Tulaai leitung Thuthang Tuamtuam Updates September 8,2014

Tulaai leitung Thuthang Tuamtuam Updates September 8,2014

§  Kawlgam President Pu Thein Sein Netherland gam cidam in September 8 ni in vatungthei a , kumpi thunei te in thupitak in vaai namuak uhhi. 8-9 ni Netherland gamsung mun thupi teng va etpih kawikawi uha, Uliant tuamtuam tetawh kimukhawm uhhi. Netherland gamsung a etkawikawi kawm un Pu Thei Sein 2015 kawlgam kiteelkik ciang President angah kisawmzia leh ngahloh aphamawh ahihnathu pulaakkhia kha mawk hi.

§  Kawlgamsung mipi teel Palaai tutna a awng te huk nading in 2014 kumsung kaalhelh kiteela bawlding ci a kawlgam Election Committee ten vaaihawmna Thangkik bang in ongkikheel zal leuleu a, 2014 sung bangmah kaalhelh kiteelna omloding ci in Election Committee Director U Tin Aye in Yangon kilemna phualpi pan thukante tung ah September 7 ni in genkhia ta hi.

§  Pa-Aih minam thautawi PLNO  leh Shan minam thautawi SSA/RCSS te leitang kituh in tusungeng 4 vei vilvel nasiatak in kikap ngekngek uha, gaaltaai mipi akibehlap ban ah bangmah phattuamna langnih tuak in ngahlo ahihman un September 15 nima peuh  mah in langnih kihocian in makaaite thukikupna neiding in September 8, 2014 ni in langnih kithukikm uhhi.

§  USA gam Arizona state sung Phoenix khuapi leh anaai huai sung teng ah  lam et hetloh zahding ding in September 8, 2014 niin guahpi zu a khuasung teng tuikhang in mawtaw teng tuum mang ahihman in mipitampi tak in hamsatna thuakkha uhhi. Hithu hamsatna hang in Governor Jan Brewer in mipi kidawm ding in thukin thupuankhiat na neikhia hi.

§  Somalia gam Mogadishu khuapi sung a Africa Union gaalkaap te omna phualpi kiim ah September 8, 2014 ni in migilo te in bomb puakkham sak uha, mi 12 si in tampi liam uhhi. USA Al-Shabab   migilo mangpipa athahzawh migilo te gamtatna akilatkhiatna amasapeen zong ahihi.

§  IS lutuam misok te Phualpi nasiatak in Beltung khiatna US ten September 7 zan in vanei uhhi. PU zukholh lah hisamlo buangding in Beltung tam kikhia mahmah leh Zu kham tamtuak khia mahmah hi. President Obama in hih IS te Hell khuak sung a  a ip a ip a khiattheinading a kageelna lampi te asawtlo in kong taangkokhia ta ding ci in September 8, 2014 ni in genkhia hi.

Lungdam

Thang Khawm Pauzomi

Tulaai leitung Thuthang Tuamtuam Updates September 6,2014

o   Zomi te maailam ding natampi tak aseemding in leh Kawlgam sung thu vaaisai ding in Thailand gam ah ZRO/A zum September 6, 2014 ni in kihongtaktak ta a Mualtungmi makaai tuamtuam in nasiatak in muakzihziah uhhi. Zum ahong mawkmawk leh huihbung hilo a gaalkaap zong om naseemding mipi misiam zong kicingtak in oma, Mualmi thautawi tuamtuam te  akipan kawlgam politics sem kheempeuh tawh nasep ongkipan ziahziah tading uhhi.

o   EU gam ah khualzin kawikawi ahi Kawlgam President U Thein Sein September 5 ni in Germany gam pan Switzerland gam tung a, Switzerland President Didier Burkhalter in nasiatak in Switzerland Zolaam tawh namuak ngengngang hi. Tawlzong damask manmeello in gamnih kizopnading Switzerland uliante tawh kikum pah uhhi. U Thein Sein in Kawl Gaalkaap Maangpi pawlkhat ten Switzerland gam a asumkhol teng uh akankhiankhian khitciang Netherland gamlam zuankik ding hi.

o   September 1 ni a US vanlamten Somalia gam sung akibusa Al-Qaeda tawh kibeelpawl Al-Shabab te akapna ah Al-Shabab makaaipi Ahmed Abdi Godane kum 37 si hi ci in US kumpi thuneite in September 6 ni in kipsak ta uhhi. Hih thu hang in Somalia gamsung a anungtalaai Al-Shabab migilo te ngongtatding ahihman mipi kidawmding in Somalia kumpi te theihsakna September 6, 2014 ni in bawl uhhi. Godane lo in Al-Shabab te ataangtheilo uh ahihman US te gaalmat peen tutung ropui mahmah ci in US Uliante nui haha geuh uhhi.

o   Tusung teng India-Pakistan gamgi Kashmir kuamteng tuikhanna hang in September 6, 2014 niciang Pakistan lamte 110 si in India lamte 100 si  hi ci in gamnih tuakpan taangkokhia uhi.

o   China gamte President Xi Jinping Pakistan gam ah sumvaai suutkhawmding in September 6, 2014 ni zinding ci a ageelsa himah leh Islamabad khuapi ah Prime Minister Nawaz   Sharif azapan atuah nading tuma kaalnih pan nasiatak lungphona kinei ahihman Pakistan lampan nolhkik uhhi. Mr Xi Jinping Pakistan gam zinleh PM Nawaz tawh $34billion vaai kamciambawlding ci uhhi. Anaaithei peen geelsakkik ding in Pakisatan Foreign Ministry ten genkhia uhhi.

o   US gammi mihau khat ahi Larry Glazer leh azite Rochester, New York  pan Florida ah  ngaihhawh ding in amau vanleeng tawh aleendiaidiai laaitak Jamaica tuikulh kiang tuipi tung ah September 5 ni  in kiasuk uha, anih un si uhhi. Anu pa un vanleeng hawltheihna letmat aneituak uh hi a banghang kia cih kithei naailo hi.

o   ISIS kici lutun misongbong te US tawh dokhawm ding in Iran te in thukimna neikhin himah leh US te lampan Iran tawh naseemkhawm ding cihpeen hisazo mahmah lo ban ah ut kikello zaw uh ahihman in kipawldah mai ni ci in September 5 ni in nolh kik zaw uhhi.

o   Iraq gam saklam  mun tampi tak sut a Christian mitawmte anaakbawlsiat mahmah IS misongbong te vuih le vaai asuahdong zialding in NATO gambawl ten US huhtading hi ci in President Obama in taangkokhia hi. Vice President Joe Biden inbel nung in agenna ah IS te Hell kongkhak dong nawhding ci in tun President Obama inbel Hell ah khia mangding cita hi. Hih IS dona NATO pawlpi pan Britain, Australia, Canada, Denmark, French, Germany, Italy, Poland leh Turkey  te in US huh in nuai masading in mee asawk uhleh ngah uh ahihman kipaak thei mahmah uhhi.

o   Al-Qaeda migilo makaaipi Ayman al-Zawahiri in India leitang bulphuh in biakna gaaldo kipanthakding ci a September 3 ni a ataangkona thu hang in India gambup linglawng a, kumpi thuneite zong hipian citcit pah uh ahihman India gamsung a om Muslim te dipkua kik in ko bangmah kaseemkeiding uh kotawh kisaikei ci in September 6, 2014 ni in amawhnoplohna thu taangkokhia uhhi. Akibang mah in Kawlgam sung a om Muslim te in zong ko ngongtatna kadeihke uh ci in pulaakkhia uhhi.

o   Australia Prime Minister Tony Abbott  Malaysia gam ah nikhat taamding in September 6, 2014  ni in tung a , Malaysia Prime Minister Najib Razak tawh  akimuh sung in Tuma kha 6 laai a mangcip Malaysia vanleeng mang zonna tawh kisai alunghihmawhna leh lungkialo a Australia gamten amuhdong zongding cihthu kamciam pia hi.

Lungdam

Thang Khawm Pauzomi

Tulaai leitung Thuthang Tuamtuam Updates September 6,2014

o   EU gam ah khualzin kawikawi ahi Kawlgam President U Thein Sein September 5 ni in Germany gam pan Switzerland gam tung a, Switzerland President Didier Burkhalter in nasiatak in Switzerland Zolaam tawh namuak ngengngang hi. Tawlzong damask manmeello in gamnih kizopnading Switzerland uliante tawh kikum pah uhhi. U Thein Sein in Kawl Gaalkaap Maangpi pawlkhat ten Switzerland gam a asumkhol teng uh akankhiankhian khitciang Netherland gamlam zuankik ding hi.

o   September 1 ni a US vanlamten Somalia gam sung akibusa Al-Qaeda tawh kibeelpawl Al-Shabab te akapna ah Al-Shabab makaaipi Ahmed Abdi Godane kum 37 si hi ci in US kumpi thuneite in September 6 ni in kipsak ta uhhi. Hih thu hang in Somalia gamsung a anungtalaai Al-Shabab migilo te ngongtatding ahihman mipi kidawmding in Somalia kumpi te theihsakna September 6, 2014 ni in bawl uhhi. Godane lo in Al-Shabab te ataangtheilo uh ahihman US te gaalmat peen tutung ropui mahmah ci in US Uliante nui haha geuh uhhi.

o   Tusung teng India-Pakistan gamgi Kashmir kuamteng tuikhanna hang in September 6, 2014 niciang Pakistan lamte 110 si in India lamte 100 si  hi ci in gamnih tuakpan taangkokhia uhi.

o   China gamte President Xi Jinping Pakistan gam ah sumvaai suutkhawmding in September 6, 2014 ni zinding ci a ageelsa himah leh Islamabad khuapi ah Prime Minister Nawaz   Sharif azapan atuah nading tuma kaalnih pan nasiatak lungphona kinei ahihman Pakistan lampan nolhkik uhhi. Mr Xi Jinping Pakistan gam zinleh PM Nawaz tawh $34billion vaai kamciambawlding ci uhhi. Anaaithei peen geelsakkik ding in Pakisatan Foreign Ministry ten genkhia uhhi.

o   US gammi mihau khat ahi Larry Glazer leh azite Rochester, New York  pan Florida ah  ngaihhawh ding in amau vanleeng tawh aleendiaidiai laaitak Jamaica tuikulh kiang tuipi tung ah September 5 ni  in kiasuk uha, anih un si uhhi. Anu pa un vanleeng hawltheihna letmat aneituak uh hi a banghang kia cih kithei naailo hi.

o   ISIS kici lutun misongbong te US tawh dokhawm ding in Iran te in thukimna neikhin himah leh US te lampan Iran tawh naseemkhawm ding cihpeen hisazo mahmah lo ban ah ut kikello zaw uh ahihman in kipawldah mai ni ci in September 5 ni in nolh kik zaw uhhi.

o   Iraq gam saklam  mun tampi tak sut a Christian mitawmte anaakbawlsiat mahmah IS misongbong te vuih le vaai asuahdong zialding in NATO gambawl ten US huhtading hi ci in President Obama in taangkokhia hi. Vice President Joe Biden inbel nung in agenna ah IS te Hell kongkhak dong nawhding ci in tun President Obama inbel Hell ah khia mangding cita hi. Hih IS dona NATO pawlpi pan Britain, Australia, Canada, Denmark, French, Germany, Italy, Poland leh Turkey  te in US huh in nuai masading in mee asawk uhleh ngah uh ahihman kipaak thei mahmah uhhi.

o   Al-Qaeda migilo makaaipi Ayman al-Zawahiri in India leitang bulphuh in biakna gaaldo kipanthakding ci a September 3 ni a ataangkona thu hang in India gambup linglawng a, kumpi thuneite zong hipian citcit pah uh ahihman India gamsung a om Muslim te dipkua kik in ko bangmah kaseemkeiding uh kotawh kisaikei ci in September 6, 2014 ni in amawhnoplohna thu taangkokhia uhhi. Akibang mah in Kawlgam sung a om Muslim te in zong ko ngongtatna kadeihke uh ci in pulaakkhia uhhi.

o   Australia Prime Minister Tony Abbott  Malaysia gam ah nikhat taamding in September 6, 2014  ni in tung a , Malaysia Prime Minister Najib Razak tawh  akimuh sung in Tuma kha 6 laai a mangcip Malaysia vanleeng mang zonna tawh kisai alunghihmawhna leh lungkialo a Australia gamten amuhdong zongding cihthu kamciam pia hi.

Lungdam

Thang Khawm Pauzomi

ulaai leitung Thuthang Tuamtuam Updates September 5,2014

T

Ø India leh Pakistan gamte in aphelhawm na uh Kashmir kuamteng ah September 4 nipan tuikhanna hang in India lam ah mi 65 si a, Pakisatan lampang ah 73 si in mihing 100 gaalkaap te in honkhia uhhi. Gamnih gaalkaap te hihmun teng ah kikap kiman denphial a aomna pan tutung tui ongkhan lian ciang mihonkhia in buaituak uh ahihman in kikap cihtha dah in kikawi, kiphul kha liang uhhi.

Ø Russia te Ukraine gam ah kilawmlo tak a agamtatna hang in Australia te mitdongkholh lua mahmah ahihman in Gaalsiam gaalkaap pawlkhat puakdinga, akibangmah in Iraq gam a ISIS migilo te ado ahi Kurdish thautawi te ading gaalvan leh akisapleh Vanlamtawh beltung khiat US te ahuhding AU gaalvanleeng akigingsa linlian in omkhin dimdiam ta hi ci in India gam angaihhawh ahi Australia Prime Minister Tony Abott September 4 ni in Mumbai khuapi ah genkhia hi.

Ø Iraq gam Bagdad khuapi sung munnih ah September 4 ni zan in migilo ten bomb puakkham sak uha, mi 20 si in 60 liam si le naai tawh kidim uhhi. UN te genna ah August kha sungbekbek in mi 1,420 si, July kha sung in 1,737 si in June kha sung in 2,400 si ci in genkhia uhhi. Tuaban ah mipi 1,370  in liamna ngah uha, 600,000 in inn le lo nusia in gaaltaai keek uh ci in genthuah hi.

Ø Gam 28 kipawl NATO pawlpi tein Russia gawtziading taangkokhia ding  ci in akigin linlian laaitak September 5, 2014 ni in Russia,Russia deih thautawi te leh Ukraine kumpi te kilemnading tawh kisai  September kha 5 ni nikaailam ah thukikum toding in thukimna ngah uhhi. Gaalkaap tha akisap khak leh ci in UK te gaalsiam 10,000 NATO pawlpi ah apkhin uhhi.

Ø Iraq gamsung a ngongtat migilo ISIS te US khut kileenkhawm a nasiatak vado ding in Iran gaalkaap Mangpi pa in September 5, 2014 ni in thukimna neita ahihman in Ui leh Akk abang akigawi tawntung Iran leh US te lawmta bang in IS te ongbengkhawm hialhial ding hita uhhi.

Ø Bosnia gam Zenica khuakiang leisung pi 1,600 bang athuukna ah mi 39 in suangmeihol to kisa aomlaaitak uh September 4 nizan in zinling a mi 5 sipah in adangten ataaikhia mantawh kumpi thuneite  huhna cihbang in suaktak liamliam uhhi.

Ø Nung July khasung a kibawl Afghanistan gambup President kiteelna ah metaang kiguuksakna om ahihman in simpha kik uha, September 5, 2014 ni in asimkik kizo siangta in tuzawh nai 72 sung in azo alel kiciantak in kitaangkokhia ding ci in thunei te in taangkokhia uhhi. President kidem geel ahihleh Dr Abdullah leh Mr Gani tea hi uhhi.

Zom toto ni

Lungdam

Thang Khawm Pauzomi