· Ukraine gam pan kibawl masa ahi leitung ah aminthang
mahmah Gaaldona Sik mawtaw BTR-3U namte tuma kum laai in Kawlgam in gamdang pan
lei in 10 kiim bek neipan himah leh tulian tak in Kawlgam sung mahmah
bawlkhia ta uha, adang settawh kibawl
gavan tuamtuam te zong kawlgam sungpan bawlkhia ziahziah ta hi ci in Army
Recognition Website te in June 10, 2014 ni in taangkokhia uhhi.
· Kachin gam Phakant Township Lungkhin khua kiim a a om
Suangkhuk te ah tualsuak hilo a mundang pan apai Suangto te anikhat ciangtan in
kiciahsak mangkhin ding hi ci in Phakant kumpi lam thuneit ein June 10, 2014 ni
in laaihawm khia uhhi. Hih mun a suangto mite lah ah adiak in Zomi-Chin,
Rakhaing leh Kawl minam te a hi uhhi.
· Nepal Prime Minister Ms Sushil Koirala I sapna tawh kizui in Kawlgam Democracy
makaaipi lah ahi NLD makaaipi lah ahi Daw Aung San Suu Kyi ongtungding June 13 niciang Nepal gam va
ngaihhawh zal ding hi ciin NLD zumpi pan June 10, 2014 ni in taangkokhia uhhi.
· UN mihepih pawl
Secretary huhnu ahi Pi Kyung-wha Kang
June 10, 2014 ni in Kawlgam sung khualzin kipanta a adiak in Rakhaing
gam leh Kachin gamsung a buaina, micimawh te va en kawikawi ding hi. Kawlgam
sung ulian pawlkhat tawh zong akimuhkhit ciang June 14,2014 in Kawlgam pan
dingkhia kik ding hi.
· Germany gam nitum na lam pangteng ah June 10, 2014 ni
in huaipi leh guahpi nasiatak in nung ahihman in atawmpeen mi 6 asi kimuphot a
Singkung lopa leh Inn le lo tampi tak kisia hi.
· Israel Member of Parliament te in Israel gam President ding teelkhiat na June
10, 2014 ni in nei uh a, Mr Reuven Rivlin mee taang 63% tawh teelkhia uh
ahihman in Mr Reuven ahihleh Israel gamte I a 10 na President ongsuak ta ahihi.
Lung dam
Thang Khawm Pauzomi
No comments:
Post a Comment