Tulaai Leitung Thuthang Tuamtuam Updates March 9, 2015

·      Syria gam akhunglam kiu a om IS te neihsa Namgimtui dawhna mun US leh apawlten March 8,2015 ni zan nasiatak in bomb khiat uh ahihman in IS gaalkaap leh anaseem te kigawm mi 30 vaal si ci in Syria gam encik SOHR ten taangkokhia uhhi.VOA

·      Yangon khuapi luut asawm Kawlgam Sangnaupang lungkimlohna lakte Kawlgam Palik ten akhaktan na March 10 zingsang nai 10 peuhmah in ahonkik nading in kumpi tetung ah Kawlgambup sangnaupang kipawlna pan thukin ngetna March 9,2015 ni in bawl uhhi. Ahizong in kawlgam kumpi lam pan honkik cihthadah in azahnih in khaktbeh in palik alom atang in behlap zaw uhhi. VOA

·      Solar Impulse-2 kici Ni tha tawh anungta Vanleeng pi leitung kiimvial in khualzin kipanta a March 9,2015 ni in Abu Dhabi pan Oman bawhphei ta hi. Atlantic tuipi leh Pacific tuipi te kantan in Leitung nitunba nisuahna lam kiimviak kawikawi in KM 35,000 bang zinding a kha 5 sung bang sawtding ci uhhi.BBC

·      Syria gamlam zuan in IS migilo tetawh khut kiletding asawm a upmawh Australia gami unau kum 16 leh kum 17 nihte Sydney vanleeng tualpi pan Australia thunei te in March 9,2015 ni in manphot uhhi. Athu ala thukan ten akacian laaitak uh hia, mawhmat liana neinaailo uh ci hi.BBC

·      Apple Company te in ongtung ding April kha 24 nipan Apple nai ( Apple’s smartwatch ) zuakkhia ziahziah tading uha, $349-10,000 dong man anamnam in omci in March 9,2015 ni in taangkokhia uhhi. Nidang in Apple neektheihbek isak leh tun hun etna a zong akizangthei hita hi. April ni 10 ni a kipan Website ki order khol thei ziahziah ta ci uhhi.BBC

·      Laukai naaikhuai a om Kokang te gaalphualpi Kawlgam gaalkaap 400 kiim in March 9,2015 ni in bumeekding acih uhleh lel dikdek in kawlgam gaalkaap 80 vaal si in pawlkhat Kokang ten ahing in amatkhit ciang kawlgam gaalkaap ten Galvanleeng huhna abullam vuah ngen uha, Gaal vanleeng 4 Helicopter 6 in vanlam pan huhhi. Sengam lam Kawlgam kumpi te Motar tang 6 tu ahihman in inn le lo pawlkhat kaangtum hi. March 9,2015 ni mah in Kuatkhai Myonee sung ah TNLA leh Kawlgaalkaap ten kisual leuleu uha, Kawlgam gaalkaap 3 si uhhi. Kachin News

·      Pakistan gamte in Nuclear leh Bomb tuamtuam pualingleng kawm sa a 2,750km kap zialzial theihna thaupi khat March 9,2015 ni akizang thei tatak ding hiam aw ci in asin mawkmawk uh leh hoih luakeei in gualzo tak in akapnop namun uh khalian ahihman ahihman lungdamna thu taangkokhia uhhi.VOA

Lungdam

Thang Khawm Pauzomi