Tulaai Leitung Thuthang Tuamtuam Updates May 9, 2015

Tulaai Leitung Thuthang Tuamtuam Updates May 9, 2015

·      Zomi mintawh Party khat ineihsun ZCD ah mapang in CEC sung ah member khat leh Zomi khangno sungpan gamthu-politics lam ah International Level a taai khat ineih sun ahi Pu Anthony Kap Khan Khual Professional Training Course on International Relations, Democratization and Human Security for Myanmar cih pilsinna Switzerland gam Geneva khuapi ah April 10-May 2 sung vakihel thei a,  Gualzawhna ongngah hi. Kawlgambup pan mi 4 bek kihel a Geneva aom sung un zong kumpi zum tuamtuam te ah vahawh thei in Ulian tuamtuam tetawh vakimu theihi. http://www.gcsp.ch/Leadership-Crisis-Conflict-Management/Programme-News/Myanmar-course-participants-meet-Swiss-Foreign-Minister-Burkhalter-in-Bern

·      USA gam Hattiesburg khua Mississippi ah Palik nih thautawi khat in May 9, 2015 ni in kap a Palik geel naaknawnllo in si uhhi ci in Hattiesburg palik thunei te in taangkokhia uhhi. Palik leh mivom kisualna peen amunmun ah omtoto ahihman sinkham huai pian hi.CNN

·      Iraq gam Baghdad khuapi saklam Khalis khuapi a om Tong Innpi IS migilo ten May 9, 2015 ni in Busim uha, Thongkia mi 30 leh Thongcing mi 10 si in thongkia mi 50 taaisim man uhhi ci in Iraq Palik te in taangkokhia uhhi.BBC

·      North Korea gam te in Tuipi sung tum Tembawpi sung pan a utut na uh kaap nading thaupi May 9, 2015 ni in asin uhleh adeihbang lian un kizangthei in buaina omvetlo in gualzawhna ngah uhhi ci in taangkokhia uhhi.BBC

·      May 7 ,2015 ni UK gam kiteelna ah Conservative Pary pan Mr Alan Mark kum 31  in England gam khanglam Havant kuampan mipi teelna teelcing MP ngah ek hi. Amah peen Sen minam sungpan amasapeen MP in kiciamteh hi. Sen minam hi a, Cambridge pan Law tawh saangman hi. Zomi te zong apiangthei lua hive hang aw….BBC

·      Nungkha sung Nepal gam ah zinlin nahang  a Inn sia 300,000 leh Saang sia 600 kisia cip a hihman in Nepal gam ah Amasa peen leh khatbek aom Billionaire Binod Chaudhary in Inn 10,000 leh Saang Inn 100 kalam sakkik ding ci in May 9, 2015 ni in taangkokhia giap hi.VOA

·      Spain gam Seville’s Vanleeng tualpi kiang ah May 9, 2015 ni in mi 10 atuang Gaalvanleeng khat kia a, atung atuang mi 3 sipah in adangteng Zato kipuak hi ci in Spain kumpi thunei te in taangkokhia uhhi.VOA

·      US gam Texas state tunglam leh akiim apaam teng May 9, 2015 ni in Huihpi guahpi in nasiatak in nawkgawp a, tuciangciang mi 1 siphot in mi 3 aliam kithei ci in kumpi lamteng taangkokhia uhhi.ABC

·      Russia gam te in Gaalpi nihna kum 70 cina leh Gualzawhna phawkna Moscow khuapi ah thupi tak in bawl uha, Gaalvan namkim akimu ngeinaailo atuamtuam te nasia tak in laakkhia zihziah uhhi. Hih pawipi ah mipi 300,000 pai miaimiai uha, Gaalpi nihna laai a Soviet gammi asi 27million te sanggam ten amaan te uh suang in pai miahmiah uhhi.ABC

Lungdam

Khialhna a om leh ngaihdam bawm ah maw

Thang Khawm Pauzomi

Tulaai Leitung Thuthang Tuamtuam Updates May 7, 2015

Tulaai Leitung Thuthang Tuamtuam Updates May 7, 2015

·      Tedim Khuapi ah asawtlo in aom ngeinaailo ahi Mimal neihsa Baan (private bank ) kihong tading a gamdang pan sumkhakna a kipan nuam mahmah tading ci hi. Hih bank peen ahongding peen Kawl te hi a Yangon a U Kapno lawmte ci hi.Kapno

·      Mediterranean tuipi tung Lydia gam nehlam ah  tuma kaal 3 laai a Refugee apua Tembaw pi kibung tuipi sung pi 1,230 na ah Italy tui gaalkaap te in May 7, 2015 ni in mukhia uha, misiluang zong 24 muthuah uhhi. Hih Tembaw pi tung ah Refugee mi 800 atuang hia, mi 28 bek suakta in adangteng tuipi sung ah atumcip ahihi.BBC

·      Nepal gam ah April 25 ni zinlin nahang in misi 7000 cingta a, 400 mangthang laai hi. tua zinlin hunlaaitak in Nupi naupaai 126,000 om uhhi ci in UN te May 7, 2015 ni in taangkokhia uhhi. Hih Nuapaai te bang ongsuaktammaw ci in akilungkham mahmah kawmkaal ah Zinlin zawh mi 100 vaal bang nausuak khin uha, buaina omlo in suakthei ciin genbeh uhhi.BBC

·      US National Security Agency-NSA te in mipi te phone kihona awte khumsim in angaihsim sakna peen thumanlo gamtatna hi a daanpiak kulding ci in US thukhenzum te May 7, 2015 ni in taangkokhia uhhi.Hih thu peen Congress ah puaktohding in khensat uhhi. Kuaman zong athei hilo napin NSA naseemlui Edward Snowden in pulaakkhia ziau ahihman in akithei suak hi.CNN

Lungdam

Thang Khawm Pauzomi 

Tulaai Leitung Thuthang Tuamtuam Updates May 5, 2015

Tulaai Leitung Thuthang Tuamtuam Updates May 5, 2015

·      USA gam Dallas khuapi sung ah Muslim te Pasian ahi Mohammed  gensiatna Cartoon suaih kidemna munkhat May 4, 2015 ni in  akap zaanding a kithawi minih Security te akap khitphet Palik ten nadelh pah in nakap lum uh ahihman in sipah uhhi. Kongcing khat bek kap liam man uha, amau sihlawh uhhi. Hih misi tegel I Palik te leh FPI thukan ten nasiatak in asit laai tak uh ahihi.Hih kisuamna peen IS migilo ten komau nasepna hi a, gualzawhna kangah zo kei uh ci in May 5, 2015 ni in IS ten taangkokhia uhhi.BBC

·      Iraq leh Syria gam pan Europe gamlam ah gambeel ngeending a taai  gambeel mite tuanna Tembaw Mediterranean tuipi tung ah May 5, 2015 ni in kibung a, mi 40 kiim si in adangteng kihonkhia zo hi. HIh tuipi tung ah tuma ninih pan kipan Gaaltaai cimawh mi 7,000  kihonkhia cizen hi.BBC

·      US ten ka utut na uh tungziauziau thei in mang ziauziau thei hi ung cihna alahna un US Secretary of State John Kerry May 5, 2015 ni in Somalia gam Mogadishu khuapi tuzual a, nai 3 le alang sung Ulian tengtawh akimuh khitciang khu vingveng in leengkik pah hi. Leitung piankhiat zawh amasa peen US Secretary of State Somalia gam avazin zong hipah hi.VOA

·      Papua New Guinea tuikulh kiim teng May 5, 2015 ni in ahaat mahmah zinlinna in 7.5 tawh nawk ek a, ahizong in kikepdan nasiam khin ban ah inn le lo lamziate siamta uh ahihman in asi aliam omlo in mun pawlkhat beksia ci in pulaakkhia uhhi.CNN

Lungdam

Thang Khawm Pauzomi

Tulaai Leitung Thuthang Tuamtuam Updates May 4, 2015

Tulaai Leitung Thuthang Tuamtuam Updates May 4, 2015

·      USA gam Dallas khuapi sung ah Muslim te Pasian gensiatna Cartoon suaih kidemna munkhat May 4, 2015 ni in  akap zaanding a kithawi minih Security te akap khitphet Palik ten nadelh pah in nakap lum uh ahihman in sipah uhhi. Kongcing khat bek kap liam man uha, amau sihlawh uhhi. Hih misi tegel I Palik te leh FPI thukan ten nasiatak in asit laai tak uh ahihi.VOA

·      WA gam Pansan khuapi akibawl Mualtungmi thautawi te thukikup anithumna May 4, 2015 ni in nuamtak in zothei uhhi. Tuni bel 2008 thukhunpi nasia tak in kikum khawm uhhi. Hih Khawmpi peen Mualtung mi thautawi kheempeuh kisam hilo in Kawlkumpi akaap tengbek asap uh ahihman in Rakhaing te bang in nakap pah lel uh ahihman in kisam hi. Chin tenbel akaap sawm uhleh peengnawng citciat thau khatpeuhpeuh gingsak un cin U Lianpawl in sawlteitei gamsa bek kaapding acih uhleh muzolo sawnsawn ahihman akisamlo suak mai hi.BBC

·      Aki huau suausuau meelkhol lo Sengam President Xi Yinping leh Tawai gam ah gualzawhna angah Nationalist Party Makaaipi Eric Chu tegel May 4, 2015 ni in Sen gam ah kimukhawm bilbel uha, Gamnih halna tuipitung tawh kisai kikumkhawm uhhi. Mr Eric Chu peen May 2 pan Segam vatung hi a May 6 ni kileh kik ding hi.BBC

·      Yemen gamsung aTapong te leh Kumpi te nasiatak in Tualgaal apianna hang in Saudi Arabia leh apawlten Vanlam pan Tapong te ado uhhang adeihzah in gualzawhna ngahzolo uh ahihman Leilam pan asuding in Gaalkap en akisam vante May 4, 2015 ni in Yemen gam ah khiaziahziah ta uhhi.VOA

·      Nepal gam April 25 ni zinlin nahang in May 4, 2015 niciang misi 7,200  cingto ta a, 1,000 kiim mangthang laai ci in Nepal gam thunei ten taangkokhia uhhi. Athu lamdang mahmah khat nupi kum 101 apha piteek khat zinlin zawh ni 9 khitciang nahinglaai in May 3 ni in honkhia uha, Adang mi 3 zong Nikawm ah nahak kiaukiau in honkhia zo uhhi.CNN

Lungdam

Thang Khawm Pauzomi

Tulaai Leitung Thuthang Tuamtuam Updates May 3, 2015

Tulaai Leitung Thuthang Tuamtuam Updates May 3, 2015

·      Leitung ah minthang vangvang khuttawh kitup haat/siam  Philippine gammi Manny Pacquiao leh US gammi Floyd Maywealther te May 3, 2015 ni in USA gam Las Vigas khuapi ah kitum uha, Pacquiao mi atamzaw in muangmahmah himah leh point tawh le citciat hi. Kimawlna khawl 12 ciang kuamah kitum tuuk zolo uh ahihman in Thukhen/Matla te kikhensak a, Thukhen thum in 118-110,116-112,116-112 cihbang in athum un Mivompa in zo ci uh ahihman in kinial theilo mawk hi. LEitung bup ah mi Awn khat vaal in sumpia in en uha, US gambang ah TV pan et man $100 kiim la uhhi. Amun ngiatpan mipi 16,507 in en uha, US mihau mahmah  Donald Trump zong vapai celcal hi. Hih pawi tawh kisai in Sum $400million ngahding in ki ummawh uha, $230million akitum geel in hawmbawlding uh ci hi. BBC

·      Iraq gam Mosul khuapi nitumna lam ah May 2,2015 ni in IS migilo te in Yazidi mi 300 gawltan uhhi ci in Yazidi Progressive Party te leh Iraq  kumpi thunei te in May 3, 2015 ni in taangkokhia uhhi. BBC

·      Thailand gam gamsung guamkawm giahphual munkhat ah May 2, 2015 ni in Thai palik te in misiluang katawm uhhi ci in May 3, 2015 ni in taangkokhia uhhi. Hih Buuk peen Kawlgampan Malaysia mi apaisak Puaisa te mikholna giahphual hi in Rohingya minamte tam om cin gen uhhi. Ahizong in tu amisite kuate hiamcih akantel laaitak uh ci hi.BBC

·      USA gam Newyork khuapi sung ah May 3, 2015 nitaak in Palik khat alutang thautawh kikap in akikaapzawh nai 4 ciang zato ah ki at hi.Palik pa naakliam mahmah sim ahihman in damding maw siding kiciannaailo ci uhhi. Nung mahmah in zong Palik leh mipi kikaal buaina amunmun ah piang kawikawi hi.CNN

·      Nepal gam zinlin nahang in kaalkhat sung in misi 7,000 cingta a, neek le dawn kisam tengzong UN ten hunlap tak in amunmun pan puakciat uhhi. Hih misi te Innkuanpih te Nepal kumpi ten siatvehna $1,000 ta pia uha, Hankuang manding $400 tazong pia uh ci in taangkokhia uhhi.VOA

·      Nigeria gaalkaap te in Boko Haram migilo te mat numei naupang mi 300 May 3, 2015 ni in honkhia leuleu uhhi. Nung deuh mah inzong mi 200 honkhia uhhi. Nungkum numei 200 vaal Boko Haram ten amat laai in Leitungbup mipil, gamhau US te nangawn in zongnapin muzolo uha, tu in Nigeria gaalkaap ten autut un honkhia ziauziau uhhi.VOA

Lungdam

Thang Khawm Pauzomi