Tulaai Leitung Thuthang Tuamtuam Updates June 15, 2015

Tulaai Leitung Thuthang Tuamtuam Updates June 15, 2015

·      US gamten adeih valval uh Libya gamsung a kiphual Al-Qaeda migilo Makaaipi Mokhtar Belmothkar  June 14,15 zantha paai Gaalvanleeng tawh abenna pan Libya gam nisuahna lam ah gozo taktak ta ci  in  US Gaalkaap ten taangkokhia uhi. Hih mihing peen Algeria gam Gas phualpi khat 2013 kum in Al-Qaeda ten sim in US gammi 2 tawh mi 37 si in 800 aliamna ah makaaipi inpang ahihman in US State Department ten amanzo peuhpeh $5million piading a ataangko niloh khat uh ahhi.CNN

·      Afghanistan gam sallam ah Ashkhamish District Governor Hamidullah Haqjo Takhar Province sung akhualzin na ah June 14, 2015 ni in Taliban ten bomb nasiah in amawtaw in asikkhak laaitak puakkham ahihman in anungzui minih tawh sipah uhi.VOA

·      North Korea gam ten anaaikaapna Thautang KN-01 namte thum June 14, 2015 ni in lawn uha, Kilometer  100  aleenkhit ciang Janpan tuipi sung ah kia hi ci in South Korea Defense Minister pan genkhia hi. June ni 9 ni inzong tuisungtum tembaw pan agamla kaapna thautang 3 lawnkhia uha, aveeng apaam teng uh to kawikawi uhhi.BBC

·      Florida Governor luui Bush Innkuan sungpan President seemding a mipi lam et mahmah khat ahi Jeb Bush ( John Ellis Bush )  in 2016 US President kademding ci in June 14, 2015 ni in Miami pan taangkokhia hi. Amah peen George  W Bush I tapa hi a President lui W Bush I laaizom zong ahihi. Anuntaakna atamzaw Politics tawhbuai a, University Of Texas pan American Latin Affair tawh sangzo hi. 1999-2007 sung Florida Governor seem a, mipi deih leh pahtaak mahmah khat zong ahihi.2016 kum US President demding Republican Party pan a 11 na ahihi. CNN

·      US ten gaalvan hoih nono leh gaalkaap pawlkhat Europe gam leh Baltic States ah koiding in geelna nei uha, Defense Secretary Ash Carter leh President Obama I thukimna bek ngaaklaai ci in June 14, 2015 ni in pulaakkhia uhhi. Azenzen in Ash Carter leh Obama in thukimna apiak aleh Galdona Mawtaw hoihte, Tanks te, Thauvui thautang hoih nono leh Gaalkaap 5,000 koihding uhhi. Poland gamsung ah ongkoih theihnading un US tawh kakikup laaitak uhhi ci in Poland Defense Minister Tomasz in June 14, 2015 ni in genkhia hi. Hih peen Russia ginna hi a Gaalpi thumna ginna zong ahihi. BBC

·      Kenya gam leh Somali gamgi a om Kenya gaalkaap phualpi al-Shabab migilo ten June 14, 2015 ni in sim uha, langnih kikap tuahna pan al-Shabab migilo 11 si in Kenya gaalkaap 3 si in Kenya gam thunei te in taangkokhia uhhi.VOA

Lungdam

Thang Khawm Pauzomi