Tulaai Leitung Thuthang Tuamtuam Updates June 18, 2015

Tulaai Leitung Thuthang Tuamtuam Updates June 18, 2015

·      US gam South Carolina state Charleston khuapi sung a om African-American Methodist Biak in ah thungen khawm a omlaaitak uh June 17 ni nitaak in Mikaang khat in bankap a mi 9 si in nih zato kipuak hi. Mikap pa ahihleh Palik ten Vanleeng tawh leizon uha manzo nailo uhhi. Hih Biak inn peen US gam aom African-American Methodist biak in ateekpeen ci uhhi. Hih thubuai hang in Mr Jeb Bush in June 18, 2015 ni in Charleston khuapi a a Campaign bawlding khawlkik hi.BBC

·      US gam ten 2020 kumciang US gamte Constitution phuahphat zawh kum 100 cin phawkna kawm in dollar 10 laai tung ah Numei lim tuangsak tading a kualim tuangsakding cihpeen kikhensat liannaai lo hi ci in June 17,2015 ni in Sumlam vaaisai ten taangkokhia uhhi.Tulaai tak a atuang peen Alexander Hamilton lim hi a 1929 pan atuangsak uh ahihi.  BBC

·      Denmark gamte in June 18, 2015 ni in kiteelpina General Election bawlding uhhi. Hih kiteelna ah PM Helle Thorning-Schmidt leh PM Lui Lars Lokke Rasmussen khat zawzaw in zoding in kilam en a, tuciang ahaampi a ki etna ah Helle lamten 50.1% leh Mr Rasmussen lamten 49.9% ngah uhhi.BBC

·      Malaysia gam kumpi langpang Party kipawlkhawm PKR te in amakaaipipa uh Anwar Ibrahim thong ah akikhum a kipan nasepzia daupai nawnlo a kakicim ta uhhi ci in June 17 ni in taangkokhia uhhi. Ahizong in amitcip bel hilo in pawlkhat in naseemkhawm laiding ci uhhi. Anwar Ibrahim peen Feb,2015 pan kum 5 sung Tawdeh navaaitawh thong inn ah akikhum ahihi. 2018 ciang kiteelkik na omding a tu ngenta abat leh Berisan National-BN ten khantawn Malaysia gam aukding hita mai hi.BBC

·      US Mihaupi Billionaire Donald Trump  Republican in 2016 US President kadem taktak ding ci in June 16,2015 ni in taangkokhia hi. Amah peen President demding akam in gengen himah leh a party pan line up ngahzo ngeilo hi. Sente bawl in igam leiba tawh kilung am mahmah a hihbuaina avengsakding in ken Pregensident kongsep kuulmai in teh ci in mipi te kiang ah genbaba hi. BBC

·      US gamten Europe gamsung ah gaalkaap leh galvan hoih nono  te koihding ci in aciakciak laaitak uh June 15,2015 ni in Russia President Vladimir Putin in NATO te aw akician mahmah kam kongvaaikhak ding hi. NATO ginna in 2015 kumsung Intercontinental ballistic missiles Nuclear kithauh tang 40 kongkoihsakding ci in hawksan giap hi. Hih Thautang te peen US ten 450 kiim nei a, Russia ten 515 kiim nei uh ci hi. Tai 1,450 bang tuthei cimawk  hi. NATO ten June 17,2016 ni adawnkik na ah hihthu lauhuai mahmah hi cihsan uhhi. White House ten bel phun mualmual sa in Cold War laai a zong F-16 Gaalvanleeng tawh ivik hilel hiven tun Sikha Vanleeng F-22 Raptor te pawlkhat puaksuk leeng hilel lodia ciziau uhhi. 1945 kum The Cold War zawh hih kitona peen anasia peen zong ahihi.BBC

·      Pakistan Gaalkaap Maangpi General Raheel Sharif Russia gam Moscow khuapi ah ni 3 sung taamding in June 18, 2015 ni in tungta hi. Gamnih nasiatak a gaalkaap khopdan kisin bawlziading leh Gaalvanvaai kikumding ci uhhi. Pakistan Prime Minister Nawaz Sharif zong asawtlo in Russia gam vahawh laaiding ci uhhi.VOA

Lundam ei

Thang Khawm Pauzomi