Tulaai Leitung Thuthang Tuamtuam Updates April 1, 2015

·      Leitung ah Kum tam anungta peenpeen a kiciamteh ahi Japan gammi Misao Okawa kum 117 amah akikepna Osaka khuapi Nursing Home pan April ni in si a apakiang lam zuanta hi. Amah peen alungtang in naseem nawnlo ahihman in asi ci in Siavuanten gen uhhi. Nung mahmah in kum 117 acinna suahpawi bawl uha,  kum 117 pee mitphiatkaal tawh kibang ci in Leitung nuam asakna genngei hi.BBC

·      Damascus khuapi  sung a om Palestine gaaltaai te kikholna Yarmouk Refugeen Camp sung ah IS migilo te April 1,2015 ni in luut uha, makaai teng man in kuamah paikhia loding in thupia uhhi. Hih Refugeen Camp sung ah Palestinian Refugee mi 18,000 IS te matsa in om ginggeng uhhi.BBC

·      Philippine gam ah Good Friday leh Easter Sunday  nasiatak in dawnding in geelna aneih kawmkaal uh ah Tuzawh nai 72 sung in Typhoon huihpi leh guahpi kithuah te in gunpang zawdeuh teng nasiatak nawkding ahihman in buk nading munhoih zong unla neekding akicing in lekhol ta un ci in kumpi lampan April 1 ni in mipi tung ah theihsakna neikhia uhhi.VOA

·      Iraq gam sung ah IS phual pi lian mahmah khat ahi Tikrit khuapi abeisa kaalkhat pan kipan US le apawlten vantunglam pan nahtang-u khiat in Iraq gaalkaap ten anuailam pan navat ciatciat uh April 1,2015 ciang neh mahmah ta uha, nai 2 nai 3 sung kaap laai le uh IS migilo akici limlim kihawlkhia mangzo tading ci in Iraq gaalkaap te in gen uhhi.VOA

·      April 16,2014 ni a South Korea a Tembaw kibutna hang a asi sangnaupang 250 te Innkuanpih te tung ah South Korea kumpi te in Liausum mikhat $380,000 ta kongpia khia ding uh nalung uh akimdiam ci in April 1,2015 ni in dot na bawl kawikawi hi. Hih Misi te lak ah sangsia nih zong kihel a amau bel akhasum taang uh tawh sangnaupang te sang in tamngah zaw ding ci uhhi. Mi kumpi te hici ei.VOA

·      Leitung gamtha haat gam 6 p5+1 te Iran Nuclear tawh kisai koicih ding cihthu Switzerland gam ah nasiatak akikup laaitak un US The Speaker of House   John Boehner leh Israel Prime Minister Benjamin Netanyahu te Israel gam ah nabuai mahmah leuleu uhhi. Abuai kawmkawm un US leh Israel te kipawl khawm a abawl uh Anai Agamla pan pai in bangzahta in tam taleh avikkhia ziauziau theiding thautang daalna ahi David’s Sling kici Gaalvan ahoih hiamci a asin uhleh adeih banglian un kizangthei in gualzawh na ngah uh ci in April 1,2015 ni in taangkokhia uhhi. 2016 kumpan deihzahzah in kizang thei ziahziah tading ci in gen uhhi. VOA

Lungdam zel

Khialhna aom leh ngaihdam bawm ah maw

Thang Khawm Pauzomi