Tulaai leitung Thuthang Tuamtuam Updates September 11,2014

·      Bowling Green,Kentucky state pan sapan zanni September 10 ni a isuahsakna tawh kisai in zuau kihello, ciamnuih zong kihello cih kongpulaak beh nuam hi. Tuni ciang mundang pan ongkituah inn 30 kiim phata uha, alungleeng kuamah omnaailo hi. Votsi kham bangkihkiah in kuaman khan phawknawnlo uhhi. Alungluut te ongkituah masading tuakhit ciang nasep kipanding hihang. Zomi te danpeen paima nasep ngahding maw ngahloding theikholnuam, kituahma nasep ngahmasa nuam, nasepma asum deihmasa mawk hihang. Tuhun ciang tuabang tawh vaaikihawm theinawnlo hi cih ongtangko ing. Alungluut te 270-217 9593 *** Ongpai dingten ahihtheih liai tei leh Mikaangpau khaini bungdim beek ongkeng le uhcin nasep ngahnopdeuh a, avom mangngilh te zong nasep ngahzolo cihbang hitualo sam hi******

·      Islamic state kici Muslim paikhial te Syria gam sung ahizong in aomnana Vantung vannuai ah US gaalvanleeng ten leizon in cimang bekthamlo agimnam nangawn avengding in zialtum ding, Saben ah bengding  ci in US President Obama in September 10 ni in genkhia hi. Tuaban ah Syria gam sung a  om IS gaalkaapte zong Syria kumpi te phana kingen ngongngong seloding a utut namun kizialding ci hi. Iraq gamsung ah gaalsiam 475 nawhtak kipaisak behding cihzong behlap hi. Ahizong in Syria ten kotheihloh a ongleng masasa kapkhiat hiding ahihman US te aw kotawh kipawl veni aw cin kun uhhi. Russia te leuleu  in US ten UN khentatna lalo pi a Syria gamsung Vanlamtawh adoleh leitungbup thukhun apalsal  hiding ahihman Tangkhatui hawpding uh ci in vaupah uhhi. US tebel azalo kineihphot uha, IS ben kipanpah ziahziah in Zogam lolaai mangkawm a Zulei ihawlbang in bawlliang uhhi.

·      US secretary of state Mr John Kerry zong teeknung guainung cilo in Saudi Arabia gam vataai kheengkheeng a, Arab Lawm kici gam 11 pan makaaite tawh September 11, 2014 ni in kimukhawm uha, gam 10 te US tawh kikop a IS te doding thukim in Turkey thukimlo suaikaai nuamlo in ciah uhhi. Palkhat te upmawhna ah Turkey gampan IS gaakaap ding leh gaalkaap te zan ann ding numei tampi vakipiakhia uh ahihman Turkey in donuamlo hiding cih ummawh uhhi.

·      2000 kum September 11 ni in Migilo te in US gam sim in mihing 3,000 kiim athahni  911 phawkna New York,  Pentagon, Shankville te ah thupitak in kibawl a President Obama, azi Michele Obama , leh Vice President Joe Biden te vakuan kawikawi in misite zahtak na leh thugenna tomno vanei kawikawi uhhi. US ten IS doding a akhensat anikhat nil eh Khamulten US adoni 911 kituaksese a, US gam ah mimante leh mihuhte isapnop leh 911 hisekawikawi ahihman ban ah  9+1+1=11 November kha peen US gambup lungdam kohpawipi Thanksgiving Day hi leuleu zel taangthu khat nei ngelngel ding uhhi.

·      Syria gm Golan mualdung teng acing UN kilemna bawl Philippine gaalkaap 45 te Al-Qaeda tawh kizom migilo te in nungkha ung a amat uhhi in September 11, 2014 ni in ongkahkhia uha, avek un damkimtak in UN te khutsung ah ong apki uh ci in UN te in taangkokhia uhhi.

Lundam

Thang Khawm Pauzomi