Tulaai leitung Thuthang Tuamtuam Updates September 10,2014

Tulaai leitung Thuthang Tuamtuam Updates September 10,2014

A-  America gam sung ah om in

B-  Bill cinglo denkeei leh Bank overdraft denkeeisang bank ah sum nakholnuam zaw hiam?

v Damlo,hatlo in nasep ngahlah in lungkia thaneem in na omkha hiam?

v Naitampi nasem nuam lua  OT ngahzolo in naphunphun hiam?

v Nipi kikhawmnuam off day ngahnuam lua in thu nangenngen hiam?

v Food stamp 100,200 deihman sunthapaai haam liang a ngaksang Food Stamp apiakhia ziahziah ten a ut ta hiam?

v Vanlui-second hand zuakna khawng toktok sang donation apiakhia ziahziah ten a ut tahiam?

v Gawnglua kisa akdehpuuksi batsang thau kisa kizawtzawt kawmsa in lu tum mingmeng na utzaw hiam?

v Thau lua kisa gawnna koi ah omdiam ci a phunphun sang form manmahmah a gawng zilzial na utzaw hiam?

v Nupa a Food stamp card keemding kituhtuh a Bank Card khawng kiguk sakliang sang Bank Card khattuak sum adimtawh tawilel in nakizawtzawt nuam zaw hiam?

v Papi te Zite khawng sum neihloh man hapgaakgaak a ukcip sang Mikaangte tampipi na uk miaimiai nuamzaw hiam?

v Internet maai ah face book kawng khepheek zen in toktok in sepding theilo a mi bankoko sang Khepheek diitdiat sa in dollar namal ziahziah nuamzaw hiam?

v Nupa a nanglam khak keilam khaklo kicici a ki toto sang nang lam tuazah khakni kici in nupa in nakikawi hilhial nuamzaw hiam?

v Makaai seemnuamlua makailah ngahzolo in ui meikaang bang in milak ah nakipeipei hiam?

v Pasian naseemte khawng love gift piakzawhloh man bukbuk sang love gift pianuam lua in nakiphul ziahziah nuamzaw hiam?

v Apartment nangawn saaplah in vengte hawlsukhawltoh leh mimawtaw zuihdongdong sang Mawtaw hoih peente tuang in inn hoih te ah na omnuam zaw hiam?

v Biakna vaai tawh misazuak te asiangtam ci in lunghimawh pipi in naneek nuangnuang sang nangmahmah in atawl atciatciat in lungkimtak in nane nuam zaw hiam?

v Zomi duh theihmahmah sangoi cihte lunggulh geuguau a na omdendang akawn akawn in na ngawn ah na oknuam zaw hiam?

v Na nasepna ah ongkihawlkhia leh nasep ngahzo nawnloding ci in lau khunkhun in dipkua in omdensang munkhat pan napaikhiat leh akongmai ah nasep naluutpah ziauziau nuamzaw hiam?

v Mivom te mahmah khamlua in munuamloliang in nang le nang gimpipi in na omsang mivom muhpakpak lohna khamuan na mun na utzaw hiam?

Hih atung a teng nalunggulh zawk a leh ut tantan na akisep theihna, Nasep tam mahmahna, Khepheek diitdiatsa a naseptheihna, Ut nipepeuh off theihna, Innsaap tawm mahmah na, Bawngnawi leh khuaizu genloh leenggahtui nangawn avungdideena, Niimdildial in daihdidee na, Sih khitciang bek in RIP-Rest in Peace ngahpan hilo in leitung nadam sung mahmah in RIP-Rest In Peace tak a omtheihna Bowling Green,Kentucky ah manlaangtak in ongpai in.

Nasep bangteng om?

Mawtaw lungbawm bawlna-Nissan zong kici;  Nikhat nai 12 kaalkhat ni 4-7, khasum tax piakkhit ciang $3,000-$5,000 gimhuai lualo

Mawtaw sihui bawlna- Toyota zong kici; nikhat nai 8, kaalkhat ni 5, khasum tax khit ciang $1,500-$2,000

Mawtaw Guh bawlna-COBE zong kici; GM zongkici;  Nikhat nai 12 kaalkhat ni 3-5, khasum tax khit ciang $2,000-$3,000

Forklift tawh kipei zialzialna- Nikhat nai 8 kaalkhat ni 5-7, khasum tax khit ciang $1,600-$3,000 

Pongmoh Emna- nikhat nai 8-10 kaalkhat ni 5-7, khasum tax khitciang $2,500-$5,000

Sik hum tenna- Sorac zong kici – keh pheek kawm ditdiatsa  leh zola awikawm sa a septheih, nikhat nai 8 kaalkhat ni 5-6, khasum $1,000-$1,200 tax khit ciang

Adang nasep nengneng peen na ut leh misinsa a zonding hilel hi.

Bang Pawlpi teng om

ZMBC-Zokam tawh Pasian Biakna

MAG-Kawlkam tawh pasian biakna

MCC- Kawlkam RC

UBB- Ut bangbang, Ut napepeuh ah kikhop theih

PLP-Pawllo pawl, pawlpi kisam selo,

Muslim Biak inn zong khat om hi.

Nu Ngak Tangvaal aom ahia?

Omlua kisa Nungak ten lah angak tinten mah hi, Tangvaal te zong avaal phinpheng bek uh ahihi. Deih dandan om lua

Mina kipawlna aom hia

Zomi te ading in Zomi Innkuan Kentucky om nasia mahmah

Zo te ading in UZO Bowling Green om nasia mahmah

Kuan onghuh tam?

Mikangte kipawlna onghuh nuam, nasep akpan apanpih ngiat om ban ah na luutna pawlpi peuh ah Si ate Pawlpi makaai te mihuh nuam kisa aliingliing hita, tua te ahinai lo onghuh tamlua kisa ongki naaksut luading a napumpi bang kitammai thei ding hi.

Tu mahmah in khentat inla napuanlom zial in ongpai pah in. Tax Return ngakphot ning cici nawnken nangzong Return kikzellel ding ci a koi mah napuapial zo nawnkei ding hi.

·      US secretary of state John Kerry IS migilo te vaai pholhkhia ding in Iraq gam Bagdad kuapi September 10, 2014 ni in vatungzal a, Bagdad khuapi tung ah Helicopter tawh minutes 45 sung aleen khawm in IS migilo te gamtatna ngaihsun ngeungau hi. Bagdad khuapi akimvial khitciang thukantetawh holimna nei a “ leitung in ih IS dawisia te ki en hithiat theinawnlo ding hi” ci in genkhia hi. President Obama IS zialnading tawh kisai in Congress phalna laak kuulselo in kathutawh zialtheihna kanei ci in September 10, 2014 ni in genkhia hi. September 10, 2014 ni zanlam ciang IS te azialziading pawlkhat pholaakkhiatna neita ding hi.

·      Ukraine gam nisuahna kuamteng ah Russia tawh kipawl thautawi te leh kumpi lamte kikapna hang in September 10, 2014 niciang mi 2,600 asihkhit ciang Ukraine President Poroshenko  leh Russia President Vladimir Putin te September 10, 2014 ni in phone tawh kiho simkhiankhian uha, Ukriane gam kitamkham liang a aom sang Ukraine gam nisuahna lamteng amau le amau ki-uk theihna kapia nuamzaw ci in genkhia ta hi.

·      Pakistan leh India gamgi dung ah tuikhanna kizomtosuak ahihman in misi gamnih ah 200 tuakphato ta in khawlsawm naaideklo ahihman Pakistan kumpi thunei te in Kashmir dung a teeng gammi 700,000 te nawhsatak mundang ah kihemkhia peelmawhding in September 10, 2014 ni in thupia hi.

·      Afghanistan gam Kunar state sung aom Palik zumte leh gamcingte migilo te in September 10, 2014 ni in sim uh ahihman in NATO gaakaap pawlpi te in vanlamtawh tawmveisung zialpak uha, mipi 11 si in 16 liam uhhi. HIh thu hang in President Hamid Kazai in NATO mawhsakna pulaakhia hi. 

·      Pakistan gam Lahore khuapi sung aom Muslim biak innpi khat tuikhanna hang a gaaltaai te in giahden in aomzihziah laaitak September 9 ni in kicim ek a mitampi vuknelh in mihonpawl in azonzon napan September 10, 2014 niciang misi luang 24 mukhiata uha, mi 7 ahitan gin hongkhia zo in pawlkha vuknelh cip lai ci in thuneite in genkhia uhhi.

·      Apple Company te in Apple khutbulh nai namnih, iPhone 6s, iPhone 6 plus leh Apple Pay software te bawlkiha khin uha, September 19 niciang amunmun ah kingahziahziah tading ci hi. tutung ngaw ngaw abawlkhiat uh nate bel bangteng kingah cih genleeng huntambei luading ahihciang atom in nakeempeuh phial kingah cihmai ding hia nasia mahmah cih ding himai hi.

Lungdam

Thang Khawm Pauzomi