Tulaai leitung Thuthang Tuamtuam Updates September 4,2014

Ø India Leitang tung  bulphuh in Bangladesh, Myanmar leh Asia gam teng ah nasia gamtaangding, Terrorist seemding in kipawlna muanhuai kaphut khinzo a , hih kipawlna phuhnading in kum 2 sung sawt ci in Al-Qaeda Makaaipi Ayman Al-Zawahiri  in minutes 55 asau thugenna Video khat September 4, 2014khah khia ahihman in India gambup I mimal lakpan 15% apha India kumpi te leh Kawlgam te lau khia mahmah uhhi.  Ayman Al-Zawarihi agenbehna ah Biakna tawh kisai gaaldona adoding a akithawi ci ahihman in Syria leh Iraq gam a ISIS te gaaldodan tawh kizawitawn ahihman lau huai kan laai hi.

Ø India gamte ukna sung lam Pakistan tawh gamgi Kashmir   Rajouri  ah Mopawi bawl aciah pawisiim mi 50 leh Mo tegel tuanna Bus pi September 4,2014 ni in tuikhang in tumnelh a mi 4 bek gaalkaap ten hongkhia man in adangteng si maw hing cih kitel lo in tui in taai mang hi.

Ø Liberia gam sung a micimawh huh apai ahi Massachusetts state, USA gam ateeng Dr Rick Sacra kum 51 Ebola natna in lawh leuleu a September  4,2014 niin zato ah akibawl laaitak ahihi. Amah peen USA gammi Ebola natna angah  a 3  na hi a adang nihte damkhin ta uhhi. Africa gam ah tuniciang   mi 1,900 sikhin ta a, 3,500 in natna athuak laaitak ci in WHO te in genkhia uhhi.

Ø October kha ciang South Africa gam Cape Town khua h Nobel minphatna ngah Lumai Siampi Desmond Tutu I kum 80 cinna suahpawi nasiaktak kibawlding a tuamnun a kihelding in Tibet Lumai Siampu mah leh Nobel minphatna ngah ahi Dalai Lama asapleh China tek holhthawhna tawh South Africa ten Visa pianuam September 4 ni in Lumai Dalai Lama in genkhia hi. Kazawlpa suahpawi paikhalo hita maw ci khakun ngeungau hi.

Ø French gamte in Russia gamte zuakding a thukimna aneihsa uh Gaaldona Tembawpi nihte lak ah khat tukha sung Russia gam kipuakding hinawpin Russia te Ukraine gamsung a agamtatna huhau in Piantit ten kheelkik in puaknaailo photding  September 3, 2014 ni in khensat uhhi.

Ø Britain gam Wales ah NATO pawlpi te in thukikupna nasiatak in aneih laaitak uh hia, ISIS te leh Ukraine sung Russia te vaai namphilphial  kawmsa in nasiatak kikum ngenngang uhhi. ISIS vaai ah President Obama in alawmte pawlzawt a cimangsak veni aw cikawikawi hi. Britain PM David Cameron inbel hih ISIS tevaai ah kami te pawlkhat amat uhhang Vanlamtawh do kasawmkei abullpi taktak Syria gamhi in tua nuaileeng cizaw hi. Ukraine vaai ah NATO in avui atang akisam bangbangtawh gaalmaai samaai ah Ukraine huding ci in September 4 ni  in thukimna khat ngah uhhi.  Tuaban ah Britain leh US ten Russia gawtna apiak uh athak liklek September 5 niciang ongtaangkokhia ding uh ci uhhi.

Ø Tuasia khia mahmah Malaysia Airline te in mipuakding ngah hak sasimsim ta uh ahihman in  mi ngahtheih nading leh milungluut theihnading in Vanleeng tuangding te thutuamtuam dotna dawnna bawlsak kipanta ci in September 4 ni in taangkokhia uhhi. Dotna tampi aomte kawmkaal ah alamdang khat in nasihkhit ciang bangseemnuam cih dotna ahihi.

Ø Kawlgam President U Thein Sein leh Germany Prime Minister Angela Merkel te September 3, 2014 ni in kituammuh uha, PM Merkel in 2010 kum kawlgam kiteel laaidan in 2015 kumciang Zuau kheem nawnkei tapeuh unla icitawmte alungkimna uh bang in nahum in  thu maan na leh cihtak na khahsuak ngeikei inmaw ci in President U Thein Sein abil anuai sakkhit ciang Germany ten sum tamtampi tawh onghuh pahnung acih leh PU Thein Sein in OK lah Ok Lah ci san biaibuai hi.

ZomiDaily te thusiamna tawh Thutang ading Fund Rise na ah ongpiakhia akua mapeuh leh ongpia laaiding kheempeuh tung lungdam mahmah hi. Akua maciat ongkihel kim un ci in zong kong zaw lailai hi. Donation bawlnading anuai ah……

http://www.zomidaily.org/pu-thang-khawm-pau-leitung-thuthang-panpih-nading-zaksakna/

Thang Khawm Pauzomi

Tulaai leitung Thuthang Tuamtuam Updates September 3,2014

Ø Kawlgam kumpi te in 2008 pingpei thukhunpi akipsak laai un kawlgam bup milip 57 million pha a tuateng thukimna hi ci in thusuaksak uhhi.Ahizong in nakeelluphuum ongkilangding acihbang lian mah in 2014 UN tawh kop in milip ongsim uhciang 51 million bek napha ahihman azuau kheem na uh kipang mahmah napi amau theikha selo le uhhi. Kawlte peen Ngapik leh Zuau lotawh nungta zolo ci in Paunak bawlleeng aman mahmah khading in kalam en hi,

Ø Philippine gamte in South China Tuipi tung amaugamsung ah luutsim in ngabeng Chinese mi 11 te tukaal sung thukhen tading ci in September 3, 2014 ni in taangkokhia uhhi. HIh Sen mi 11 te peen May 6,2014 ni a Philippine tui palikten China gamtawh akituh na uh tuipi tung a amat uh ahihi. Hih thu ong kiken khin leh Philippine leh China kikaal thusia khat ongpiang khading in kilam en hi.

Ø Japan Prime Minister Shinzo Abe in Japan gam sum zonna lam ahaat seemseem theihnading in Cabinet sung ah mithak 18 behlap ding in geelna nei a tua mi 18 lak ah athulamdang mahmah numei 5 helding ci in Japan thunei te in September 3, 2014 ni in genkhia uhhi. Kuateng kisehthak cih tuni nikaai lam ah taangkokhia ding uh ci hi.

Ø Pakistan Patal te in Afghanistan tawh gamgi dung a kibusa thautawi migilo te June kha pan abuluh na vuah September 3, 2014 niciang migilo bekbek 910 golum zo uha, Pakistan paltan 80 in anuntaakna pia in khuasung mi 800,000 inn le lo nusia in gaaltaai keek ci in Pakistan Paltan te in September 3, 2014 ni in taangkokhia uhhi.

Ø Islamic state militant te in anihveina US thuthak kaaikhawm Steven Sotloff American-Jew minam  angawntan kikna uh Video khat September 3, 2014 ni in khahkhia leuleu uha, US te in IS gaalkaap te vanlamtawh adona akhawlkei leh Obama zong kingawntan ding ci in British Mangpau tawh lutun ngiaungau khat in gen hi. President Obama hihbang khawngtawh US kipauphawn theilo ding thuman tawh US te gamtaangding ci in September 3, 2014 ni in genkhia hi. Tua banah Iraq gam Bagdad khuapi a om US palaai zum huding US gaalkaap behlapding leh IS nasiatak acibei a doding in thu piakbek zawsop hi.

Ø India gam Jalpaiguri District  sung ah nuei no kum 15 dingkhat September 2, 2014 ni meileeng lamkiang ah asisa in kipai a lawpkam khop in akibuankhit ciang kithat ci in Siavuan te in genkhia uhhi.  Apa peen lokho mikhat hi a khuasung thunei ten asimmawh na lungkimlo in lungphona aneihna pan khuasung thukhen zum ah thu kibawl in tuasung in hibang tuak ahihman in khuasung kumpi thuneite zial hiding ci in anu apa te in September 3, 2014 ni in genkhia uhhi.

Ø Libya gam nisuahna lam a om Tobruk khuapi sung a om Parliament innpi kiang ah Libya gaal vanleeng khat asset siavat ahihman in September 3, 2014 ni in kia a  naupang khat leh ulian 2 si in mei akat gawp ban ah pawlkhat in liamma ngah uhhi.

Lungdam

Thang Khawm Pauzomi

http://www.voanews.com/media/video/2436866.html

Tulaai leitung Thuthang Tuamtuam Updates September 2,2014

·      Kawlgam President U Thein Sein Germany gam I President Joachim Gauk leh Prime Minister Angela Merkel te sapnatawh September 2, 2014 ni in Germany gam cidam in tungkhin ta hi. Tutung peen Germany-Kawlgam kizopna kum 60 cinna phawkna hia, September 3-9 sung Berlin khuapi ah gamnih ngeina atuamtuam te kilak kheel ngeekngeek ding uhhi.

·       Kawlgam mi khat ahi Beauty Queen Winner of Asia Pacific 2014 May Myant Noe in  makaai te tung zuau akheemna hang in nungkaal sung in Akhamlukhu kisuah kiksak a, aman piakik nuamlo ahihman in thuvaaisai te in thubawlding ci in September 2, 2014 ni in gingkhia sak uhhi. Ahizong in May Noe in kangah kik nading ahih leh thuum kiknuam ing ci in September 2,2014 ni  in genkhia hi.  Zum huai mai kawlgam leh asung a teeng mihingte zen …

·      Pasian thu ummawhlo a kigengam khat ahi Mexico gam Coahuila state te in September 2, 2014 ni in Aisa le Aisa, Zusa leh Zusa kiteentheih na phalna kipaita hi ci in taangkokhia uhhi. Mexico gam ah amunnihna hita a amasapeeng Mexico City ah 2009 kum in phalna kipai hi.

·      Middle East kici khamul theemthuam teng teenna kuam apiang gaalkidona ah kakitam hel nuamkei uha, ahizong in tutung Iraq gamsung a mingawngtan t even tawmbeek kakhoih loh in ihmuthei mahmah lo kahihman un US leh Iraq kumpi ten ongngen leh aleenglianding in F/A-18 gaalvanleeng akiging linliansa in om hi ci in Australia Prime Minister Tony Abbott September 2, 2014 ni in genkhia hi.

·      Goland kuam cing UN gaalkaap Philippine mi 45 amankhia hi Nusra Front thautawi te tung a h UN General Ban Ki Moon hehpihna tawh ongkahkhia tapeuh un ci in September ni in ngetna bawl a, Nusra ten kongkhah ma un UN ten ko Nusra Front thautawi te migilo ong nongciaptehna uh phiatmasa un ci in dawngkik uhhi.

·      Gam 28 kipawlkhopna NATO te in kumnih sung ah akhatveina kimuhkhopna September 4 niciang Wales khuapi ah  neiding uh tutung a agenda bel nasiamahmahding Russia vaai leh Middle East vaai hikhading ci in thukante in ummawh uhhi. Ahizong NATO in agenda genkholhna bangmah nei naailo hi.

Lundam ei

Zom toto ni

Khialhna aomkhak aleh ngaihdam bawm ah maw

Thang Khawm Pauzomi

Tulaai leitung Thuthang Tuamtuam Updates September 1,2014

·      Kawlgam President U Thein Sein EU gam gam zinding in September 1,2014 ni in kawlgam pan zinkhia ta a , amasapeen in sapna angahna ahi Germany ah tungmasa in Eu gamsung ah ni 10 sung taamding ci in President zumpi te in taangkokhia uhhi.

·      Mualtungmi thautawi kipawlna UNFC te in Thailand gam CHinmai khuapi ah August 28 nipan khawmpi bawl uha, August 31 ani 4 na ni in KNU pan makaaite thukikupna pan nuaktaai in UNFC pan tawmvei khawlphotding in khensat uhhi. Ahizong in khawlsuakding maw kizom laaiding cih KNU Central Committee pan khensatding in gen uhhi. Ahang akigenna ah UNFC sung ah KNU in thautawi kheenpeuh kihelsak nuam uha, adangteng in deihloh nei ahihman ci in gen uhhi. Hih khawmpi ah UNA pan ZCD zongkah uha, Pu Chin Sian Thang leh apawlte zong vakah uhhi. Pu Chin Sian Thang leh U Khun Tun Oo nehtak in kiho mawk ven thukhat ongpiang khading in kilam en hi. September 1-2 dong UNFC khawmpi zomto suakding uhhi.

·      Kawlgamsung ah kawlgam kumpi phalna tawh palaizum anei gam 41 tepan e-visa kici online pan visa ngettheihna September 1 nipan ki ngen theita a , ngah le ngahloh nai khat sung in kithei in ngetman $50 ta beiding ci in kawlgam Immigration te in taangkokhia ta uhhi. Tulian laaitak in tourist visa kingah phot a adang visa te zong asawtlo in kingahding ci in gen uhhi.

·      USA gam ten kumsim nasemte ni ci a aciapteh uh September 1 ni in President Obama in Milwaukee khuapi, Wisconsin state ah thugenna nei a, kumpi in aniampeen naitha a aciangtan $7.25 pan $10.10 ah akhantoh theinading in Congress ah naakpitak in phulbehding ci in genkhia hi. Tuaban ah ama President sep kipatkum 2009 pan nasem nei 4.2% khangto a nasepzong tamzaw in khantohna kimuthei ci in genkhia hi.

·      Tuma kaal nih laaipan Pakistan gam te Prime minister ahi Nawaz Sharif apanmun pan akhawlding deihna tawh Pakistan mipi te in nasiatak in lungphona nei uha, gaalkaap ten nazialpah ziahziah ahihman in mi 3 sikhin in 100 vaal liam khin himah leh September 1, 2014 ni in PM Nawaz Sharif in ka awnkei ding ci in genkhia hi. September 2 niciang Parliament thukin meeting neiding  in geelna nei uhhi.

·      UN Human Rights Council member gam 47 te in Geneva khuapi ah thukin thukikupna September 1, 2014 ni in nei uha, Iraq gam a Christian mite mulkim huaitak a akibawlna mun ah sumtang $1.18million zangkhia in thukantel siam mi 11 paisakding in thukimna nei uhhi.

·      Russia te  in kagam Ukraine ongdodo ta hi ci in Ukraine President Petro Poroshenko in September 1, 2014 ni in Kyiv khuapi ah genkhia hi. Akizom mah in Britain Prime Minister David Cameron in Ukraine gamsung a Russia gaalkaap te aluut mawk uhpeen thumanhetlo hi ci in London khuapi pan genkhia hi. NATO te in akisapna na ah tuilam, leilam leh vanlam tawh Ukraine gam hubit a Russia te anuaiding in kigingkhin hi ci in General Secretary Anders Fogh Rusmussen Wale khuapi pan September 1, 2014  ni in taangkokhia hi. US Senators pawlkhat in zong Ukraine gam ah thau zangno meekding in Congress ah ngen ziahziah ta uhhi.  Ongmuh nop to mahmah khading hi.

·      Somalia gam sung atawlnawi migilo Al-Shabab migilo makaaipawl January kha pekpan US Vanleeng hawl palo Drone ten azandelh delh napan September 1, 2014 ni in Al-Shabab makaaite tuanna mawtaw nih Drone ten kapzan a kuateng si cih kitel naikei ci in Pentagon ten lawptak in taangkokhia uhhi.

Khialna aom leh ngaihdam bawm ah maw

Zom toto ni ei

Note tawh mapang khawm,

Thang Khawm Pauzomi