US President Obama leh a cabinet te in Iraq gamsung a
Sunni Muslim migilote gamtat bangcihding cih ageelgeel uhciang Gaalkaap thamah
zatkul ding ci in June 14, 2014 ni in khensat uha, Secretary of Defense Mr
Chuck Hagel in gaalvaan leeng tampi apua USS George HW Bush tembaw pi Arabian
tuipi tung ah kuankhia ding in thupia hi. Iran ten zong akisap na dung zui in
Iraq gam gaalkaap te hih Sunni Muslim migilo te dona ding huhna kapiading uh
cinong uhhi.
· Ukraine gam Kiev khuapi sung a om Russia palai zumpi
Ukraine gammi te in June 14, 2014 ni in sim uha, amawtaw teng uh lawtthal
sakgawp in Russia dialkhai te balkeeksak uhhi. June 14, 2014 ni mah in Nungkaal
sung Ukraine gama Russia deih thautawi te Russia in Tank Thaupi leh Mawtaw
kithuah te puak hi ci a Ukraine kumpi te genna Russia in nialden keei ahihman
in NOTO ten Vandawn pan amanzaih uh thuthang tuamtuam te ah suakkhia sak giap
uh ahihman Russia te apau nading omnawnlo phot uhhi.
· Pakistan Gam Gaalvaanleeng te in Pakisatan gam saklam
ahi Waziristan kuam a kibusa migilo te June 14, 2014 nitha paai banzial uh a,
atawmpeen gamsung mi 100 ziallum ding in upmawh uhhi. A hizong in hi 100
cihpeen suaktatak in kikipsak theinaai lo a tamzaw thei cih Pakistan thunei ten
genkhia uhhi.
· Ukraine gam nisuahna lam Luhansk khuapi Vanleeng tual
abawhkuan gaalkaap 49 atuang Ukraine gaalvanleeng khat June 14, 2014 ni in
Russia deih singnuai thautawi mite in kapkhia ek uha, gaalkaap 49 avek un
sikhin uhhi. EU thunei te zong buai mahmah uha, Ukraine,Russia uliante tawh
phone zang in kiho pahzangzang uhhi. Azom lungluut huai mahmah zomtoto ni
· June 12 ni maw 13 nihiam khat in West Bank pan Israel
gammi khangno Sialcing muanhuai minih apawlmin kitheilo migilo pawlpi khat in
mancip ahihman in zat theih zatmawh zang in asuahtaaknading hanciam ding in
Israel Prime Minister Benjamin Netanyahu security te ung ah June 14, 2014 ni in
thupia hi. Koi kuamteng ongkap zek uh tam maw guai
· Nepal gam khuapi a kibawl Relevance of Social
Democracy khawmpi ah Daw Aung San Suu Kyi in ahona thugenna June 14, 2014 ni
nei a, Khakna ah Nepal Prime Minister Sushil Koirala Daw Aug San Suu Kyi in Kawlgam ading
Democracy ahanciamna lungkituak tak in hoihsa in tha kongpia uhhi ci in genkik
hi.
· Kawlgam Lower House in June 12,2014 ni a akhensat PR
system tawh kisai nuamtak a akizatheih nading a vaaihawm pawl sungpan NLD party
mi 5 ten ko ongkihel zokei mainung ci in June 14, 2014 ni in akhawlna thu uh
pulaakkhia uhhi. Tua ban ah NDF party ten zong adeihloh nathu uh nasia tak in
pulaak kawikawi uhhi.
Thuthang asuahsak sa alui bang
in nuam isazaw hiam? Ahih kei leh ka blog pan sim lel leeng nuam isazaw hiam? Ngaihsutna
ongpia ciat unla mipi deihna bang in ongsuaksak ding hing. Blog pan hileh kei
tawldam zaw ing. Ahizong in mipi laaisimte deihna bang hiding hi.
Lungdam
Thang Khawm Pauzomi
lung dam mahmah ei thu thak nong at.thu thak ki thei pah2 in.nuam kawikawi lel ea.na a ding anop pen leh a tawl dam huai pen ding in hong at lel ou.
ReplyDelete