Tulaai Leitung Thuthang Tuamtuam Updates Jan -22 ,2015

·      US House Speaker Mr John Boehner in US Congress thak te kiang ah Iran gamtawh kisai thuleh President Obama ataw azawtsak kiau ding in Israel Prime Minister Benjamin Netanyahu January 21 in peello ongpai tapeuh in maw ci in kho ngeetnguut hi. Congress a thu agen hunding peen March khasung hiding cih uhhi. Ahizong in President Obama in tuahun ciang PM Netanyahu kakimuh pih mankeiding ci in January 22 ni in genkhia hi. BBC

·      Ukraine gan nisuahna lam ah Russia te sawltaak thautawi te leh Ukraine gaalkaapte kidona kizomtoto in akhawltheilohna ahang peen Russia gaalkaap 9,000 leh Tanks 500, galvan tuamtuam tampi Ukraine gamsung ah zantaam ahihhang hi ci in Ukraine President Petro Poroshenko  in January 21 ni in genkhia hi. January 22,2015 ni in Donetsk khuapi sung ah langnih nasiatak kikap uha, mi 13 si uhhi. Ukraine gambuaina han gin tuni ciang misi 4,800 phata 1.2  million gaaltaai keek uhhi.BBC

·      Yemen gam President Abdrabbuh Mansour Hadi leh Prime  Minister Khaled Baha te abeisa kaalkhat pan akipan Shia Houthi tapong te in ateena inn ngiat mahmah vuah buluh in umcihzihziah mawk uh ahihman in January 22 ni in ko ageel a kipan kanaseppih teng uh kakhawlding uha Congress khensatna bangbang hitading ci in January 22 ni in kikokhia ta uhhi.BBC

·      Leitung thulam dang mahmah te lak ah khat ahi  kum tampitak Ui le Keel abangden  Cuba gam leh US gam Makaaite abeisa January 21 ni pan tuni January 22 niciang ninih sung  kiho uha, gamnih kizopna nuamtak a aomtheihnading in asawtlo in kiholim kikding in thukimna nei uhhi.Tua ban ah gamnih tuak ah kizopna Palaaizum Embassy honkikding in zong kiho na neithei uhhi.BBC

·      Kachin Nungakno itna leh ngaihna tawh naseem nih te Kawl Ngapik gaalkaap ten December 19 nizan in Shangam saklam Kawngkha khua sung ah Avangkheem peuh huksak ban ah mulkim huaitak in meilah ten in tennen uh agawhlupna hang in Kawlgam bup muntuamtuam January 22,2015 lungkimlohna kilak kawikawi a , Adiak in Yangon khuapi pan Kawlgam bup numei kipawlna te leh 8888 makaaiten lungkimlohna nasiaktak nei uhhi. Minam dangte nangawn in laainat in adian ziahziah laaitak Kachin minam te Unau hi ung aci ngutngut- Chin leh Zomi te ahihleh buipi leikei bang in pai nalnal lel uhhi.KBC ten bel UNO ah kakhia ding uh ci uhhi. VOA

Lungdam

Thang Khawm Pauzomi