Kawlgam leh Leitung gamtuamtuam pan ibawlden ahi Zomi
Idol,Zolia competition leh Tukpeeng te peen tuni ciangciang kidem in azo te azo
alel te alel hilel in sum tawmkhat leh sikbeu khat ciang kipialel hihang. Tu a
kipan maailam ah hihbang te ineih sawm laai leh Azo or akhatna angah te
masuanding hihbang pawi avaaihawm kipawlna ten vaaihawmsak huai kasa mahmah hi.
Gentehna in Idol akhatna ngahte Album khatpeuh mah amawknain bawlpih ding,
Zolia akhatna ngahte Calenda maw, Asia melhoih kidemna ah maw akihelzawhna
lampi honsak ding, Tukpeeng siamte zong Club neu khatbeek ah heltheih nading
lampi zonsak ding cihbang hileh anasepna
te agah ongkimu toto ding hi. Tuabang hikei leh miten zizonna pawi peuh
ongcihsak lel ding uh ban ah akidemte I kithawina, hanciamna peen Anaa huailua
hi.
· Kawlgam sung kiteelciang PR system zatding in Amyotha
Hlutdaw in akhensatna thu Party 20 kigawm khawm Mualtungmi party NBF in nasiata
in Lungphona lak in nialding hi ci in Party makaaite June 20, 2014 ni in
taangkikhia uhhi.
· Australia gam angaihhawhpak ahi 8888 makaapi Ko Min Ko
Naing,Ko Ko Kyi,Ko Jimmy leh Australia
Foreign Minister Julie Bishop te June 19,2014 ni in kimukhawm uha, Kawlgam
kikhelna ah Australian akiheltheih nading munte kikumkhawm uhhi. June 20, 2014
ni in Ko Min Ko Naing leh alawmte Perth khuapi lamzuan in pai uhhi.
· Biakna tawh kisai Vuanzi pipa ahi U San Saint
President U Thein Sein sawlna kaan in nasem ahihman in June 19 ni in kimakhia a
, Madalay Division Ramethin thong ah khum uhhi. Ama mun a nasemding in ahuh ahi
U Soe Win kadeih ci in U Thein sein in june 19,2014 ni in genkhia hi. Kawlte
politics peen hidan den ahihman in U Thei Sein zong nikhat niciang ongman lel
ding uhhi.
· Rakhiang State Minister U Hla Maung Tin in azapan
khawlding in angetna June 19 ni in Kawlgam president U Thein Sein in phalna
laai piakhia ta hi. Akhawl nopna ahang in INGO,NGO leh tungsiah lampan akhat
akhat in nawtnawt ban ah ama I cabinet sung buai ci in genkhia hi. Mitampi in
bel Rakhaing minam te kamsia ci uhhi. Thuthei ten agenciang Za sang Minam itzaw
hi kici hi. State minister za nusia in minam lam itai ngamdiam Zomi ten
ngaihsut huai kasa mahmah hi.
· Iraq gam sungbuaina ahuhding in Gaalkaap Lamlak 300 US
ten puakding in kikhensat a Secretary of state John Kerry asawtlo in Iraq gam
vazin in vageelding ci in President Obama in June 19 ni in taangkokhia hi. Hih thu Sunni mUslim
thautawi ten azakphet un Iraq galkaap te do kipanthak leuleu uha, June 20, 2014 ni in Tar Afar vanleeng tualpi la uhhi.
Tuniciang mipi gaaltaai 500,000 cingta ci in gen uhhi.
· President Obama in Military advisor 300 Iraq ah
puakphot ding cihciang bek pulaak a ahizong in Pentagon in agenna ah Iraq kiang
tuipi tung ah US Gaal vanleeng pua Tembawpi 4 Order bek ngak in khuttham mahmah
sa in ngak ngeungau hi ci in June 20, 2014 ni in taangkokhia uhhi.
Lungdam
Thang Khawm Pauzomi
No comments:
Post a Comment