Tulaai Leitung Thuthang Tuamtuam Updates July 9, 2015

Tulaai Leitung Thuthang Tuamtuam Updates July 9, 2015

·      Zomi ten minam party khatbek ineihsun Zomi kheempeuh party ahi Zomi Congress For Democracy-ZCD in ongtungding July 16,2015 Zomi gam Tedim khuapi ah Party gambup khawmpi bawlding uha, tuamun ah 2015 Meekuang luiding Taangmi sehna leh taangkokhiatna bawlding uhhi.Tuaban ah Gualzawhna nading Zumpi hona zong neipah ding uhhi. 2015 kum November 8 ni Kawlgambup kiteelna omding a tuamun ah Zomi Zogam ading in ZCD in Meekuang luuiding ahih man in , Ei Annsaal sung ah ann sunglopi in vengte annsaal khawng ah sunghaaihaai loding hanga, Inngua hahlo pi in gamgua hahloding hihang. Zomi ka it Zogam kangai ci a Zomi minam mintawh ineihsun ZCD tha ipiak kei mawkleh 1962 pan Mipi deeksi adawnkang mang Kawl Mangte saang asuuksia zaw isuak ding hi. ZCD Info

·      November 8,2015 niciang Kawlgambup a kibawlding kiteelpi na ah Pu Thein Sein party ten gualleh sawm mahmah uh ahihman Meetang khiatciang mipi ten amaulam akhiattheih nading a ahilh ding Palik athak mi 40,000 akaihkhop laitak uh hia, adeihzah uh angah ciang kawlgam muntuamtuam ah thehthaangding ci uhhi. VOA

·      Afghanistan gam nisuakna lam munkhat ah IS te Makaapi alian thumna Shahidullah Shahid  US tuithe vanleeng vaakthaap ten golum hi ci in Afghanistan thukanten July 9, 2015 ni in taangkokhia uhhi. Hih Mihing peen Afghanistan Taliban zalian ah apangden khat hi a , tuma asawtlo khat in piangthak ahihman in IS aluut ci uhhi.BBC

Lungdam

Thang Khawm Pauzomi