·
Thailand gam
gaalkaap te in a ukzawh kaalnihna June 3 ni in gamgi dungteng siansuahna
gaalkaap te in nei uha, Maesout khua sung ah kawlgam 200 vaal m an uhhi.
·
Kawlgam 2008
pingpei thukhun pi kheel nading tawh kisai in mikhat bek ngaihsut, gennopna
tawh kingah maimai lo a mipi ngiat in
puahding in kilawm hi acihleh puahding ahihi ci in Gamgi kualteng ah gaalaak
lubawk nihna Bu Mg Mg Ong June 3 ni in genkhia hi.
·
Karen minam KNU
thautawi pawl in Mangpipa ahi Buyoke Muoe Toe Si Pho leh apawlte June 3, 2014
ni in Nipydaw khuapi tungkhinta uha, Gaalkaap maangpi, Hlutdaw Ulian te leh
President Thein Sein tawh kimu ding uh ci hi.
·
Russia gamte in
US gawtding ongkipan litlit ta uh ahihman in President Obama Europe gam gam 4
zin kawikawi ding in Poland gam Jen 2 ni in tungta hi. June 3, 2014 ni in
Ukraine President thak liklek ding ahi Petro Poroshenko tawh kimu khawm uhhi.
·
Pakistan gam ah
MQM party aphuankhia pa leh amakaai ahi Mr Altat Hussain London khuapi atenna inn ah Sum Nin Sum
siangna tawh June 3, 2014 ni in London palik te in mankhia uhhi. Amah peen
kanuntaakna Pakistan gam ah lauhuai ci in 1991 London gam ah refugee tawh
ataamsuak ahihi. Hih kimatna hang in MQM party te in nasiatak in amunmun pan
lungphona nasiatak nei ciat uhhi.
·
India gam te in
Rural Development Minister ding a teelthak liklek uh Mr Gopinath Munde kum 64 lam
et hethet pi June 3, 2014 ni in Dekhi khuapi sung avaakna pan a Motor mikhat in
phukha a leitung nusia vat mawk hi.
No comments:
Post a Comment