Tulaai Leitung Thuthang Tuamtuam Updates June 23, 2015

Tulaai Leitung Thuthang Tuamtuam Updates June 23, 2015

·      Pakisatan gam Sindh Province sung leh Karachi khuapi te ah khualum lua mahmah ahihman in June21- 23, 2015 nithum sung  misi 700 vaalta hi ci in  Cidamna lam Ministry ten taangkokhia uhhi. Alumna peen 113.F tabang hiden ahihman in Uhaam zaw deuh leh mizawng air-condition neizolo ten thuaklah mahmah uh cihi. BBC

·      North Korea gamte mihing bawlsiatdan encik ding in UN- United Nations te in Human Rights tawh kisai Zumpi khat South Korea gam Seoul khuapi  ah June 23, 2015 ni in hongkhiata uhhi. Hih thu hang in North Korea leikha Maangpi Kim Jong Un ihmutheilo khanglo zel in ngaihsunsun tading in kilam en hi. North Korea gamten Thongsung ah mi 120,000 kiim gawhding in akhoi laaitak uh ahihi. CNN

·      US leh Sen te in gamnih kikaal bitnading lam leh sum le paai lam tawh kisai thukikupna June 22, 2015 ni in Washington DC khuapi ah neikhawm uha, June 23, 2015 ni zomto suakding uhhi. Hih kihona ah US Secretary of State John Kerry leh Finance Secretary Jacob Lew US lampan kihel a, Sen gamlam pan ahihleh Vice President Premier Wang Yang leh State Councilor Yang Jiechi te kihelding uhhi. Hih kihona peen US leh Sente ading athupi mahmah ta kihona zong ahihi.VOA

·      Russia te kiphatsakna tawh kisai NATO kipawlna khawmpi kahding in US Secretary of Defense Ash Carter Germany gam Berlin khuapi June 22,2015 ni in tung a, Cold War ah ikileh nuamkei Russia te akhialkei naak leh ahizong in NATO pawlluut gamkhat peuhpeuh Russia ten ongkhut khialh ngeingei leh pawlpi mi te huutkuulding ahihman in Russia tawh gaal apianloh phamawh ci in gengiap hi. June 23, 2015 Brussels khuapi ah NATO khawmpi kahding in paisuak hi.BBC

·      Nigeria gam Maiduguri khuapi sung mitam mahmah na khualaaizang Biak Inn maaikhat ah June 22,2015 ni in Nu ngakno nih amau le amau bomb tawh kipuakkhamsak uha mi 40 si in tamkhop khat liam uhhi.VOA

·      US Secretary of Defense Ash Carter June 23, 2015 ni Estonian gam I khuapi Tallinn khuapi tungta a, NATO gaalkaap Maangpi te khawmpi ah US ten Russia gamten Ukraine gam anawknawkna pan huutzawhna ding in Bulgaria,Estonia,Latvia,Lithuania,Poland leh Romania gamte Tank thaupi 250 leh adang gaalvan hoih nono te koihphei zihziah ding  cihthu asun leh Europe gam atamzaw in thukim pahziziah ahihman in Russia te haamdaaipah lian uhhi.BBC

·      US gam sung ah Vanzuakna alianpeen Wal-Mart leh Online Vanzuakna Amazon te in Confederate Flag kici US Civil War hunlaai a Mivom te sila a akhawi nuam vauvau Anuailam State 11 te Dialkhai zuaknawnlo ding in thukim uhhi. Hih peen Nung North Carolina state a mivom 9 athatpa in hih Dialkhai tawikawm in man nakizaih in mivom te limlim sila hi mudah ing cihthu gen ahihman in mipi in hih dialkhai abeimang nading lungphona tuni dong aneihna hang ahihi.BBC

·       Thailand gam te in Human Rights Watch te tawsawnna hang in igamsung vuah gamkhat le khat I phalna omlopi  a mipuasim Puaisa 56 kaman khia ta uha adang mi 60 zong matding in kazongzong uhhi ci in June 23, 2015 ni in taangkokhia uhhi. Hih bang hileh leilam tawh Malaysia paina hamsa tektek ding ahihman in Zomi te ading in hoih khollo zaw in ngaihsun ingh.VOA

·      Facebook pupi  lah ahi US Billionaire lah ahi Mark Zuckerberg leh a Angkawi Priscilla Chan te in US gamsung ah mundang pan a tung gaalbeel laaidal neilo ten College sangte ah  pilna asintheih nading un aneihsa uh sum $5 million kapiakhia ding a atamzaw San Francisco Bay Area aten zangding ci in June 23, 2015 ni in taankokhia hi.CNN

Lungdam

Thang Khawm Pauzomi