· Itangko sa om mahbang in Bowling Green,Kentucky
New Zogam ah Zogam gaalkaap ding Captain
gual vive Tangval sitset mi 6 Nashville khuapi pan ongkahto uha, Maaikaal ciang
Basic Training Japan te Mawtaw bawlna munkhat ah kipan ziahziah tading uhhi.
Phone tawh Ongdawp zong tam mahmah himah leh phone tawh kikup tadihdih
manhunding kineilo ahihman alungluut te ongpai ziahziah un. Zogam gaalkaap cih
kammal izatna mun ah pawlkhat te in Ak-47 peuh Rifle peuh akuah lenglang te gaalkaapbek
sakha a, tu a eicih gaalkaap tepen tuate nam hilo in Zomi,Zogam khantohna ding
a nasem mimal,kipawlna leh Pasian naseem sum le paai tawh atawsawnding gaalkaap
cihna hizaw hi. Tun aomsa tengtawh Zogam gaalkaap kician mahmah 40 kiim kiphata
hi. gaalkaap 500 ciang kikaai khawmding
a 500x$100=$50,000 tawh gaalsim kipan ding hihang. Mikheempeuh kimuak a,
ahizong in minavaai nasepnading sum$10,20 piakding akigenciang mit zaveibang
anasuuk, ciil kisa a piakkhiatna vaai akigenciang anabubu,ana hanghang, akam
ciakmuamua a Pasian nasemte, mInam nasemte tung ah aciilteeltaal tepawl kitam
deih meello hi.
· Philippine gam Manila khuapi ah September 19 ni in
nasiatak in huih leh guahpi kithuah zu a tuikhangcip ahihman mitampi tak cimawh
uhhi. Aniamna mun a teengzaw deuh mipi 20,000 Marikina khuapi lam ah kikhin
uhhi. Asi amang bangzahcih kitaangko nailo sam hi.
· North Korea leh South Korea gamkikaal tuipi tung ah N
lamte gaaltembaw neukhat in S lamte neihsa tuipi tung aphin danpian in
September 19 ni in nawkvat ahihman in South Korea Navy te akhalo ding in
anungpan nakap gawp uha, Meidel liang in N Korea gamlam ah taaiki ci in South
Korea Navy thunei ten genkhia uhhi.
· Scotland gam UK gamsung pan suahtaakna laak huai maw
cihdotna tawh he,hilo Yes or No cihding
in Scotland gam ah September 18 ni in mipi 3.6million amaukhensatna ciat kikaai
khawm a, mipi khempeuh i 55% in hilo ci in 45 he ci uh ahihmani n Scotland
gampeen UK gamnuai mah ah ut in utkei in thaamcip laai hi.
· Russia Gaalvanleeng 6 in Canada leh US te Van le lei
kikaal huang sung nehmahmah in September 17 ni in kantan sese uha, lauhuai
mahmah ci in gamnih thuneite in September 20 ni in taangkokhia uha, Tuani mah in Sweden gamte
neihsa Baltic tuipi tung genmasakna leh
phalna ngahlo pi in kantan hi ci in gampua kizopna zumte in mawhsak mahmah na
September 20, 2014 ni in pulaakhia uhhi.
· French gamte in amasapeen IS igilote phualpi beltung
khiat September 19 ni in kipantaktak ci in Presiden zumpi te in taangkokhia
uhhi. US tawh mapang a IS doding athukim gam 50 lak ah French te akuan masa
peen ahi uhhi. US ten tuni ciang 175 vei beltung khiat khin uha, IS gaalkaap
asilo sunsun teng Syria gam lamzuan in kibusa zaw uh ahihman asawtlo in US ten
Syria kumpi zasakselo in a utut na uh kaptading ci in Ulian khat in September
20, 2014 ni in genkhia hi.
· IS migilo te in Iraq gampan Turkey zumna sem 49 June
khasung a amatcip te uh ahang omtuanlo ei Muslim tuaktuak cibangkeekkhat in
September 19, 2014 ni in khahkhia kik uha, September 20, 2014 zinglam in Turkey
gam vanleeng tawh tu in mipite in thupi
tak in nadawn ziahziah uhhi.
· New Zealand gambup kiteelna meetang sim September 20, 2014 ni in 99%
kizota a tuciangciang akisim dan in enleeng Prime Minister John Key te party in
48% tawh amai ah taai ahihman in gualzawhna ngahkik theikhading hi ci in
Election Committee ten genkhia uhhi.
· South Africa gam Cape khuapi ah Muslim Academic Numei
Pasal kihenlo a sil kibang kiteeng te leh neihlo lam uuk ( Gay ) te nangawn suakta tak a kikhop khawm
theihnading Biak Innpi khat September 20, 2014 ni in hongkhia ta uha Biak Inn konghonna pawi
zong thupitak in bawl uhhi.
· Syria gam sung a Is migilo te a thuaklah mahmah Kurd
minam te Syria gamsung ah abuk theihnading un kongpi kihon sakta a kuakua
lunghiang neilotak in Syria gamsung ah buk theihna hi ci in
Lungdam
Khialna aom leh ngaihdam bawm ah maw
Thang Khawm Pauzomi
No comments:
Post a Comment