Tulaai Leitung Thuthang Tuamtuam Updates Jan 18,2015

·      Japan gam leh Egypt gam sum le paai hawmkhawm ding in Japan Prime Minister Shinzo Abe  Egypt gam vahawh a, Egypt Prime Minister Ibrahim Mahlab tawh Cairo khuapi ah January 17, 2015 ni in kimukhawm uhhi. Kihokhopna sung ah Japan Prime Minister Abe in Middle East gam sungteng ah Japan ten  Gaalkaap tawh akisailo huhna $2.5 billions piakhia in Egypt gam ading $200 million piakhiading in genkhia hi.VOA

·      China gam nisuahna lam Jiangsu province Yangtze gun sung ah mi 25 apua gunkuangkhat January 16 nizan in kibung a mi 21 sipah in khat mangthang ci in China kumpi thunei te in January 17, 2015 ni in taangkokhia uhhi.VOA

·      Kachin gam Lungkhin Township sung ah tuma ninih pan kipan KIO gaalkaap te leh Kawlgam gaalkaapte nasiatak asun azan in kikap uha, mipi tampi tak koimah pupial theilo in cimawh in omuhhi. January 17, 2015 ni in Kachin kipawlna tuamtuam pan micimawhte huhding in mawtaw 150 tawh kuan uha, Kawlgam gaalkaapten khaktan ahihman in huhna piatheilo uhhi.RFA

·      USA gam leh Cuba gam kilawmtaatna ahoih semsem ding ngimnatawh US Congress Ulian mi 6 Cuba gam January 17, 2015 ni in vangaih hawh uha, Cuba gam Ulian te tawh vaholim ding uha, January 19 niciang Washington DC ongtungkik in mauhzia uh thu puakding ci in White House ten taangkokhia uhhi.BBC

·      Piantit gam Paris khuapi pan kihawm Charlie Hebdo thuthang te in Muslim Makaaipi Muhammad lim kap neinuai sa in laaibu kawm ah asuahsakna hang in leitung Muslim gamte in January 16 nipan nasiatak lungkimlohna lak uha, Niger ah huaisia deuh in Biak Inn te haal ziahziah uh ahihman in  lungkimlohna alak mipi te leh palik te buai in January 17, 2015 ni ciang mi 10 sita uhhi.CNN

·      US leh apawlpih gamte in January 16-17 zankhat sung Iraq gam leh Syria gamsung a IS te phualpi te 29 vei vanlam pan bomb khiat uha, IS tem un thupi te leh gaalvan, Inn le lo tampitak suksiatsak uhhi ci in January 17, 2015 ni in thusuah bawlkhia uhhi.BBC

·      Iraq gam saklam ah IS migilo ten amatcip uh Yazidis  pawlpi mi 350 te January 17, 2015 ni in khahkhia kik uh ci in Kurdish gaalkaap te in taangkokhia uhhi. HIh mikimante peen Uhaam leh Naupang vive hi a cina thei mahmah uh ahihman in Kurdish gaalkaap ten zato lam puakpah uh ci hi.BBC

·      Belgium gam ah ngongtat asawm minih January 15 ni in Belgium palik ten kaaplum uha, mi 20 man uhhi. Mi 2 taaisuah uha, ataaisuah uh mi 2 hiding upmawh te Greek gam Athens khuapi ah  palik te January 17, 2015 ni in naman uhhi. Piantit gam Paris khuapi ah mi 17 akithah khit a kipan EU gamsung ah lauhuaina khang semsem hi. CNN

·      Leitungbup RC pawlpi lutang Pope Francis in Asia gam sung ni 6 khualzinna hialbawlna leh Biakpiakna Philippine gam Manila khuapi Rizal Park ah January 18,2015 Nipi ni in neihpih a mipi simzawhloh in biakpiakna neikhawm zihziah uhhi. Philippine gam ah RC pawlpi mi 80million  aomna lakpan 60million kihkawm ding in ummawh uhhi.BBC

Lungdam mahmah

Thang Khawm Pauzomi