· Pakistan gam ah December 16 ni in sangnau pang leh
sangsia kigawm 141 Taliban migilo ten athah nahang in Pakistan kumpite in atung
anuai tawh Taliban te kaalkhat sung atuamvilvel in zialding in khensat uha, December
18 ni in vanlamtawh 27 ciimsak in,
December 19 ni in Afghanistan tawh gamgi ah Special Force ten 32 nago leuleu in
tuciang 59 gokhin uhhi. June khapan ado zeuhzeuh na vua tuniciang Taiban Uino 1,700 gokhinta ci in Pakistan Paltan ten genkhia
uhhi. bbcnews.com
· Australia gam Queensland khung Cairns khuapi sung inn khat sung
ah December 19 ni in naupang kha 18 pan
kum kum 15 kikaalding mi 8 asisa in na
om ci in Palik te in genkhia uhhi. Naupang 8 lak ah 7 te nu hiding a upmawh
nupi kum 34 khat in Palikte asapna pan kitheikhia a, Nupi nu zong naakliam
mahmah ahihman in zato inn ah kipuak hi. Bangci bang a hih naupang te si thei
bangthu bangla cih palik te leh thu sulzuih siamten akancian saan laaitak uh
ahihi.bbcnews.com
· Iraq gam a IS migilo te phualpi khat ahihban ah Biakna
thu ummi tampi te cihmawh in abukcipna Sinjar Mualpi December 19 ni in Kurdish
paltan te in buluah zota ci in taangkokhia uhhi. Hih bang gualzawhna angah
theih nading un US leh Apawlten vanlam pan nazial in anuai Kurdish paltan
20,000 in naban zialphei ci uhhi. Tua
ban a Pentagon gaalphualpi te in US ten Beltungkhiatna hang in IS zalian
tamsimsim December 19 ni in Hell lamzuan ci in taangkokhia uhhi. Kurdish paltan
ten hibang a tha lakik a IS te anilna uh December 18,2014 nipan kipanthak uh
hia, IS te phualpi banlaaktoh ding
ngimna nei uhhi. bbcnews.com
· Nigeria gam Borno state Gumsuri khuaneu khat Boko
Haram migilo te hiding a upmawh thautawi pawlkhat in busim uha, mi 33 that in
numei naupang kigawm mi 200 mancip in taaipih mang uh ci in Nigeria kumpi
thunei te in December 19 ni in taangkokhia uhhi. Hih buaina apianni peen
December 15 ni hinapi khuata lua mahmah in thukan omlo ahihman gaaltaai te tung
tawn in December 19 ni a kithei khiapan ci in gen uhhi. Boko Haram kigilo ten
April kha sung in zong sangnaupang anu 200 gumang uh atuni dong khahkik naailo
uhhi. bbcnews.com
· Boko Haram migilo te mah hiding a upmawh thautawi
pawlkhat in Nigeria leh Cameroon gamgi cing Cameroon gaalkaap 5 December 19 ni in nathat in athau uh leh
mawtaw akipan vanzatteng nasut vial uh ahihman Cameroon gaalkaap nungthuap pawl
in tumbuzial pheipa uha, Boko Haram migilo te hikhading a upmawh thautawi mi
116 that ci in Cameroon Defense Minister Edgard Alain Mebe Ngo in genkhia hi.
voanews.com
Lungdam
Happy Chrismas & Happy New
Year
Thang Khawm Pauzomi
No comments:
Post a Comment