Tulaai Leitung Thuthang Tuamtuam Updates November 14,2014

·      Afghanistan gam te President thak liklek ahi Mr Ashraf Ghani  President angahzawh amasa peen agamveeng Pakistan gam ah November 14, 2014 ni in vangaih hawh a, Islamabad  khuapi tungkhin ta hi. November 14, 2014 ni in Pakistan Prime Minster Nawaz Sharif tawh kimudinga hun kicing angah laai leh  President Mammon Hussein tawh zong kimuding hi. voanews.com

·       North Korea gam Leikha Mangpipa ahi Kim Jong Un  mihingtung ah akhengvaal a gamtat mawhna tawh ICC- leitung thukhen zumpi ah puakding puaklo ding cih maaikaal sung akibawlding UN Assembly ah meetaang tawh kihensat ding ci in UN ten November 14, 2014 ni in taangkokhia uhhi. Kim Jong Un tung ah UN ten nakipuah phat mahmah kei leh nathuak ding ci in laai zong khak khinzo uh ci hi. Tulian in thong sung ah mihing 120,000 bang bawlsiatna, buanna thuak hi ci in UN Mihing thupisimna thukanpi Marzuki Darusman  genkhia hi. voanews.com

·      Iraq gam Baghdad khuapi khunglam Beiji khuapi a om Beiji Namgimtui khaihna phualpi pan IS migilo te kisuileeng zota hi ci in Iraq kumpi thunei te in November 14, 2014 ni in taangkokhia uhhi. Hih mun peen IS te sumluutna naakpi khat ahihban ah Mosul khuapi tawh kizopna lamziikpi hi a IS panlaak mahmah na munkhat zong ahihi. IS migilo te in Middle East leh Africa saklam teng a kizang ahi Dinar sumtaangding in amau le amau in sum bawltawm tading ci in November 13 ni in taangkokhia uhhi. voanews.com

·      President Obama Daw Aung San Suu Kyi tawh November 14, 2014 ni akimuhkhit ciang anih un mipitung thu taangkokhopna nei uha, Pi Suu inbel kawlgam kipuahphatna peen alimalam omnaaikei kiteelna thukhun mahmahzong piangtheivetkei cin gen hi. Obama in kawlgam kipuahphatna atawpdong kalsuan ta peuh hen ci hi. Pi Suu zong apasal leh atate hang a Kumpi seemtheiloding cimaimai zumhuai ci in Obama in ciamnuih gen baba hi. Nikaai nai 4 pawl in Yangon University ah ASEAN khangnote leh kawlgam khangno pawlkhat kaaikhawm in thugenna neileuleu a, Ko Min Ko Niang leh PI Suu te bang in gamhoihnading in maaitaai hihding khangnote hanthawn hi. bbc.com

·      Kawlgam Pilna tawh kisai thukhunpi deihlohna lahna in kawlgambup mipi lungphona nasiatak neiding in November 13 Kawlgambup sangnaupang kipawlna I thukin thukikupna pan khensat uhhi. Hih thukikupna ah pilna lamtawh kisai kipawlna 400 pan makaaite kah uha, Yangon khuapi ah akibawl ahihi. Rfa.org

Lungdam

Khialhna aom leh ngaihdam bawm ah maw

Thang Khawm Pauzomi