Tulaai Leitung Thuthang Tuamtuam Updates August 5, 2015

Tulaai Leitung Thuthang Tuamtuam Updates August 5, 2015

·      2015 Kum November 8 ni a kibawlding Kawlgambup kiteelpi na ah Zogam leh Kawlpi khua ah Zomi Congress for Democracy- ZCD pan Mee kuangluiding Palaaite min kipsakna leh taangkokhiatna August 5, 2015 ni in neita uha, Anuai abangteng ahihi.

Tedim

1.    Pu Chin Sian Thang

2.    2.Pu Gin Kam Lian 

3.    Pi Ciin Do Niang

4.    Pi Kam Khan Dim

5.    Pu Thang Deih Khup

Tonzang

1.    Pu Kham Khan Thang

2.    Pi Cing Ngaih Mang

3.    Pu Do Khan Lian

4.    Pu Pau Lun Min Thang

            Khalkha

            1.Pu Khup San Thang

            Kawlpi

            1.Pu En Khan Go

            2.Pu Gin Sian Kham

·      July 29,2015 ni a Indian tuipi sungpan Piantit vanleeng zongpawl in amukhiat uh Siktum peen Pianit gam pua in asittelna pan un March 8,2014 ni a mihing 239 tawh amangkhawm MH370 I akhathem khat hi ci in Malaysia Prime Minister Najib Razak in August 5, 2015 Malaysia hun  August 6,2015  ni in taangkokhia ta hi. VOA

·      India gam Laizanglam Madhya Pradesh state sung Machak gunpi kiang Meileenglampi tung ah August 5, 2015 ni zan 12 pawl guah naaktam lua mahmah ahihman in Meileeng nih kipulkha a, mi 24 sipah in 30 vaal aliam a khualzinmi 300 ahunlap in kumpi thunei ten honkhia man uhhi.VOA

·      US ten amasapeen Turkey gam zang in Syria gam sunga IS misok  August 5, 2015 ni in Vanlam tawh do kipan ta uha, ahawl neilo vanleeng namte zangmasa uhhi. Tuaban ah US Secretary of State John Kerry leh Turkey Foreign Minister Mevlut Cavusoglu te August 5, 2015 niin Malaysia gam Kualalumpur khuapi a kibawl Aisia regional Summit akahkawm in kiho khiankhian uha, Turkey gam sung ah US gaalkaap , Gaalvan hoih honpikhat sengsuk in Syria gam a IS misok te velkhawm ding in  kithukim uhhi. US ten IS misok te adona uh  nikhat $9.4million bei in tuniciang $3.2 billion  beita cizen ei. BBC

·      Kawlgam kumpi te in Tuikhan nahang in micimawh te Leitugnbup onghuh tapeuh un ci in August 5, 2015 ni in kongkhakpi hongdeda ngawngaw ahihman in Leitungbup pan US te leh gamtuamtuam te Kawlgam huhding in lingleuhleuh ta uhhi.  Hih tawh kisai in gamsung a om Zomi ait avei taktak ten isep masakding Step peen Media ahihi.  Zomi te peen Malai siam thei mahmah in Zolai tawh kitawngtawng, Lai tan sangpipi nei in Mihai tenglah ah thapaai, Mipau,Kawlpau siam  mahmah napin Zomi telak bek ah nasem cihbang in abeisa hunsung Penglam Movie sunga Sakol ibanggai pian hi. Hih laihta ni ei Kua Manglai Mangpau siam, Kua Kawllaai,Kawlpau siam Igam sung ah vansia, Innsia Losia,Leikisia cihte Leitung zaakding in isiam laaite tawh hawmkhia ziahziah ding hihang. VOA

Lungdam

Thang Khawm Pauzomi