· Tusungteng kanau neihding uhtawh Zato lam paina
vaituamtuam tam in naseptawh lukhatlua kitaak lah mahmah kahihman in Leitung
thuthang tuamtuam kongsuahsak zawhloh kisuang mahmah ing akua mapeuh in ongthei
siamding in lam en ingh.
· Zogam Paltan sawtpi khat aseem ngei leh Malaysia gam ah
Zomi te ading mapangpi ZAM aphuankhia lak ah kihel in nasiatak in Ma apang ngei
ahi Australia gam a teeng Pu Zo Khai
Master in Social Science sinlaaitak.,
ongtungding August kha sung ah USA gam onghawh ding a ahun ngahtawh
kizui in ongzin kawikawi ding hi.
· Kawlgam maailam kalsuanzia ding Kawlgam Lutangpi 6 te
thukikupna Daw Aung San Suu Kyi Sen gam pan ongtun hunhun in bangni kikum
kikding cih kikupna omding hi ci in Kawlgam President Zum thusungpi U Ye Htut
in June 13, 2015 ni in genkhia hi.RFA
· Kawlgam 2015 kiteelpi ciang Rakhian gam Man Aung
Township pan ademding ANP Party President Dr Aye Maung tualsung miten deihlo uh
ahihman in deihlohna lungphona June 17 ni bawltheih nading in June 13, 2015 ni
in kumpi tung ah phalna ngenta uhhi.RFA
· Nigeria gam Borno state sung ah Boko Haram migilo te
in khua 6 June 12,2015 ni in meitawh ban haal uha, mi 37 meikaanglum in pawlkhat liam a, inn le
lo tampi taksia hi ciin gamthunei te in June 13, 2015 ni in taangkokhia
uhhi.BBC
· Philippine gam Independent Day tawh kituak in June
12,2015 ni in Manila khuapi ah mipi in Sen ten South China Sea tung a
agamkeekna uh lungkimlohna lungphona nasiatak in lakkhia uhhi.VOA
· South Korea gam sung ah MERS lungno hang in misi June
12,2015 niciang 11 phata a natna angah mi 126 ciangta in gamsungteng ah kizeel
pianta ahihman in President Park Geun-hye in Maaikaal sung US gamsung zinding
in geelna aneihna te khaangto kik hi.VOA
· US Secretary of state Mr John Kerry May 31 ni a akhe
liamna hang in zato alupna Massachusetts Zatopi pan ciangkhut khun luangluang
sa in June 12,2015 ni in tuakta a, atenna Boston khuapi a inn ah ciahphot hi.
Thukan te kiang ah bel June 22-24 khitciang Iran Nuclear kikupna ah kapumpi
kapaiding ci in gen hi. Amah peen Piantit leh Switzerland gamgi 40km saikel tawh taaikidemna pan botung
phukha in ataklam khe aliamsak ahihi. Geneva khuapi ah zato kipuakpah in tuapan
Gaalvanleeng tawh US gam ongkipuak kik ahihi.BBC
· Sweden gam TV Star Sofia Hellqvist kum 30 leh Sweden
Prince Carl Phillip kum 36 te June 13, 2015 ni in Stockholm khuapi ah kiteengding uha, Mopawi muakding in mipi
million langbang lampi dung ah kigualkhin ci uhhi. Ms Sofia leh Kumpi Carl peen
2010 kum Ann sai khat ah kimu kha uha, Sofia in namitsin zak ahihman in Carl I
maimit laukha ah mangtheilo ahihman nupa ongsuakthei uh ahihi.BBC
· North Korea gam Pyongyang khuapi sung a om North Korea
gam ah asaangpeen Pi 469 asaang Koryo Hotel June 11,2015 ni in meikaang a,
kuamah manzaih kiphallo athu ala kitheilo in tuding omcip hi.BBC
· Australia gam Melbourne khuapi pan Malaysia gam
Kualalumpur khuapi zuan a leengding Malaysia Airline MH148 June 12,2015 ni in aset kang ahihman in
Melbourne Vanleeng tualpi akiimveel khitciang thukintak in tukika, atung a
tuang mipi 300 aliam abaai omsamlo in kihonkhia zo hi.BBC
Lungdam
Thang Khawm Pauzomi
No comments:
Post a Comment