Tulaai Leitung Thuthang Tuamtuam Updates March 5, 2015

·      Nigeria gam Borno state Njaba khuano ah Boko Haram migilo ten 03/04/2015 ni in khuasung mi 64 thatlum uha, khuata lua ahihman thukizakna ziakaai in March 5, 2015 ni in kitheikhia pan ci in kumpi thunei te in taangkokhia uhhi.BBC

·      South Korea gam a US Palaai pi ahi Ambassador Mark Lippert  March 5, 2015 ni in South Korea gammi Kim KI-jong kicipa kum 55 in Temta tawh viklum ziau ding ci in Tem tawh dawt ek a, naak liam sim ahihman in zato kipuak hi.  Kim in adawt laaitak Korea gam sak le khang kipumkhat kul cih kampau hi. South Korea gam thunei te in hih mipa peen North Korea te khutzat ahiam cih kantel uha, amah manphot uhhi.BBC

·      Iraq gam Tikrit khuapi IS migilo te khutsungpan laakkik zawhnading in Iraq gaalkaap leh Shia gaalkaap kigawm gaalkaap 30,000 in avui atangtawh March 2,2015 nipan nasiatak zial uha, atunglampan US leh apawlten Vanlawmtawh nahuh uh ahihman in neh hithit ta uhhi. Asun azan cilo in kizial uh ahihman in gaaltaai mipi 28,000 pha ta uhhi. BBC

·      Syria, Afghanistan gam leh Iraq gam sung  a Uk al-Qaeda migilo te khutzat ahi Nusra Front tapong te makaaipipa Abu Humam al-Shami   apawlte tawh thukikupna aneih laaitak un US leh apawlten bomb khiat uha, amah leh adang thum si uhhi ci in NUsra Front ten taangkokhia uhhi. BBC

·      Kawlgam Pilsin na thukhun pi deihlo sangnau pang te Yangon City Hall maai ah aot ziahziah laaitak uh March 5, 2015 ni in Palik 500 ding leh khuasungmi thatang haat mahmah kumpi te sawltak pawlkhat in abansat gawp khit ciang 8888 sangnaupang mi 8 kumpi thunei ten man uhhi. Hih sangnaupang te lungphona ah Yangon khuapi sung a om University tuamtuam pan leh muntuamtuam pan kihel uhhi.VOA

·      IS migilo te in Internet Online tungtawn in mite hiamtat ding leh IS gaalkaap ding mahmah kaaikhawm uh ahihman in hihte tungtawn in Palik te leh mipi te in kidawm taka etcik ding in FBI te in theisakna March 5, 2015 ni in hawmkhia uhhi.VOA

Lungdam

Thang Khawm Pauzomi