmawh in azol kawmkaal ah Zomi ten Zomi party mah kici tinten ahihman in Tuimang khua ten ZCD te November 5,2015 ni sam uha, Sial Ks/900,000 mankhat leh Vok 2 gawh ding pahtawi ding uhhi. Pu Gin Kam Lian leh ZCD khangno pawlkhat vapaiding uha, Lasiam pawlkhat in zong vazuiding uhhi. TuiMang khuazaang in ZCD Mee pianung cihthu zong agending uh ci hi. Tuimang khuate etteh taak hi.

·      Nepal gam Rasuwa District sung Kathmandu khuapi pan tai 50 na mualtung ah Bus pi khat November 3,2015 ni in kibung a mi 30 sipah in 35 liamna tawh zato lam kipuak hi. Kawlgam dan mah in atungkhum zaang ah atuangtamlua ahihman kileek in kibung hiding in ummawh uhhi.BBC

·      Nungkum December kha sung  Delhi khuapi a Numei buan Uber Taxi hawl Shiv Kumar Yadav  khantawn tung thongngaak ding in thukhen maangte in November 3,2015 ni in thukhentat uhhi. Amah peen A Taxi hawl atuang numei nu anabuan geu ahihi.BBC

·      2016 kum ading US President Candidate ah Republican party pan Donald Trump amadawk den himah leh tu in Siavuan luui Mivom  Ben Carson in makhelh ta a . Trump 23%,Ben 29% hita hi. Democratic lampan bel Hillary Clinton ademzo kuamah omvetlo a tu in 62% hi.  CNN

·      West Bank Hebron khuapi sung a om Palestinian ten asun a zan a ahon uh Al Hurria Radio station Israel gaalkaap ten November 3,2015 ni zan thapaai buluh uha, avankheempeuh laaksak in khakcip sak uhhi. Ahang peen hih Radio ten in Israel te kona neiden a amipi te hansuah ci in ngawh uhhi.CNN

·      Kawlgam sung a Mualtung mi thautawi leh kaap athuah kipawlna te in anihveina Khawmpi WAH gam Pankham khuapi ah November 1-3 bawl uha, lawhcing tak in manthei uhhi. Thusuah abawlna vuah 2015 November 8, kiteelkhit ciang Kawlgam bup kilemna ding tawh kisai akahthak kumpi tetawh nasepkhop ding leh 2015 kiteelna encik ding Kiteelna ahoih theihnading in Gaaldo zong tawm ongkhawlbawl phot un ci uhhi. Nung a NCA kici Kawl gaalkaap te tawh thukimna ala te peen Thau tawi ngei pawl hi  in tutung a te peen Thautawi-kaap te pawl dan hituak zaw hi. VOA

·      November 8,2015 ni kibawlding Kawlgambup kiteelpi na ah USDP te ngianteng a ensimding akiging kingkeng ahi US President luui Jimmy Carter acidam meello sese ahihman in khawlkikding ci in November 3,2015 ni in taangkokhia hi. Ahizong in amahzah mah a amuan ahi atupa Jason paisak veve ding ci hi.VOA

·      Saudi Arabia gam sung a teeng Kawlgam mi 250,000 lakpan miml alang 125,000 Saudi gam sung ah Refugee dinmuntawh kum 4 omtheihna kipia ta ci in November 3,2015 ni in Saudi kumpi thunei ten taangkokhia uhhi. Hihbang thu apian theihnading in Saudi kumpi ten tuma kum 2 pan geelna nei uha, UNHCR Ulian te zong tukum kipatlam in vahawh uhhi. VOA

Lungdam

Thang Khawm Pauzomi