· 2014 kum July 4 ni Tulsa khuapi ah kibawlding Zomi
khawmpi USA, ah Zinmaang (Special Guest) ding in akisam ahi Zomi,Zogam avei
mahmah leh Zomi te makaaipi khat ahi Pu Gin Kam Lian ( ZCD General Secretary )
tenupa in USA gam paitheihna ding US VISA June 17 ni in ongngah uhhi. Zomi
khangno Politics lungluut te leh USA gam a om Zomi kheempeuh ading in angtan
huai mahmah thukhat ahihi. Huihlak leh internet politics maimai hilo in mitmuh
a Zomi,Zogam ading asemtaktak ahihman in kimuh kihoding kaal ngaklah huai kasa
mahmah hi.
· 2012 kum Libya gam Benghazi khuapi sung a US
palaaizumpi akap te makaaipi pa ahi Ahmed Abu Khatallah June 17, 2014 ni in
kimankhia taktak ta hi ci in White House te in taangkokhia uhhi.
· North Korea gamte in June 17, 2014 Minutes 50
sungkhawng asau Video khat khah uha, Tua Video peen Cruise Missile kici Leitung
pan Tembaw,Vanleeng gamla pipi kapkhatna ahihi. John Hopkins University a mipil
thukanpawl genna ah hi thau te peen Russia te bawl hi a North Korea in Direct a
Russia ah lei maw ahihkei leh Kawlgam tawn a lei cih namnih hi ci uhhi.
· US gam Nebraska
state sungteng June 16,2014 zanlam in
Tornado kici pingpeipi in nasiatak in nawk ahihman in mi 2 si a mi 17 nasiatak
in liam uhhi. Tua ban ah inn le lo mawtaw tamkhop khat siacip hi.
· Vietnam leh China gamnih kikaal neihsa buaina South
China Sea vaaitawh kisai in langnih suakta tak kikumding in China gamte in
Vietnam gam ah kumpi lam zalian khat June 17, 2014 ni in paisak uha, langnih
kikaal buaina te ahoihlam in kiho theiding in China gamte in lam etna lianpi
nei uhhi.
· Iraq gamsung a om Al-Qaeda tetawh kipawl Sunni Muslim
tapong te in Iraq gam saklam khuapi tamsimsim luahta uha, Bagdad khuapi lam
doding in neh hethet ta ahihman in pawlzong a limtak kithawi ding in Iraq kumpi
te UN General Secretary Ban Ki Moon in June 17, 2014 ni in hanhtawn hi. US ten
Gaalvanleeng tampi apua Tembawpi 4 Persian Goff lam ah sawlkhin uha, Bagdad
khuapi sung a US palaai zumpi huu ding in US gaalkaap 275 President Obama June
17, 2014 ni in paisakding in Suaikai hi. Iran gammi atamzaw Sunni Muslim
ahihman in Iran tezong omtheilo uha, US tawh kipawl in Iraq huutding deih uh
himah leh US ten ngaihsun laai uhhi. President Obama in lampi tuamtuam angaihsut
laaitak hi a atamzaw ahawlpalo Drone tawh Sunni Muslim gamnuai mite nuaiding in
ngaihsutna nei ci in Pentagon ten genkhia uhhi.
· Nigeria gam saklam World Cup tukpeeng kimawl en mipi
lom omna lakkhat ah Boki Haram migilo te in miphial kap uha, mi 15 si in
tamsimsim liam uhhi. Mit a amute genna ah Muslim lotata teng in kap uhhi ci in
gen uhhi.
· Indonesia gamte Tembaw pi khualzin mi 97 apua khat
Malaysia gam Banting kiang Port Klang tembaw khawlna phaakkuan ah June 17, 2014
ni in zanlam in kibung a , mi 61 atun abanna kitheinaailo in mangcip hi ci in
Malaysia kumpi thunei lamte in genkhia uhhi.
· Thailand gam
thuneihna ala gaalkaap kumpi te in Thailand gamsung a phalna omlo a nasemte
siansuah kipanpan ta uh ahihman in kimatding lau in Cambodia gammi tul 90 vaal
te agam uhzuan in ciahziahziah uha June 17, 2014 ni in lampi highway
tungkheempeuh a pai Bus tung ah Cambodia mite dimzihziah uhhi. Thailand gam ah
phalna omlo nasem mi Awn 2 bang om a alangsang atamzaw kawlgam mi ci uhhi.
· US state department te in Mihing ngahding hamphatna
asuksiatsak gam 180 vaal a etkaakna uh thusuah 2014 ai tukaal sung in
suahtading ci in June 17, 2014 ni in
taangkokhia uhhi. Hih thusuahna ah Thailand gam peen phalna omlo naseemding a
kizuak mite naak bawlsiat mahmah uh ahihman in asuuksiapeen lampan nambat 3 na
ah omkhading in lam en uhhi. Thailand gam in adiak in agamveeng gamzawng te pan
milei in mulkim huaitak in ngabengsak in saat,vua,that lel uh ci in gen uhhi.
Hih gamveeng acihna lak ah 50% sang atamzaw kawlgam pan vive ci uhhi.
· Ukraine gam nisuahna lam a Russia deih thautawi migilo
te laaksa khua kheempeuh Ukraine gaalkaap te in nawhsatak in lakik ding in
President Petro Poroshenko in thupia a gaalkaap ten ni 5 sung kalakikding uh ci
in gen uhhi. Russia gamte in Ukraine gamte azuak uh Gas June 16 ni khaktan uha,
June 17, 2014 in tua akikhaktan Gas
Pipie Line kuakhutma kitheilo bomb or thau in kha in kangzihziah laaitak hi.
· World Cup taangthu sung ah azawh ngeiloh uh Ghana te
US ten June 16,2014 ni in zo ngawngaw
bekthamlo in Second 29 ah goal thun uh ahihman World Cup taangthu sung ah Goal
thun baih agukna ngah uhhi. Goal khatuak tawh kidin mahmah kawmkaal ah minutes
89 lianciang in US ten Goal khat thunkik mawk ahihman in zolian uhhi. US
gampeen nidaang sang in Tukpeeng kimawlna lam hahkat mahmah uha Nupi te nangawn
siam thei mahmah uhhi.
Tuni sangkah, naseem kahih man minute khat zong
huneilo nasepman lupma ihmut suakpipi kong-at zal hin hizah cipak ni ei
Lungdam
Thang Khawm Pauzomi
No comments:
Post a Comment